Sabi心靈雞精句：“同你老細移位，預防脊椎移位！”

唔開心
不停問自己，點解人地得，而我就唔得！ 係時機問題，定係自己問題，我好想知道！ 自問我無懶惰過，每當有機會，我都會好好珍惜，同盡力去爭取。 係人地好運? 定係我倒楣?！ 我好想知道點解，但我知道無人可以答到我！ 就連自己憑乜野去問點解都無。 無機會就係無機會，唔可以強迫人地俾多一次機會你。每個人都有同樣的機會，人地比你出色，你就會被取代。 這就是現實！現實就是這樣！我不能面對現實嗎? 如果, 我不能面對現實，我一定會從此放棄。 但現在我仲未肯放棄，我諗這就可以証明我唔會係一個輕易放棄既人！ 我諗我想要既野係好主觀既野，無乜標準可言，所以，如果，人地覺得你唔得，就係唔得！So Simple！ 我係好明白。 雖然，我唔知道，我既好時機會係幾時，但係我會同自己講，今次唔得唔等於下次唔得！我唔會咁易放棄，如果放棄，就即係等於，連人地俾你既機會你都唔要。 我不至於那樣蠢！ 同樣既事發生係我身上唔只一次！ 可能，呢d就係所謂既 “你越想得到，你就越難得到” 反而，如果係無心既，又會無端端得左。 但係，如果每次有機會都唔好好掌握，咁，有機會同無機會有咩分別? 我只係覺得好矛盾。 呢家好唔開心，唔想再繼續講啦。。。。

今日個Statistics Mid-Term 我諗都Okay既！係就係唔係好夠時間，連Double Check既時間都無，不過，at least 可以做晒份卷。 係喎！ 之前一段野同Stat Mid-Term無關係架！ 係其他野！係咁啦，唔講啦。

Sabi心靈雞精句：“自己的未來自己掌握，自己價值自己決定！”

尋日Marketing Mid-Term 聽日Statistics Mid-Term
Marketing其實都唔會好難， 只不過睇下你有無心讀， 我就無啦。 無乜興趣， 但係又要迫住要Take無計。。。都要讀， 尋日下就溫溫下Marketing， 就咁就扒在在臺度訓著左。。。一睇就知我無心讀啦， 哈哈哈~~ 好衰添！ 聽日考Statistics， 好似都Okay既， 不過， 我仲有一課未溫， 等間去埋補習就開始溫啦！ 上次份Assignment有Full Marks呀！真係好鬼開心呀！ ^_^ 好有滿足感呀！ 要Keep住呀！

Keep住講Keep住
講起Keep住， 呢期我正在努力Keep Fit呀！ 呢排無得跳舞， 返學又坐得多喎！再係咁呀， 遲早個Pet大過個頭呀！ 哈哈哈哈哈哈！ 都係要做返多d運動先得啦！ 食量無乜點變， 旭又旭少左， Calories就自然多啦！夏天就黎啦， 努力呀！

Sabi心靈雞精句：“接受新資訊抓住機會，付出決心和行動力！”

今日FBA Day有Deep Ng!
好HIGH呀！好HIGH呀！吳浩康黎左我地大學唱歌呀！本來我都對佢無乜架，佢既歌係幾好聽就真既！ 我都有成日聽阿Deep既“孩子王”架！ 我覺得好好聽呀！ 但係我諗我又未至於去到好瘋狂既程度。 不過，唔知點解佢一出場我好似就發左癲咁啦！Deep一出黎我地就走出去台邊！其實，都有其他人都有走出！我呢就係咁好大聲叫阿Deep！ 我都估唔到自己會咁！ 可能太耐無見下d同鄉啦！哈哈。。。仲嚇到Karen好好笑！佢話都唔知我點叫架，可以叫得咁鬼大聲！哈哈哈。。。哈哈。。。其實都唔夠大聲，半成功力都無！哈哈哈。 Deep唱左3首歌！佢唱完第一首歌之後，我大叫“孩子王” 之後佢話 “ ‘孩子王’ ? ！未住，唱另外一首先。。。。” 之後，第三首就真係唱“孩子王”啦！~~~~~~~ 嘩！今日我好開心呀！ 可以見到Deep！仲咁鬼近添！係Natural HIGH呀！ 呢個就係我既今日頭條啦！

“My Favorite Lecturer”
呢個獎今年有3個男Lecturers得到！ 分別係: Jacky, Henry & Simon。其中有兩個都有教過我架！ Jacky上年教過我兩科，分別係“Business” 同埋 “Management” 就係上年我話佢教得好好，又堂堂都叫我答問題既Jacky啦！ 香港既Chermaine, April, Gi Gi and Karen！我同你提過既Jacky就係佢啦！ 另外一個叫Henry，佢就係呢個Semester教我“Intermediated Macroeconomics” 。上佢堂都幾攪笑架佢，講d野有時都幾好笑！ 所以上佢堂都唔會好悶，不過，我都仲係好憎ECON喎！ >_< 我都係聽人講佢教得好，上年既“My Favorite”都有佢份，所以今年就梗係一定要上佢堂啦！ 哈哈。。。哈哈。。。

無得做“大頭妹”
今日見到有份Temp請Football Team Assistant (14/4 ~ 25/4)！ Football Team係來自不同國家。 1人負責1隊。 要做既野包括: Assign table for佢地既早午晚餐、Well communicate with the team leader and the whole teams、幫佢地拿d波衫去Laundry、準備水俾佢地飲、準備毛巾俾佢地etc。 我覺得好Interesting & Challenging呀！ 不過，佢個working hour 係由朝早9點到夜晚11點呢！ 我又點可以Skip晒d堂走去做喎！ 所以最後都無做！ 如果唔係一定好好玩架！ 呢份Temp令我諗起在“足球小將” 入面既 “大頭妹” 呀！！！ 哈哈哈。 好想做呀！ 好想做呀！ 我除左係現代既Cinderella之外，仲要做現代既“大頭妹”！ ^_^ 死未！！