?/? [?]
Sabi心靈雞精句：“kakakakkakakaa”

其實今日已經係8月, 就係6/8, 8號風球, 所以有時間攪下個日記~
不過, 岩岩有人話, 估到我無寫7月尾既日記, 哈哈哈, 我咪黎打少少野, 哈哈哈哈~ 果排, 晚晚都好夜返家, 無咩時間打日記, 7月尾其實都有d事發生架, 不過, 都唔係好記得~ 只係記得同一晚去左2個婚禮, 同浩賢個女玩; 去左MK攞百佳Coupons; 同埋老細請左我地去鏞記食Lunch: 有叔米魚肚斤, 燒鵝, 紅燒豆腐, 椒鹽排骨, 炒菜~ 不過, 好似又係我食最後... 係我食得多, 定係佢地食得少呢 >.< 之後老細話請我地飲果汁, 我地就行去買啦, 不過, 買少左一杯, WHAKAKAKAKKAKAAAAA!!!! 好似好衰咁!

 

19/7 [Saturday]
Sabi心靈雞精句：“自己比自己的壓力, 大過任何壓力!”

唔開心, 跳得差, 走錯位, 又甩舞, 驚累人...
好敏自己點解可以跳成咁!!!! 練左咁多次, 睇返d片, 無一次係perfect, 唔係走錯位, 就係甩舞! 你想點呀 良加甄!!!!! 好憎自己跳成咁呀!!! 好敏呀!!!! 呢2個星期練左6,7日! 6,7日, 日日都唔係走錯位, 就係甩舞!! 6,7日都跳得唔好!!! 呢排成日都係咁發夢跳舞跳舞跳舞!!! 今日跳完, 自閉地係咁睇返片, 睇到夠鐘, 行去放返部機入袋, 阿Sir係度搭住我, 同我講: "唔好比咁大壓力自己, 無人係完美, 當個台係我地玩既地方, 唔洗比自己咁大壓力, 當好開心咁玩咁跳" 一路聽, 我已經忍緊眼淚, 但好快就忍唔到, 流左出黎~ 我好敏自己, 跳極都跳得唔好, 好怕會累左成team人, 好驚會累左人... Miss見到我咁就比我攬住, 話我傻既, 唔洗咁緊張! 之後, 一齊跳舞既人都知道我喊添, 真係羞家... 好多謝大家都咁錫我, 話"唔緊要架..." "已經跳得好好架啦..." "你比起之前已經熟左好多架..." "又唔夠時間排, 跳到咁已經好好架啦..." "傻架, 唔緊要啦, 我都成日跳錯啦..." "唔怕, 我對你有信心..." 等等等等... 好多謝你地, 多謝你地既支持! 阿雪仲錫左我一啖添! 之後, 雪提議去飲下野; 我地一行5人: 雪, 高妹, May, Maggie & I 就落MK飲野~ 聽日我一定唔會令你地失望! 我要做好自己!! 放鬆A, 放鬆B, 放鬆C, 放鬆D!!!!!
PS.: THANKS ALL IN THE DANCE ROOM TODAY!!

 

17/7 [Thursday]
Sabi心靈雞精句：“係時候將一切歸於原點, 就讓一切到始為止! ^^ ”

 

10/7 [Thursday]
Sabi心靈雞精句：“It's the Green day for Sabi who was born on that date N years ago!”

^o^Sabi 生日快樂! Happy Birthday!!^o^

唔洗講, 一定會去Ocean Park! 因為壽星女去係FREE!!
雖然, 去果陣下雨喔, 所以天生聰明既我就一早就買左雨褸! $5.9咋! 首先我地去左下邊行行行, 去左睇Panda, 睇海豚, 兒童皇國, 同埋玩畫黑板! 之後就入左去個功夫熊貓既野度睇, 臨出去既時候, 仲比隻功夫熊貓嚇親! >.< 之後, 我地就去左搭吊車, 嘻嘻, fing出去果下好次激! (我打緊日記既時候, mum & dad係度估數目字, 好攪笑 >>> 其實同果日無關架, 不過, 講下mum & dad咋) 出到去呢, 無乜雨喎, 但係我地就好似小朋友咁玩踩水tum!!! whakkaakka!!!! 邊夠我黎架!! d水梗係去晒你度啦!! 有晒準備係去玩水既, 唔怕整濕! 可以係咁玩踩水tum!!! 踩水tum!!! 踩水tum!!! kakkaka~~~ 行到落去, 首先就去左行魚魚館~ 我地見好多機動野都未開, 因為天雨喎~ 所以我地就去左食野先, 嘻嘻, 我地食雞! 我仲叫果個人比多d薯條我地添, 係咪好叻叻呀我! 哈哈! 梗係啦, 得果幾條, 夠邊個食!! 食完呢我地就再行去過山車果邊睇下玩得未, 眼睇好似好多人咁, 不過, 黎左唔可以唔玩架喎, kekkeke, 於是我地就都係去左排隊玩!! 仲坐最後一架車車~ 但係我地見到個西妹因為太細個, 唔夠高玩喔 >.< 過山車之後, 我地就過左去玩海盜船! 有人呢唔敢坐最後一行喎, 哈哈哈, 我唔理呀, 一定要坐最後一行, 都唔驚既, 無野既, 都唔知幾好玩, 哈哈哈!! 飛起都唔知幾正呀!! 之後我地離開果區果陣, 上樓梯, 我地目及到人地裙底, 係自由人, 黑短裙, 白色底底, 哈哈哈哈哈!! 點解會咁架!!!!

左1:最愛人字拖, 就係著左呢對去玩左成日(細碼腳);
右3:個女仔咁靚既, wahkaka!
右2:功夫熊貓 (之後仲比佢嚇親, 唔聲唔聲企響後邊!!);
右1:cute cute小丑魚;

行到去滑浪飛船, =_= 比人拉左一定要玩, 鬼叫我拉左人去玩最後一行既海盜船, 但係都唔洗玩5,6,7次咁多麻... 我地好在有雨褸咋, 玩呢個真係會濕得好犀利, 食晒水~! 排隊果度都有雨褸賣, 你估下1件幾多錢 >>>> $25!!! 我地果件只係 $5.9咋!!! 入面買野貴都唔出奇, 不過, d自由人買左1件$25, 玩完一次滑浪飛船, 就將件雨褸tum左!!!!! ~.~ 我地玩完5,6,7次之後就去左玩洗衣機! 果個好好笑架其實, 係咁在入邊離心, 係咁迫迫迫, 哈哈~ (又講d其他野比你地知先, 呢家我mum係度睇緊跳舞d野, 係個1個男人跳, 跟住同dad講:"你睇下男人都跳架, 你都去跳吖, 你識唔識跳呀!!!" dad:"我梗係識跳啦, 你估我唔識咩! 我唔跳比你睇之麻!" >>> 佢2個唔嘈交果陣, 勁攪笑!) 好啦, 我地玩完個洗衣機就起行去下水禮 落到去我地先搵locker, 點知成80蚊一個locker!!! 癲架!! 我地梗係無租啦! 我地去左玩水蛋! ^^ 用雨褸姐住我地個袋咁就唔怕濕呢!! 水蛋玩左幾次之後我地就去左玩另外一樣野, 係一個好大既吹氣既野, 有d水係入邊, 在個尾, 有條野連住個人; 在個頭呢, 就有個桶, 你呢就要張d冰bom波放落個桶入邊, 咁個人跑出黎就會好似拉返你返轉頭咁, 哈哈~ 果個好累, 好好笑, 好好玩!!!! d工作人員仲會係咁用水槍射你喎!! 玩完呢個我地就行左入去, 周圍行咁, 無人喎, 哈哈, 我地包左咁!! 其中有一個係有幾個好大既吹氣既波吊住左係度, 大到高過我的, 哈哈, 我企左去波同波之間, 叉包一拉第一個波, 個波飛返返黎, 我比個波一撞, 成個跌左落地下!!! 好攪笑!!!! 不過, 個petpet好痛 >.< 仲有玩左滑梯同埋玩左幾下水槍咁啦~ 之後都無咩好玩嚕~ 拿返d野出左去坐, 休息一下, 順便睇人玩跳彈床, 就換衫走人~

點知原來個叉包訂左蛋糕@赤柱!!!
8點要拿, 我地走果陣係7點幾!!! 打去赤柱Häagen-Dazs果度問, 話收7點!?!!?!?! 但到到730都會有人, 但係我地果陣都7點幾啦!!! 點去呢! 叉包就提議打的! =_=" 就係咁, 打的無左$80, 岩岩好係個locker!! 落左的士, 我地就勁走勁走! 去到好在我地都仲趕到, 嘻! 一打開, kekekekek~ 好靚!!!~ 仲有d字字添!!~ 本身想行去海灘果邊, 不過, 又唔係好識行, 大家又累累地, 最後我地坐在個圓形有頂果個野度食左個蛋糕! 哈哈, 好好味, 好飽飽, 都唔洗食飯啦~! 最後的一個驚喜, 就係大大的史迪仔!!! 22"架有!! ^^ 多謝晒!! 好多謝!! 今日, 真係好開心! 多謝! ^^

左1:下水禮;
中間: 美味Häagen-Dazs古古力雪糕蛋糕;
右1:傻頭傻腦頭大身細又可愛的史迪仔! kekekekekeke

 

9/7 [Wednesday]
Sabi心靈雞精句：“跳舞, 不單只是用身體, 還要心神合一!”

開心得濟, 食得太多Sushi, 頂住添, 嘻嘻~
熱身之後, 先排左一陣 "Eyes like yours", 排左好少, 試左少少野, 之後阿Sir就開始同我地排 "特務J" 走位, 好攪笑~ 有一part走位, 我要行去右2位, Carlily在右1位, 但係我就走左去右1位, 跳左2下, 唔對路, Carlily: "呢度呀~" (因為我同Carlily, 唔係右1就係右2係咁轉位) whakakakaka, 好好笑~ 又有一part係我地5個集埋一齊之後散開, 但係唔係一齊散開, 而係分拍子咁散開, 試第一次果陣好好笑, Carlily在我前右, 佢側手返出, 我就在4拍之後線出去; 4拍之後我出, 但係見到Carlily隻腳在我面前, whakakkaa, 出唔到, 笑到傻左!!!! 散開左, 唔知到時果度有無咁大地方比我地又側手翻又線又look出去咁, 唔知到時會唔會跌晒出去~ whkakakakaaka!!! 又有一part, 走完位之後, 我地5個唔記得要跳乜, 企左喺度研究, 音樂繼續, 但係又聽到知道係跳到咩既時間, 我地5個突然間又跳起黎, whakakkakakaka!!!! 好好玩!!! 我排完特務J之後, 就去返另一group排 "Eyes like yours" 學多左少少野, 不過, 未得, 知道係咩動作, 但有待改善!!! 條腰同條腿協調得唔係好好 >.< 跳完一隻又一隻, 唔洗停, 好開心!! ^^ 唔好比佢停! (不過, 今日熱身之後, 都未做到個1字 >.<)

 

7/7 [Monday]
Sabi心靈雞精句：“用心聆聽, 用心感受!”

星期日: 癲左~
先係1530跳到1730, 之後Miss同我拉左2拉個大字, 試在bar外線落地, 不過, 腳無野頂住, 就咁成個右腳撞左去鏡, 3個人望住我: Miss, 雪 & 高妹; 個畫面好爆笑, 我好似好白痴咁, whakakakkaka! 起返身之後就入bar, 一野就線左落地, 好快!! 以為自己唔得添, 點知得左 ^^ 坐左落去之後我唔知做乜係咁笑, 笑到癲左, whakakakkakakakaka~ 出返黎鬆一鬆, 6點左右, 我地4個就一齊去食野, 因為之後要1900~2300! 正呀!! 行到去體育館, Miss登記攞dance room就入去囉!! 一開始佢地跳另一隻舞先, 我就自己練攪沙1字, 因為我隻舞未齊人, 自己又唔係好記得, 要佢地教返我; 果隻舞, 我都有好幾堂無返 >.< Ivy到左之後, 就要麻煩她教返下我, Maggie仔之後黎左就繼續教我~ Mark左2個幾鍾再開音樂跳左幾次, wahahahahh 都有d甩甩地, 錄左返家自己睇返再記舞~

走時, 好大雨, 一路行一路行, 條褲已經濕晒, 鞋都濕左少少... 等車返家果陣, d車行過個bus stop既時候, d水就係咁飛上黎, 我隔離個阿伯就係咁講粗口, 至憎!!!!! 之後, 又有架車好快咁行過, 成個浪咁飛埋黎, 由頭濕到落腳, 發癲!!! 傘都開唔切擋!! 頭髮係滴水架!!!! 之後我打開左把傘, 唔山啦!! 哼!! 激死我呀!! 返到家即去沖梁!!! 哼!!! 污租垃塌!!!! >.<

3,600秒, 你會為你心裡人or為自己做d乜?
有個人, 坐左係度呆等另一方3,600秒, 聽上去, 好像沒什麼特別~ 去街等朋友, 都係咁等, 分別在於: 係呆在一個地方咁呆等, 定係一路行街一路等, 定係在家等; 等一個朋友, 定係等心裡邊很想念的人~ 看見了, 很感動, 又有驚又有喜又有驚喜~ 有點亂, 怕出錯, 想迴避, 但不忍不理會一個耐心等候的人, 真的感動~ 無言的擁抱, 緊緊的緊緊的, 勝過千言萬語~ 女的忍不住, 流了點眼淚, 這些淚代表著感動關懷溫暖和愛; 而男的, 就算有幾想流出開心關愛既眼淚, 當然都會忍一下, 好讓女的可以放心安心舒服地被他擁在懷內~ 被擁在懷內的感覺, 幸福得很~ 親吻和小禮物都變成了甜品, 這情況下的親吻和小禮物, 都顯得特別香甜! 就像電視劇入邊經驗了一點事情的小情侶般, 甜蜜溫馨~ 相信, 當晚他倆一定都會睡得很甜很甜 ^^ 祝福2位: 希望這3,600秒會為你們帶來無限個溫馨甜蜜的3,600秒~

 

5/7 [Saturday]
Sabi心靈雞精句：“努力飛走了!”

多謝好朋友~
呢2日, 都有朋友同小妹預祝生日 ^^ 多謝晒! 大家都好忙, 但係都抽時間出黎, 小妹真係好多謝你地喔! 好耐無見到Bon, 一見我地就係咁傾係咁傾, 無理過其他人咁, 好似搭台咁, 哈哈! 不過, 有個係咁奪名追云call, 每一個人都無一幸免, 又未夠鍾, 又係咁吹吹吹, 好煩 =_=
比d相你地睇下啦, 係我同Karen Chuck個Tea~ 好好味的~ 呵呵呵~

(中間: 果杯係Karen Chuck杯coffee~ 右2: Sabi杯美味古古力!~ 右1: 係咪唔知咩黎, 其實係芝士姑姑多士)

7pm~830pm & 9pm~11pm
呢幾日, 個人又累又痛~ 今日, 練左唔係好多野, 不過, d筋回左好多~ 呢幾日個1字同大字都做唔到! 唔係做得唔好, 係做唔到!!!!! 回左好多做唔到!!!! 都唔知幾時先回完!!!!! 之前都試過回, 但係今次回得好多, 做唔到1字大字之餘, 個petpet都痛!!! 周身痛!! 頭先問Grace, 有無咩方法唔會回, Grace話"無架" 嗚嗚嗚, 她自己都會回, 之前練既野好似side左咁 >.< 好想快d好返~ 希望唔好回咁耐~ 聽日又要繼續努力!! 係喎, 要多謝阿雪送比我既手信 ^^多謝!

打左幾個乞痴添~ 累, 去訓先~
(呢幾晚發夢, 都係咁跳舞...)

 

1/7 [Tuesday]
Sabi心靈雞精句：“努力是會見到成果的!”

4pm~9pm: 練功+跳舞 = 5hrs
都練左好耐先開始排舞~ 練左1字, 大字, 攪沙1字, 打關斗+側手番, 胸背腰(前後左右打圈:胸背腰分開做, 然後胸背腰一齊做 >> 呢個阿Sir讚我做得好, 又有力, kekeke ^^) 打關斗, 側手番都好多年無做過, 起碼8年, 今日第一次做返, 打關斗就無乜問題, 但係一開始做側手番就有少少驚驚地~ 不過, 腿未夠直, 要2條腿在空中開到好似大字咁先夠; 今日打左唔少下, 頭都暈, 哈哈~ 希望下次練條腿可以開得靚d!! 做胸背腰果時, 只係著Top做, 哈哈, 見到自己條腰做成點, 都幾滿意, 鍾意做腰!! 有機會跳埋肚皮舞就好啦~ kakakkaa~ 排舞果陣著Top跳, 因為隻舞要做攪沙1字, 我做幾次都唔夠快... 趕唔切起身... 慢左 =_= 之後, 原來做多左1個攪沙1字, 不過, 都係未夠順快! 要練多d~ 同埋個地有墊做同無墊做, 好唔同, 無墊做, 好痛~ 之後跳舞果d都okay~ 希望記得晒d舞! 哈哈! 跳完就去食飯, 食完就返家~ 好累, 聽日一定會痛~ >.<

PS.: 可能真係太累, 呆左咁耐, 寫得咁少添~

 

July 2008 Schedule

Sunday

Monday

Tuesday

Wednesday

Thursday

Friday

Saturday

　

　

1

4pm~9pm:
Dance@ChoiHung

2

9pm~11pm:
Dance@HMT

3

4
Dinner w/ fdssss

5
Tea w/ Karen Chuck
+
7pm~830pm:
Dance@TKW
+
9pm~11pm:
Dance@TKW2

6
330pm~630pm:
Dance@TKW
+
7pm~11pm:
Dance@TKW2

7

8

9

Sushi@WanChai
+
9pm~11pm:
Dance@HMT

10
Green Day

^^ Häagen-Dazs雪糕蛋糕

11

12

7pm~830pm:
Dance@TKW

13
330pm~530pm:
Dance@TKW
+
羽壽司

+
7pm~11pm:
Dance@TKW2

14

15
Thanks Janice

+
大家樂見!

16


9pm~11pm:
Dance@HMT

17

18

我映架, 快d話靚啦!

19
5pm~7pm:
Dance@HMT

20
330pm~630pm:
Dance@TKW
+
7pm~11pm:
Dance@TKW2

21

22
7pm~9pm:
Dance@TKW2
+
9pm~11pm:
Dance@TKW2

23

8pm~11pm:
Dance@TKW2

24
7pm~9pm:
Dance@TKW2
+
9pm~11pm:
Dance@TKW2

25

9pm~23pm:
Dance@TKW2

26

27

330pm~630pm:
Dance@TKW

28

29

30

8pm~11pm:
Dance@TKW2

31

　

~呢個月跳得咁密~
~你估我頂唔頂得順~
~ ^^ Sabi 加油! ^^ ~

　

　

　

　

　

　

　

 

BACK