Sabi心靈雞精句：“ 電視上演的並非真實人生。現實生活中每人都要離開咖啡館去工作！”

今日睇左兩套戲
1: "我要做Model"
好好笑呀！ 笑到肚都反呀！ 做型個個都好得！ 尤其係Mandom，即係鄭中基，又講"潮語"，好笑！ 嘉欣靚女不在話下啦！ 當Mandom同嘉欣揀衫化妝之後，嘩！ 正！ 不過，森美個嘴好核特，哈哈哈。。。 係我自己問題0者，不嬲我都覺得佢個嘴好咩架！ 嘻嘻。。。 仲有，戲入面有多多少少唔同既笑位，真係笑唔停！ 主要都係鄭中基，佢講野又好笑、d身體動作攪野到暈！ 總之就算唔係笑出聲，排牙都係咁E起晒！ 笑到勀呀！ 好想睇多次！
2: "80日環遊世界"
都係一向成龍既戲，好多Side casts都其實唔少野。 今次有吳彥祖、莫文蔚、洪金寶、原子惠、仲有，阿諾舒華辛力加添呀！ 其他都有好多熟口熟面既人，一時諗唔到佢地個名。 唔少朋友都覺得吳彥祖靚仔，不過我就無乜咁覺，但係今次睇佢做呢套戲，吳彥祖一出場，我第一個感覺就係 "嘩！ 好型呀！" 型到佢牙真係�魽I 佢同成龍打交個幕好好睇呀！ 好型呀！ 以前無乜點聽過吳彥祖同莫文蔚講英文，佢兩個都講得好好聽，梗係啦，佢地自細講慣，吳彥祖講英文仲好聽過講廣東話，講英文仲會型d添，哈哈哈！ 簡直係另眼相看呀！

堂細佬唔舒服，攪到入左醫院。
好細個咋，得3、4歲，好得意架佢！ 佢同我咁少見，都無話驚左我，仲俾我拖住佢行添呀！！ 好似話Monday可以出院！ 一定要乖乖健健康康！ 我會為你祝福！

Karen (HK), no matter what's happening, I'll totally support you and I'll be at you side! Do call me as long as you need me! Karen, I love you!

Sabi心靈雞精句：“ 照顧人幸福，還是被照顧更幸福呢?”

開會俾人擺左上�^
無野講lor~~ Friends wor~~~ 俾人大叫自己個名，做左副組長！ 仲未去咋就要係咁打電話！ 一心諗住齋玩甘麻，又要做野！ 就算有得玩都玩得無咁放啦！ 真係唔該晒喎。。。 Karen & Amy。。。！ >()<

Sabi心靈雞精句：“你不能改變容貌，但你可以展現笑容！”

要去
打左電話啦，要過去。。。哇~~~ 一來一回。。。哇~~~ $$$$$$$！ 咁多野架！

Sabi心靈雞精句：“兩個人在一起不是為了相互取暖，而是因為愛！”

朋友仔玩完回家魯~
返香港之後，同左佢地連續玩左幾日，尋晚送走左佢地魯！ 我無在香港唔係好耐，都唔係好識路。。。 正牌"方向白痴"！ 不過，就係因為要同佢地出去搭車個d，我呢家都識左唔少點坐車！哈哈哈！ 快過坐MTR呀真係！ 最開心係去左Ocean Park！ 呢日仲睇埋海豚表演！ 我好鍾意海豚架！ 每次見到海豚既時候都覺得好滿足同幸福！ 玩左幾日，今日就Stay at home啦，夜晚就去同屋企人食Dinner！

Meeting in Macau
唉！ 又要去Macau Meeting，聽日打去問下先，如果我可以唔去咁就唔去啦梗係！

Sabi心靈雞精句：“相愛不只是走進對方的生活，更要能走入彼此的生命！”

讚！讚！讚！讚！讚！
考完晒試啦！ 尋晚出左去食Dinner，跟住Shopping！ 嘩！ 擺明好耐無買過野呀！ 出手好快，睇岩就買，勁爽呀！ 首先去左FANCL拿之前Viki留俾我限量版Package，之後就買左d衫同一條褲。 條褲係我想買好耐既色黎架！ 不過，之前次次見親都係好厚既料，怕熱唔買。 今次呢條係薄架！ 岩晒何車呀！ 梗係第一時間買左佢啦！ 仲有呀！ 我對Nami˙Nami好有興趣呀！ 返香港一定要買黎試試呀！ 哈哈哈！ 係掂既，就會去泰國掃貨！ YEAH！

拾好房，呢家等Check Out！
呢家係早上7點半左右啦，由尋晚大約12點，拾到今朝7點呀！ 拾拾下都有d頭暈，都幾Tired。 約左Friends 9點半幫我手搬走晒d野，之後我諗都係食野既時候掛，哈哈！我識做既，要佢地咁辛苦搬野，請食飯點都走唔甩啦！

西昌交流團 : 23/6 ~ 1/7
好開心呀！ 又有得Join交流團去玩啦！ 今次去西昌係主要見識一下佢地既航天科技，去下參觀，遊覽一下當地，當然唔少得就係會同當地學生交流一下啦！ 西昌右上有成都同重慶，下面有昆明，再上好多好多就係酒泉啦！ 亦即係楊利偉上太空時既地點！ 不過，我地唔會去到0個度啦！ 邊有咁筍�魽I 哈哈哈！ 呢家成個腦都係好耐之前去韶關交流既畫面，好開心呀！ 好期待今次既經驗呀！

補習補到好似教女咁
話說，我個補習生係我面前就無乜野，但係對住佢Mum & Dad就唔係好一樣，同埋對住佢個Maid仲更言之係有180度大轉變！ 最近，我知道左個補習生做左兩件唔係咁岩既事，有一件事仲要係佢Dad同我講返，如果唔係連我都厄埋，佢Dad真係開通，咁都會同我講埋。 補習生做錯事一定要有人教返佢先至得，我又見佢Mum & Dad 成日都好似唔係點教佢“咩係岩、咩係錯” 我又唔忍心睇住佢變，佢只係讀緊6年班咋！ 於事把心一橫，前日用左半個鐘同佢講道理。 哈哈！ 我真係覺得自己好似阿媽教女咁，自己一路講一路聽自己講乜，都覺得頭頭是道，好正好掂！ 當然，之前幾日有Organize過啦，就係等機會同佢講咋。 咁我又唔會講得太深奧既，太深奧既我都唔識講啦！ 哈哈哈！ 當中我都用左好多例子，等佢可以致身其中，容易d明白。 就係咁我教左佢3樣野:“Respect、Be polite、Think for others”尋日去同佢補習問佢仲記唔記得我前日教左佢邊3樣野，我叫佢講返一次俾我知，佢講得出晒呀！ 咁即係話，佢有聽我講野，同埋明我講咩啦！ 好有成功感噢！ 尋日我仲講多少少野，我話 “你有無諗過點解我會同你講個d野呢，同埋有無諗過點解要教你個3樣野呢? 我可以唔教過喎，係唔係呀！ 有無諗過呢個問題呢。” 我見佢個樣變得好正經咁諗，之後我再講 “唔，不過，我唔會話俾你知，想你自己慢慢諗！ 今晚訓覺時諗啦！” 其實我都唔知應唔應該同佢講岩岩上面既野，但係希望佢明白佢自己做過既野係岩，定係錯，同埋明白我做既野係為乜。 真心希望佢係一個好孩子！

都係蟬子(藍正龍)人品好！
仲記唔記得之前提過套台灣劇叫「鬥魚」，入面有一個角色叫蟬子呢? 呢家我比較欣賞蟬子了！ 雖然于酷外表lor晒滿分，但係人品卻遠不及蟬子好。 睇左咁多集之後，蟬子明顯比較深思熟慮，處事成熟，唔會不顧後果做事，識得三思而後行。 蟬子清楚明白自己係咩人，做緊既係乜野; 佢識得分輕重; 唔會做d會令自己後悔既事，同時亦唔會令任何一方感到難堪或難受。 我覺得佢好偉大，好鍾意佢個角色！ 何況，Beauty is just skin deep！ 人品先係最重要！ 但係，要表裡一樣好，實在難求。 不過，你地真好運碰上了我！ 哈哈。。。哈哈哈。。哈哈哈。。。死未！^0^

Sabi心靈雞精句：“要像別人飽飽的口袋，要先學習他的腦袋！”

讚！ 仲有2科！
今日份Econ卷一睇就知唔係Henry哥出啦！ 都好啦，都識做既，不過，MC就好難，仲要2分題 >>> 好貴！ 又無乜點溫Multiplier喎，攪到有幾題MC唔識做！驚到我呢~~~ 攪到我要係個腦個底度搵返d上Memory出黎！ 唉！ 一額汗！ 上次考左Statistics既SPSS Exam出左Result啦！ 得9.5/10咋！ 等我仲諗住拿Full Mark甘麻！ 問阿Sir又話Check唔到卷，都唔知自己衰咩。。。 好在！ 嘻嘻~~~ Assignment 3 >>> Full Mark！ 呵呵呵！ 但係，仲有Final未考架！ 加油！！

經理人有厄錢嫌疑 + 經理人公司有luk水嫌疑
呢家我終於明白點解d藝人成日都被傳同經理人 or 經理人公司有金錢問題。 有可能係真、又有可能只係誤會。 唉！ 我都唔知啦，其實對我黎講，出Show有幾多分返，我都唔會點理，真心講，有Show出已經唔錯，有幾多真係唔重要！ 所以，不嬲我都唔覺得有咩問題，直到有個Fd同我講覺得應該唔只得咁少。 我真係無乜心去諗，又唔係等佢開飯。 但係，如果件事係真既，咁我諗我都幾易厄。 個Fd好在意呀，哈哈！ 可能佢覺得唔Fair啦！ 呢家未知點呀，我諗當佢攪清楚成件事之後都會同我講返既。

Sabi心靈雞精句：“心情好壞的祕訣無他，只在開窗與關窗。聰明的你，會鎖上哪一扇窗，又推開哪一扇窗呢？”

仲有3科
Econ, Marketing & Statistics！ 快d考完！快d可以返香港！ 希望可以係12/6 返香港！ 呢期日夜癲倒！ 想訓都訓唔著。。。 有時又無端端6點自己醒左，都唔知做乜！ 好唔健康呀呢排！ 岩岩同Kit講話Ocean Park有Dragon Boat玩。。。白痴！ 我其實係想講有海盜船玩！ 哈哈！神智不清！ 唉~仲有。。。今日無端端有Dance Show！考緊試架大佬！

終於收到你既回信
係就係短d，不過，我從來都唔Expect你會有好長既回信。 好似我寫得咁長既信真係唔係人人都得，皆因我長氣。 哈！ 你又咁多野做。。。唉。。。算啦！ 講到好似我係你女朋友咁，不過，我都真係想架！ 哈哈哈！ 我諗無人知道我講緊邊個，就連你自己我諗都唔會知道，因為你唔知道我鍾意你lor！(嘻嘻) 對你黎講我只係一個細路女！ 哈哈！ 我又發癲啦！ 唔講啦！ 總之，Keep Contact就得啦！

呢度間FANCL Trainee 好記姓！
梗係！ 我係熟客仔麻！哈哈哈！今日去lor野，佢都仲記得我個名，識得叫我做 “Sabi” ！勁好記姓喎！ 跟住又同我留返套限量版既野比我等我考完試去買。 哈哈！ 我都唔知會唔會去買！ 不過，限量版就係咁e留一留先啦！ 哈哈哈！ 係呀！ 之前又收到FANCL既Mail，有得lor唇膏試用裝！ YEAH！不過，係要返香港先有得lor。

郭品超 >>> 超帥！
Last Sunday，無心向學，一起身就走左去睇電視。 仲一睇睇左成日！ 睇埋Peal既Deep Blue Sea先肯離開部電視！ 唔洗咁誇麻。。。當中，睇左套台灣劇叫「鬥魚」。 入面有個角色叫于酷，真人叫郭品超From Tai Wan！嘩！ 超型！超靚仔呀！ 簡直係我夢寐以求既白馬王子咁靚仔呀！ 如果香港有得播「鬥魚」，一定要睇呀！ 仲有一個角色叫蟬子，真名叫藍正龍，都係幾型仔，有d傲慢既感覺。個樣似金誠武+周杰倫既Cool樣！ 套戲有兩個咁正既靚仔，你話我暈唔暈得一陣陣先！ 哈哈哈哈哈哈！