29/6 [Sunday]
Sabi心靈雞精句：“公公祝你生日快樂, 身體健康!”

入Bar!
上完2堂跳舞之後, 跟住努力練功~ 一開始Miss就推我腳上頭~ 哈哈~ 姐係個人企係度, 一隻腳就比Miss同我對上頭咁高, 直腳架喎~ kakakka~ 做完左腳到右腳! 之後就做1字, 今日鬆好多, 可以好快就落到, 2邊都好快可以落到! 有1下我落果陣, 好快'sir'落地, 高妹見到我咁就即刻同時"嘩"左一聲, 哈哈哈~ 過多陣, 阿Sir行埋黎話: "你頭先好似好勇咁喎~ 黎做多次比我睇~" 我就左右腳都做多次, 然之後就做大字, 入bar~ 嘩, 今日入Bar落左之後, 加多左塊浮板在背脊, 個位會窄左埋左, 仲痛左好多, 今日痛到我標眼水!!! 左右腳分別同Miss阿Sir同我係咁整鬆下~ 出返黎果陣, 仲要Miss抬起我先okay~ 我對腳都唔識旭啦~ 出返黎要拉一拉返鬆, 唔係好易回, 咁就會有排練得返呢個水平~ 6點半左右就去換衫, 好嗅... =_=" 成身汗! 之後就去做乖孫~ 去同公公做生日~ 食左好多野~ 好大條東星, 隻雞又好好味喎, 仲有海節果d, 好好食~ 食完送左公公婆婆舅父佢地搭的士之後, 諗住去葯房買Counterpain, 點知收鋪~ 兩間都收左, 無得買嚕~ 一陣臨訓前搽Counterpain先~

28/6 [Saturday]
Sabi心靈雞精句：“食好野, 好開心!”

係時候講下今晚跳舞既野~
去到例牌自己做熱身啦, 又壓1字出黎~ 不過, 好痛, 唔做由自可, 一做就痛到.. ... >.< 之後就開始各自分group練舞~ 我果group練完少少跳舞動作, 就開始跳左幾個8拍出黎, 不過, 我又做到好似低B咁 =_=" 要硬住腰咁扭, 好似唔識旭咁; 平時扭腰果d就okay, 果d易d, 應該呢首歌都會用到; 但係硬住腰咁扭, 好似好樣衰咁~ 知道呢首歌要用好多腰, 要練好d條腰先得!! 同埋首歌都好快, 我諗打後果d都會好似肚皮舞, 係咁扭扭扭扭扭, 哈哈哈哈哈! 跳完之後就同高妹去旺角食板前, 好似都幾耐無食板前, 食左好多, 都有17, 18樣野~ 食返個親子卷, kekeke! 不過, 掛住食都唔記得映相!! 食完都原來11點幾!!!!

花之戀好好味
上個星期, 呀係打8號風球果日, 下午要返工, 新同事帶左壽司返黎請我地食, kekekke~ 佢Parent係壽司師傅, 見到都覺得好似係買返黎咁!! 仲有好多花之戀, 嘻嘻!!! 好好味! 掛住食, 映得2張咋, 哈哈~ 不過, 食到差唔多尾聲, 有電話搵我, 有個人就走左出黎消滅左我個花之戀!!!!認真可惡呀! >.<

尋晚, 同叉包去左食Suzuki Cafe~
呢一間無左我鍾意食果個飯:有3文魚魚生, 3文魚子, 牛油果粒 >.< 我地就叫左: 炸酥雞配薯條; 牛乳帶子意粉; 溫泉蛋薑蒜汁豚肉飯~ 個炸雞雞好好食喎; 意粉就淡左dd, 但係自己加糊蕉粉同埋少少鹽就好味返; 果個豚似返就... ... 其實d汁撈飯都okay好食既, 不過, d肉唔好食~ 比佢地個樣你地睇下啦~ 見唔見到第一張個炸雞雞果度有舊檸檬... 叉包食左... ~.~

26/6 [Thursday]
Sabi心靈雞精句：“條腰好痛!”

尋晚8~10pm: 1字; 攪沙1字; 踢腿; 練腰~
今晚雪又無返, 去到佢地岩岩開始, 我都快快脆脆自己做熱身! 快快脆脆做個1字碼出黎~ 其實我個1字唔係好貼地架, 阿Sir見到: "真係好想埋去壓佢一下" Sabi: "哇... 唔好呀~~~" 之後Miss黎同我壓~ 自己再壓多幾野~ 壓到咁上下就去Bar度壓1字~ 係咁不停左右腳咁壓壓壓~ 加埋腰喎~ 攪掂個1字碼就去做攪沙1字~ 呢個好累, 做右腳先, 不過, 攪返個人上黎做一字時, 後腳都係唔係咁夠力~ 做左腳果時唔掂, 好似低B咁 =_=" 之後就做踢腿, 前腿後腿左右fingfingfing, 係咁踢踢踢, 踢返鬆佢~ 抖左3秒, 再做腰~ 好似跳肚皮舞果d咁, 之後加埋扭腰~ 好累! 10個累!

條腰同個背好痛, 訓教都痛, 訓訓下咪會轉身既, 轉身果陣係痛到醒左!!! 嗚嗚嗚! >.< 起身都起唔到, 撻返落床, 要側一側身起 >.< 返到公司, 又要行黎行去, 起身坐低... 起身坐低... 今日速遞又特別多, 起身wu前攞個印, 痛到牙!!!! 搽左野都未okay~ 星期六日果d痛到到星期三左右好返好多, 星期三又去練野, 又痛過, 到到星期六日又好返dd又要再練, 星期三... 星期六日... 呢個周身骨痛係一個循環 ~.~ 點都好, 我都會努力咁去練!!! 要做好佢!!! 我要筋骨都鬆晒, 係咁扭扭扭, 點扭都得!!!!

PS.: 呢d係咪叫發窮惡!!!!

22/6 [Sunday]
Sabi心靈雞精句：“隻腳好痛!”

早到晚~
一早起身去火炭工廠區, 個fd個fd係adidas員工攞左少少飛, 個fd就叫埋我一齊去掃貨! 10點半左右排隊再攞入場時間, 11點攞到入場時間, 但係個入場時間係2.5個鐘之後... ... 我地要1:30再返黎 >.< 2個半鍾!!! 落返去, 12點半左右食McDonald's, 1點10分左右上返去, 又要排隊 =_=" 2點幾先真係上樓去買~ 點知, 一入到去... 我第一句就話: "嘩, 好失望!" 細, 無我想買既野, 無size乜濟... 不過, 都比我買左少少, 好平, 下面既野400都唔洗~
外套 X 4 (Adidas X 2: 返到家先知原來係童裝; Reebot X 2)
上衫 X 2 (Adidas X 1; Reebot X 1)
短褲仔 X 1 (Adidas)
--------------------------------------------------------------
Total: 7 Items

跳舞
今日有人話比我知得返3個位, 即刻在break時飛上一層去報名~ 成功左!! 跳完舞~ 唔洗講, 就係練野啦~ 做一字~ 今日用左墊2腳做1字~ 咁做1字果陣, 中間就空左, 得對腳前後有墊, 明唔明係點呀? 咁個人就會在中間用自己體重墮落去咁, 係咁左右換腳瑤左陣, Miss都有同我整左幾下~ 都幾痛, 但係有一下叫我腰拗後, 但係我就淨係個頭拗後, whakkaka~ 笑左~ 之後再落1字果陣就可以貼地d~ 直d正d正確d~ 不過, 好甘好痛~ 腳痛 + 腰痛~ 今晚又要搽下Counterpain~ After dance, go dinner with a fd, she is sooooooo sad~ 講左好耐野, 之後陪佢等埋巴士先走, 希望她早日無事 ^^ 唔洗驚, 有Sabi陪住你!

21/6 [Saturday]
Sabi心靈雞精句：“d手手腳腳一唔練又好快回返!”

好累~ 好累~ 好累~
今日呢堂分開左4份: 3份係度跳舞, 1份就係咁練野~ 而我就係在練野果份... 係咁練, 練極條腿同條腰&肩都未夠鬆, 練到我都悶左係度, 做完一字, 做拱橋, 做拱橋做到我面都紅晒 >.< 腰又痛, 肩又痛~ 唔練又唔得, 唔練就永遠都做唔到~ 見住人地係咁跳跳跳, 嗚嗚嗚自已要練練練 >.< 其中2份果2隻歌又跳過喎, 睇到我身都痕, 好想跳埋一份, 不過唔可以~ 練好d先~ 不過, 好驚係有d好難既動作, 咁就幣家火!! 好驚唔知頂唔頂得順~~ 唔鍾意自己開始練極都好似無乜進步~ 岩岩練果陣, 進步得好快, 但係呢家就好似停左係度咁! 要keep住呢家個level, 要下功夫; 要去下一個level, 就更要下功夫!!!! 訓前搽下counterpain先, 聽日又要黎過, 聽日跳舞+練野!! Sabi加油!!

20/6 [Friday]
Sabi心靈雞精句：“快樂的時間, 好好珍惜, 因為它過得很快!”

趕趕趕趕趕有幾趕呀!
朝早又話有個客會黎喎, 等到11點都未黎... 到到有一刻急想去尿尿既時候, 佢地就黎左 >.< 我又唔敢去尿喎, 因為老細話d野趕喎, 要我即做比個客即簽, 我咪等老細發落啦~ 之後, 佢地仲在入邊吹水 =_=" 唔得啦, 好急, 唔忍, 去尿!!!! 之後, 開始做啦, 前幾日個客又話要某個名, 老細叫做左先, 咁好啦, 果d已經做好晒, 係爭個客既detail, 但係今日黎到又要改名, 之前做左既野=無做過~ 好啦, 咁所有野都做好晒, 到個客走, 以為個客簽晒名啦, 點知, 一隻龜都無瞭到就走左, 老細最後話, 下次寄上去先簽~ 咁要我咁趕做出黎做乜呀!!!做做做做做到1點4個字先食Lunch >.<

放左工, 諗住去買幫魚魚不屎既野, 不過, 我地搵唔到, 之後就去左食香港仔魚蛋粉, d湯係魚湯, 白色的, 無味精架, 嘻, 好好味~ 一碗廿蚊左右~ 仲飲左杯凍少冰西柚蜜, keke~ 之後, 叉包帶左我去睇d野, 哈哈, 原來係睇佢鍾意又可以用黎攬既Winnie The Poon~ 哈哈~ 比我攬過, 真係幾好攬, 都幾大個架, $118都幾抵買! 反而史廸仔果個貴, 同埋無咁好攬 >.< 仲見到個史仔鐘同埋燈燈!! 睇完就去左元氣對面果頭去買跳舞鞋, 要上1樓, 果度有好多開房果d >.< 上到去, 有5個細路上緊堂, 我試左對鞋, 無36, 試左37, 但係有d鬆, 要訂36, 一個星期左右有貨喎~ 到時再去試鞋~ 買唔到鞋, 我地就過左去M記食足三兩+古古力新地!!! kekeke~ 第一次食足三兩, 好難得, 更難得係可以同叉包食! ^^ 最後, 我地就返家啦, 不過, 叉包太累, 訓著左, 過左龍無落車, 要行返轉頭 >.< 好累~ 今晚要好好休息啦你~! 聽日唔洗返工, 可以係咁訓訓訓訓訓!

18/6[Wed]: 一字; 攪沙一字; 大字
好累呀果日, 可能又下雨, 濕住咁去, 去到雪話會遲d先到, 我自己一個去先, 但係次次都有雪帶, 今次無, 我係一個路痴, 最後盪失路 >.< 好在叉包幫我 ^^ 在家上中原網, 搖控我行去跳舞果度~ keke~ 成功安全到達! Thank you 叉包!! 又自己熱身先, 跟住阿Sir就話: "Sabi你用自己方法盡快壓返個一字碼出黎" 計埋熱身, 做左20分鐘都做唔到個合格既一字 >.< 之後, 落多幾次, 自己慢慢壓, 做完之後, 阿Sir叫我去做攪沙一字, 開始果陣, Miss同我豆一豆腳, 即刻變左抽筋腳, 真係唔好意思 ~.~ 之後自己瘋狂地做左好耐, 哈哈哈哈哈~ 好鬼累~ 做完一邊, 再做另外一邊, 唔識做, 另一邊做得好核突..哈哈~ 見仲有唔係好多時間就要走, 就努努力力做多5分鐘, 再做個大字, 唔可以偷懶, 雖然好累!! 做大字既時候, 阿Sir話: "幾時踢呀Sabi入去好呢!~~" 我即刻叫救命, 呢條Bar仲窄過上次果條!!!!! 窄左成吋幾!!!!! Miss同我推左幾下個大字, 可能隔左幾日無做, 一推就好痛~ 推左陣, 自己再推多陣, 就準備走人嚕~ 哈哈哈哈哈~~~ 好累~ 落車去左7仔買古古力奶, 返到家即刻走去沖梁~ 出到黎見到有西瓜食, keke~ 之後再飲埋古古力, 抖一陣12點幾去訓~ 點知, 凌晨2點半咁上下, 個肚痛到我呢!!!!!! 痛到醒左, 要去大大!!! 真係好痛!!! 好在大大之後, 第日起身都無咩事~

15/6 [Sunday]
Sabi心靈雞精句：“估唔到今日天晴喎! 父親節快樂! ^^”

今日去左一個地方出返黎之後, 見到個電話, e原來入邊收唔到喎~ 之後, 就收到個電話係咁比人話=_=" "做咩你唔開電話架, 打極都係留言, 搵你救命我都死左啦!" >.< 心諗, 我點知入邊收唔到姐 >.< 返家之後, B打黎問我係咪在家上緊網, 佢想問嘉禾d野, 答完佢既問題之後, 重好似命令我咁: "我一陣可能再會問你架, 你要係屋企呀! 唔可以出街呀!" Sabi: "得啦得啦=_=" 再加強語氣: "唔可以出街呀!!!!" ~.~

雖然今日係父親節, 但係都無咩特別, 平時Sabi都乖乖的^^ 不過, 之前已經送左野比Daddy嚕, 可以話係提前慶祝左~

PS.: ^^ 收到Cheryl reply mail, 佢2姊妹, 呢家一個F.2一個F.4!! 考試中, 你兩個加油喔! ^^

14/6 [Saturday]
Sabi心靈雞精句：“Cheryl & Kitty 你地好嗎?”

下午汁野
開住Joey's Concert汁野, 汁汁下見到, 之前在Cathay Pacific City (國泰城) 做summer courses果時有2個小妹妹寫比我既信~ 哈哈, 我仲有留返係度架, 睇返好開心呀, 仲諗返好多果時既野, 實在好眼淺, 好懷念, 睇到我有dd眼濕濕添~ 我即刻寫左個mail比Cheryl, 希望你2姊妹都仲記得我呢個Bi姐姐呢! ^^

煮個面食, 休息一下, 準備去跳舞先~

無跳舞, 但練野都會累
有2個動作, 唔夠力做唔到, 唔開心~ 再做左幾次1字, Cat & Grace都話我合格呀! ^^ 之後, Miss走埋黎~ 我知道要做一次比佢睇呢~ 我毫不吝嗇咁左右腳都各做一次~ 當然, Miss都會係壓我落去的, 忍, 我要做得好好睇睇! 要跳舞跳得好, 做好呢d都好重要! 練完, 阿Sir講下野, 阿Sir一路講我就一路開大字~ 講左一陣, 就係時候落堂~ 之後Miss叫我練新野, 呢個有d擔心~ 細個果陣成日做, 大個做好有問題, 驚~ 星期三Miss就會幫我練~ 期待中~

請某人唔該放過我

11/6 [Wednesday]
Sabi心靈雞精句：“腿的極限在那裡?”

練功: 自己熱身之後, 練大字, 一字 & 攪沙一字
一開始, Miss阿Sir就想我入Bar! 果條比起我上次入果條, 仲要窄一吋多dd!! 入到去, 我真係會出唔返黎>.< 大字都練左好耐, 係咁推推推, 個大字越開越大~ Miss之後同我推左一陣, 疼~ 不過, 係好事, 推推下, 咁先可以慢慢越開越大! 之後, 休息果陣, 我對腳係唔識合埋 ~.~ 做一字果陣, 開始時係阿Sir黎睇我, 佢一行埋黎我心諗, 死啦!!!! 因為阿Sir會毫不留情咁壓我落去架!!! 之後, 我就比阿Sir整住左, 係咁壓, 因為自己疼攪到對腳歪開左, 痛到我係叫唔得唔得, 係咁拍阿Sir要放返鬆我, 真係羞家 >.< 好羞家! 但係成個過程我都係卡卡聲咁笑, 真係痛到痴左線 ~.~ 之後, 就Miss同我壓, 溫柔好多, 哈哈哈~ 可以落得多左~ 同埋貼多左少少地~ 如果嚴格黎講, 我都仲未okay~ 最後做個攪沙一字, 呢個唔係好識點形容, 訓係地, 用腳向上打一圈坐起身做個一字碼出黎~ 嘩, 今日好累, 落堂唔識行路, 個頭仲有少少痛添~ 搽埋Counterpain cool~

7/6 [Saturday]
Sabi心靈雞精句：“請善待我們的地球。”

上個月中開始, 好多個星期三都練功, 只要book到場就會練
第一堂練功果度勁近我家, 練完行返家都只不過係5~10分鐘! 一路沖梁一路諗, 佢地呢家應該岩岩上車; 我沖完梁, 佢地都未返到家! 住勁遠呀!! 不過, 打後既都唔近我嚕~ 練返好d基本功, 有益身心呀! 但係練完最好搽返d Counterpain, 如果唔係訓醒第日會唔識行, 練親野都會周身骨痛, 但痛都正常既, 練邊part邊part第日就會酸軟~ 但練練下, 你見到自己進步, 就會好開心, 見個一字碼越落越低, 越落越直, 加埋條腰向後拗; 大字碼越開越大, 越開越直, 越可以扒前壓個身落地; 條腰越黎越鬆!!! 個一字碼明顯地, 做得越黎越好啦, kekekee~ ^^ 上個再上個Sunday, 我仲入左bar添!!!! 姐係在鏡同bar之間既位置落個大字碼出黎~ 背對打直支bar, 手扶住打橫支bar, 慢慢大未咁落, 因為個位好窄, 1尺左右, 迫住條腿會開到好大, 其實好甘, 我呢埋眼做, 唔敢望自己, 坐左落地一陣先夠擔開眼~ 驚見到自己做左個好恐怖動作… 驚會自己嚇親自己 =_=” 都無諗過會咁快又再做到~ 之前, 我諗都有幾個月前, 都做過一次, 不過, 果次條腿啪左一下, 之後驚左, 唔敢再入~ 呢家入得返, 我諗Miss阿Sir都耐不耐叫我入一入架啦, 哈哈哈~~~ 慘啦今次~ 今日果堂, 可能勁大雨, 少左好多人返, 個room可以好鬆動~ 不過, 無教新野, 只係做左好耐腰同腿, 最後跳左幾次舞就夠鐘嚕~ 呀! 要多謝阿Sir送左大家古古力! 同埋一盒搽野比我!!! Thanks!!

早幾日 炸豆腐
嘩, 就咁聽個名, 你真係唔會聯想到係乜野, wakakakakaka~ 果個野好好玩架, 不過要有耐性同埋加埋少少博一博既成份, 哈哈~ 其實係金沙入邊個大細電腦枱~ 個野好似炸豆腐咁, 好攪笑, 個名好岩!!! 要儲下錢, 下次去一定要花時間煲呢個game!!!! 仲有, 見到偶像, 明燈 + 澳門葉文輝!! ^^ 玩得好開心!! 點講好呢~~~ 總之開心呢~ ^^ 偷得浮生半日閒~

有一日, 有人整左個2layers & 3layers既Oreo~ 我以為係比整比我食, 原來只係想比我睇下! whakakkakaka~! 但係最後比我食左~!!! 真係好好笑!!!! 一定比我激死左!! 哈哈哈哈哈哈哈哈~ 呀, 係喎, 叉包報左讀書, 放心啦, 一定會收你架 ^^ 你要開開心心~ 希望你睡得安穩~

June 2008 Schedule

Sunday	Monday	Tuesday	Wednesday	Thursday	Friday	Saturday
1	2	3	4 >.<作反>.< 8pm~10pm: Dance@TKW2(abs)	5	6	7 7pm~830pm: Dance@TKW
8	9	10 你睇我地幾攪笑^^	11 8pm~10pm: Dance@TKW2	12	13	14 7pm~830pm: Dance@TKW
15	16	17	18 8pm~10pm: Dance@TKW2	19	20 !!! 太子魚街 香港仔魚蛋粉 足三兩+古古力新地	21 7pm~830pm: Dance@TKW
22 330pm~630pm: Dance@TKW	23	24	25 8pm~10pm: Dance@TKW2	26	27 !!! Suzuki Cafe	28 7pm~830pm: Dance@TKW
29 330pm~630pm: Dance@TKW	30

BACK