30/3 [Sun]
Sabi心靈雞精句：“請善待我們的地球。”
吳倩！生日快樂！
Happy Birthday！
Simon’s Show
今日Simon有Music Show，我諗類似小型Concert之類。 之前都有諗住返去睇佢，仲話我去一定唔洗買飛，哈哈。。。不過，呢家非常時期，最後都係無返去睇。。。嘻嘻。。。 祝你今日Good Show！ 仲有5/4都Good Show！
上個星期五，兩個Mid-Term，一個Test
先係葡文Mid-Term，之後係Eng Test，5點到7點就Management Mid-Term。。。好似考試日咁，哈哈！ 不過，9/4 有Computer Quiz，12/4 有Computer Mid-Term，13/4 有Math Mid-Term。。。 。。。救命呀。。Math Assignment都唔係好識做，點Mid-Term呀？！？！
Sonia d 中文字寫得靚左，默書又arm好多
仲記唔記得我個葡國補習生Sonia呀！ 佢比之前有進步呀！ 哈哈，見到Sonia有進步，我好開心呀！ 嘻嘻。。。 呢家星期一至四補中文，逄星期五就補英文，不過，Sonia好多時都係錯d Minor Mistakes，大意左少少。 無論中文定英文，見到佢有少少做錯左，我就會提下佢，哈哈哈。。。 「真係無錯？！睇清楚d~~~！」咁佢就會知道，然之後我地兩個就會一齊笑。。。 哈哈哈。。。
Message Board人氣漸增
Arm arm整好0個幾日，真係乜人都無，得阿大興。。。哈哈。。。不過，呢家好好多啦，起碼有番d人氣，唔洗冷清清咁！ Thank You！
肺炎
之前有肺炎，都會擔心屋企人同朋友，但係呢家，淘大花園既肺炎個案不斷上升到呢家既一百二十幾人。。。屋企離淘大咁近。。。真係更擔心。。。希望唔好繼續傳。。。所有親朋戚友，你地要好好咁Build-up好個Body Defense呀！ 之前同Daddy通過電話，佢地仲要返工，仲叫我短期內都唔好返香港，費事一個大吉利事“租秧”。。。 。。。 小彬，阿B，Kit佢地都話我擔心咁多都無用，我都知~~~ 不過，唔多唔少都會有少少甘麻。 阿B講得arm，我擔心屋企人，其實屋企人更擔心我。 所以，免得要屋企人擔心自己，我地先要好好咁保重身體喔！
22/3 [Sat]
Sabi心靈雞精句：“過一種高尚而誠實的生活，當你年老時回想起過去，你就能再一次享受人生。”
新留言板
喂喂喂~~~ Wasabi Garden有個新留言板啦！ 只要Click一下“你講嘢呀”，就可以去到架啦！ 留完Message之後就可以Clike一下上面有個Icon叫“返回首頁”就可以返番去Wasabi Garden架啦！ 仲有呀，之前你地Sign左個Guest Book仲喺度架，我梗係唔會Delete佢啦！ 如果你地想睇返，只要Click一下“睇過~?!” 就Okay架啦！ 只不過係因為之前個Guest Book已經Full左，所以呢家唔可以再用嚕。 但係，呢家你地就可以用新整既留言板，以後大把野可以講，又唔洗怕好快就Full，嘻嘻！ 我好有心機，攪左都幾耐架，又要板板改返晒0的Link，哈哈，不過，呢家攪掂晒，真係好開心！ 呀! 係呀，要多謝大興幫我，如果唔係大興Send左個做留言板既Link俾我，我都唔知點算好嚕！ Thank You，大興！ 唔該，大興！ 多謝，大興！ ~~~ 咁你地記得有時間就留下言啦！ All are welcome gar！！ 重有就係，我喺個“Recipes”都加左少少野，有時間就再睇下啦！
Dancing Class已經開始嚕
可能因為上一堂係第一堂，阿Nick無諗住開始教，講左好多野，所以只係跳得好少，我諗下堂就會教多0的。 另外，我地俾佢話呀~~~ 佢話我地要Keep。。。哈哈哈。。。哈哈哈。。。 。。。Keep乜野？唔晒講都估到啦呀麻！！。。。之前為左個Interview，我都已經有努力過，個排都有人同我講話我好似瘦左咁，簡直開心到彈上天花板，不過，呢排凍吖麻！ 嘻嘻，梗係會食多左少少啦，所以計劃有待再次實施，嘻嘻。。。 。。。如果要我唔食野，咁就慘啦。。。無氣無力，然之後，我就會無影無蹤咁消失於空氣裡。。。所以，我寧願做多少少運動好過啦！
左倫右李演唱會
Karen你就好啦，可以去睇啦。 一定好好笑，一定係Good Show! 唔好唔記得同我Share呀！
打杖
今日下午睇左陣新聞，見到0的飛彈係咁炸係咁炸亂咁炸。。。0的建築物一棟一棟咁下榻。。。BoomBoom聲。。。真叫人替當地人民的生命安危擔心。。。試想﹕如果你，如果我，活在那裡，我們的生活會是怎樣呢？雖然，我地無乜野可以做到，但係我好想信有意志力，念力呢0的野，可能聽得雲海多，哈哈，希望，你地睇完之後，時不時個腦都諗住戰事快些完結，希望有助停止戰事繼續。
以後請不要因為人地個願望係﹕世界和平，而話人地老套。
15/3 [Sat]
Sabi心靈雞精句：“無論什麼時候打電話，摘起話筒的時候請微笑，因為對方能感覺到！”
美儀！生日快樂！
Happy Birthday！
今日Computer堂, 阿Sir要我地寫HTML…
首先，阿Sir俾左個Site既Copy我地，之後我地就分組寫返個HTML出黎。用左成堂做， 哈哈。。。 平時上堂都唔覺過得咁快，今日有野做就好似過得特別快咁。好在，我之前都有學過下，平時又有用黎Update呢個Diary，所以，都做得幾順利。 最後，交之前俾阿Sir Check下，阿Sir仲話﹕Good Job！添呀！哈哈。。。
12點半放學，之後去左瘋狂購物
不過，趕住出去，所以都無食Lunch，但係，原來係好難頂，攪到都無Mood行街街。最後，2點幾食左野之後，又覺得好眼訓，哈哈哈哈哈。。。但係，一見到d靚野，我又即刻精神返晒。今日簡直可以係話豐收呀！由內到外，由頭到腳，食既著既，乜都有！！ 哈哈哈哈。。。
原來，今日同聽日都係Open Day
身為學生，我竟然唔知今日係Open Day。。。一早應承左今日司濛去街街，不過，Open Day有乜攪，我真係唔係好知，淨係知道今日有好多野食。。。哎呀！錯失良機添！但係，我諗聽日我都唔會有興趣去，嘻嘻，懶得去。。。
香港肺炎多？！
你地0係香港好嗎？ 好似話有好幾個醫護人員都因感冒而患上肺炎。你地要小心身體啦，知道嗎！食多d有維他命C既野；飲多d水；有病就要好好休息同睇醫生；唔好向住人咳呀，傳染左俾人就唔好啦！著多件衫，Take Care呀！^_^
哈哈哈哈哈哈哈... 皮皮... 得個幾秒我諗你好難睇到我係邊, 如果唔係，洗乜係超級無敵茄哩啡呀! 哈哈哈哈哈... 等我俾個Hint你啦, 係青衣城架!
10/3 [Mon]
Sabi心靈雞精句：“對自己的行為負責。”
我挑戰成功啦!~~~ Yeah~~~
今日終於收到電話，話我已經被取錄啦! 話說，我Join左個Dance Course，但係因為名額有限，只有兩班，每班10個人，所以要有個Dancing Interview! 可以自備，又或者Join佢地有一日特別為無諗住自備既人開一班學跳。 但係我就選擇左自備，係跳Park Ji Yoon (朴志X)既「成人禮」呀! 不過, 可能因為我無時間練習, 哈哈, 我In前0個幾日先至識跳, 都仲未好熟, 所以星期六In個陣我跳到一半左右就唔記得左, 停左, 哈…哈哈哈哈….哈哈哈哈…哈哈哈…好在之前跳到0個d都跳得幾好, 我都幾有信心, 只不過, 係後面甩左… … 如果唔係仲正! 如果你有睇過Park Ji Yoon「成人禮」個Music Video, 咁你就知我點跳架啦, 哈哈哈… …好野，下個星期開始上堂啦! Yeah~~~
8/3 [Sat]
Sabi心靈雞精句：“記住三個“尊”：尊重你自己；尊重別人；保持尊嚴。”
留意，留意 ~~~ 今日係﹕三八「婦女節」！
今日個Math Test都Okay啦！
1個鐘，4題數，同上個Sem一樣咁少時間。 不過，好彩今次我都夠時間做同Check卷，嘻嘻，今次幾叻，呵呵呵~~~ 但係，有一題好Ugly，我諗呢題我會做錯。。。計左4次，4個答案都唔同。。。再扣下扣下0的Careless Mistakes。。。你話我會有幾多分呢？ 至於上次提及既挑戰。。。真係要“唉~”一聲。 準備功夫可能都仲未好夠，呢家等通知，希望得啦。
3月2號去左睇Drama：【阮玲玉】~~~ 由焦媛主演
好開心呀，因為實在好耐好耐好耐好耐好耐… 都無睇Drama啦！今次可以俾我買到飛，真係好好彩，仲有就係，買到既係加場既正位學生飛！ 頭4-6行左右，你話正唔正喇~~~ 個Show完左之後，仲有研討會同有焦媛簽名同時進行，不過，研討會就係場內，焦媛簽名就係場外。 我同Ester留低聽研討會，希望可以學到野。聽完之後，我地出去見到焦媛仲未走仲簽緊，又見無乜人，於是就梗係攞份場刊俾佢簽啦！ 哈哈。。。 仲同佢傾左幾句，真有幸可以同焦媛閒談幾句。 我真係好羨慕焦媛，佢好叻，我好欣賞佢，呢家講返起，都仲係好興奮。 可惜，無機會睇到焦媛係【赤之禁窒】既大膽演出，如果重演，希望可以欣賞到。
【阮玲玉】故事大綱
「故事講述阮玲玉這一顆三十年代最為矚目的電影女明星，她在藝術上的成功夾雜著與張四少爺及茶葉大王之間的感情糾纏，為世人留下一句震撼警世的『人言可畏』來結束她短暫但璀璨的一生」
阮玲玉 (1910-1935)
「原籍廣東省中山縣，生於上海。 父親是機器工人，早年死於貧病。 阮玲玉在五歲時就隨母作傭人。 母親艱苦地供她入上海祟德女子中學。 1926年考入明星影片公司， 主演【掛名的夫妻】、【白雲塔】等六部影片，稍露頭角。 1929年轉入聯華影業公司，以【故都春夢】而奠定了電影演員地位。 其後主演【野草閑花】、【桃花泣血記】等片，在銀幕上創造了許多不同類型的婦女形象。 她以豐富激情等、演技嫻熟純樸、具有真實而清新的獨特表演風格見稱。 1935年演出【神女】及【新女性】，準確真實地表達出人物的感情。 可惜在同年三月八日「婦女節」的早晨，服毒自殺，享年二十五歲。」
焦媛
「舞台劇演員，香港演藝學院戲劇系(榮譽)學士。 演出遍及香港、新加坡、澳門、上海及四川、雲南、廣東省。 曾演出舞台劇數十套，包括【窈窕淑女】、【劍雪浮生】、【蝴蝶春情】、【愛情敏感地帶】及【院玲玉】，2003年年初於香港藝術中心首次自資製作及演出【赤之禁室】。 近年亦有參與電影及電視演出，首齣主演的電視劇為【伴我同行】。」
6/3 [Thur]
Sabi心靈雞精句：如果你失敗了，千萬不要忘記汲取教訓。
我終於有屬於自己既Notebook啦!
好開心呀！Hostel又有Broadband，正呀！ 除左要Print野要去Computer Lab之外，可以話唔洗行去Computer Lab都得啦！哈哈，不過，之前就等學校幫我Connect就等左好耐，成個幾禮拜先至得。 之後，我又唔識點攪喎，攪到要打左百幾蚊長途電話。。。最後，搵左一個Yr 3既朋友仔幫我攪，等佢打完一0的野之後就得左嚕~~~ 佢只不過係花左大概一分鐘。。。但我之前整左成個鐘都攪唔掂！好一個電腦白痴。。。
星期六有Math Test
今個Sem既Math，仲覆雜過上個Sem，希望安全度過啦。 星期齊六，12點半上完堂之後，下晝3點就要Test Math。。。之後又有一個好重要既事要做，唔！可以係話一個挑戰。。。攪到呢幾日都好鬼緊張！ 個挑戰又要有好好既準備先至得，又要溫Math同幫Sonia補習，所以，時間都幾緊迫。希望我挑戰成功，希望下次有好消息同你地講啦！
我個Management Lecturer 好攪笑。。。
其實佢係上個Sem教我Business既Jacky。 今個Sem，Jacky依然堂堂問我問題，之前0個堂好好笑。話說Jacky問有無Volunteer出黎做一個Simple Presentation， of course無人采佢啦！ 之後又話，如果無Volunteer，咁佢就Randomly咁搵個人出黎。 我心諗，嘩，真係Randomly就好啦，因為我一向都無乜抽獎運。 點知，0係我諗緊既同時，Jacky走到我面前，一句：“Sabi, would you like to give a short presentation?” 。。。我即刻表演[變臉]。。。又話Randomly。。。 。。。 。。。不過，講真吖，上Jacky堂都幾開心。聽日又有佢堂啦！