31/3 [Saturday]
Sabi心靈雞精句：“嘩, 你估下今日係咩日子!!! 31/3!!! 埋數呀!!!”

好"早"訓, 好早起身... =_="
3點幾4點先訓尋晚... 跟住今朝6點幾自己醒左... 即係訓得2個鍾左右... 呢家好眼訓... 10點幾食完早餐之後就去左拜山: 行行行行行行行行行行: 和合石 > 鑽石山 > 其實仲有長沙灣要去, 不過, 如果去埋會趕唔到去跳舞, 所以就無去長沙灣, 所以就同左一大班小朋友返左去, 休息一陣先再出銅鑼灣跳舞~ 比人話我今日好'牛'... 跳錯左... 大叫"哎呀"~~~ 唯有以笑姐x (真係唔識寫個x字... =_=") 跳完返去, 比d表妹捉住左... 嘩~ 好累, 仲要比d表妹捉住... 行唔到... 救命... >.< 好肚餓, 食左兩碗飯, 生積!!! 好犀利呀, 可能無食lunch, 又可能因為有至愛的番茄旦撈飯, 仲有好味既雞雞, 呵呵呵!!!

聽日會好開心~ 嘻嘻!!!

30/3 [Friday]
Sabi心靈雞精句：“大人不記小人過^-^ >>> 我意思即係話: d大人已經不記得當自己仲係小朋友既時候, 有無俾人記過~~~ =_=" 係咪覺得我好無聊呀, 哈哈哈”

幾時先有飯食呢我想問... ...
都唔知食乜... 一個人去左環球Delifrance, 出奇地少人; 不過, 果個商場好多賓賓, 成個場機乎都係... 眨一下眼又見一個... 眨一下眼又見一個... 我覺得自己好白lor~ kakakakaka~~~ 食完就行左去搭船過尖咀~ 漫無目的咁在個商場行... 其實都幾舒服... 之後去左文化中心睇下有咩好睇... 睇下仲有無魚情興演唱會飛, 哈! 有喎! 4月尾睇~ Yeah! 9點幾搭車走人魯~

向世界出發
蔡少芬呢一輯好好睇, 可能我鐘意她掛~ 不過, 睇得今日果集咋, 之前晚晚都夜返無睇~ 唔知上網有無得睇返呢~

~衣架運用中~嘻嘻~~

29/3 [Thursday]
Sabi心靈雞精句：“唔... 我想知, 到底自己發生咩事...”

唔想失去我喜歡我鍾意我愛既人
突然間, 好想拍拖結婚生BB... 想同他愛我我愛他既人一生一世~ 愛既感覺, 對我黎講好似奢侈品一樣, 似乎不常可讓我擁有... 有時會來, 來了, 便會好開心, 好快樂, 好lumlum; 但, 不知怎的, 好快它又會在你不察覺既情況下偷偷跑掉流走, 無影無終咁消失... 每每遇到呢d時候, 我便自困谷底, 從不享受谷底既生活... 無奈曾在那裡借宿兩次... 都年前既事魯... 唔講魯... 不過, 可唔可以唔好再有呢d事情發生呢? 呢家攪到怕怕... 天時地理人和, 到底那一樣出錯? 長大了, 好像少左人錫咁... 唔想再受傷害~ 只是, 唔想再受傷~ 只想有個可以與我一生一世既男人, 陪伴著我~ 保護我~ 唔比人蝦我~ 親愛的... 你在那裡? 好像很近, 亦好像很遠~~~ 發現, 真的愛上了, 原來真係願意去犧牲~ 甚至犧牲很多~ 沒想過會不會做的, 也會為你愛既人去做~ "安靜" 是一個好好既形容詞, 我會很安靜, 很安靜, 很安靜~~ 似乎有點難度, 但我亦會很安靜~ 很安靜~ 很安靜~ 希望我愛既人都會開心幸福, 無論佢愛唔愛我, 我都會愛佢~ 起碼到呢一刻為止, 我都係咁諗~ 正在等待真正的人~

唔係失戀, 唔洗擔心, 只不過諗到就講
啋! 我要戀, 唔要失呀~ 哈哈哈~
好命既, 我已經結左婚魯~~
希望, 呢家我仲未結婚, 係因為"最好的尚未來臨"~
The best is yet to come~ 等候中...
希望, 未來的那個人, 懂得好好咁愛惜我
其實, 我對愛情戀愛婚姻等等, 都仲好有憧憬的! :P

Night@Airport
又去左Skyplaza, 今次去左一間每個卡位都有電視既餐廳, 好得意喎, 對到正一正, 真係在你面前... 我呢個電視精, 梗係食住睇, 其實都無追開~~ Wahahhaa... 食完去睇扭旦, d款多就多啦, 不過, 都唔靚既, 無興趣扭魯~~ 之後行到一間賣紀念品既shop, 有好多有黑眼圈果隻動物, 突然唔記得佢個名...:p 海洋公園有既安安佳佳果d呢~ 睇睇下, 見到件衫喎, 好好笑, 好細件架咋, 不過, 一拉開其實真係可以著架!! 開頭見到短就 >> "嘩! 有長就呀!!!" >>> "嘩~~~!!! 仲有中就添呀!!!" >>>> 就係咁大笑左好耐... 玩衫玩到笑到肚痛... 入面3個sales staff無奈地望住... kakakakaka~~~ 之後比Bon拉走... 佢話我影衰晒佢, whahaha... 咁係好笑吖麻!!! ^0^

28/3 [Saturday]
Sabi心靈雞精句：“食咁多野, 我會唔會一肚都係屎...”

去左秋家整Excel
食Dinner時, 一埋位我就忍唔住笑到噴飯... 真係噴飯架, boo一室聲~~~ whahaha~~~ Antie不左好大碗飯... ... 淨係食飯已經食飽左... 食完就去整Excel, 不過我呢行黎行去, 之後仲去左睇電視~~ 好似好衰女添... kakakaka~~ 之後Bon教左我玩個類似猜枚既遊戲, 好好笑~ 玩3盤都玩左好耐, 因為係咁笑, 笑死左... 玩唔到... 之後要關門, 因為笑得大勁啦^0^

25/3 [Sunday]
Sabi心靈雞精句：“多的是, 少的是, 不用旁惶多少時, 享受人生莫計時!Yeah!! ^0^”

~無記性~
堂妹咳喎, 帶左口罩, 可能驚我同佢補習時傳染我掛~ 好攪笑~ 不過呢, 小朋友真係都幾無記性... 教左好多次既野, 重複問左好多次既野, 問果時係識架喎, 但low亂晒黎問就唔係好記得點做... 錯左唔少... 但睇返之前出俾佢做既exercises... 係岩好多架喎... 點算... 點先可以令佢記得好d呢... 頭痛中... 呀! 食Lunch果時, 堂妹個Daddy問我拍拖未... =_="... ... 食食下飯問呢個問題... 呢題係咪IQ題... ... 攪到我面紅耳熱... 好攪笑... 對上一次另外一個長輩問係在新年... whahahaha... 好攪笑~~~ 當住咁成台表妹堂妹問... wahahhaha... 好攪笑~~~

Jazz
今日去跳舞, 遲到... 所以要係咁衝去上堂, 又要換衫, 於是係咁衝係咁衝係咁衝... 上到去4樓出'車立'就飛入厠所, 一入去: "尿dull"??!!??!! wahahahhahahahaa... 我衝左入男厠kakakakaka~~~

~好得意, 我鍾意~
哈哈~ 好攪笑... Karen話有日佢個frd同佢講話想識女仔, Karen就同佢個frd講:"我有個frd好得意架, 如果你同佢一齊一定會好開心架!!!" 之後我唔記得佢話佢個frd講乜, 跟住我問返Karen:"你邊個frd好得意呀~ 點得意呀?..." Karen:"話緊你呀!" Wahahahahahahahahahaha~~~ 真係多謝晒你話我得意呀!!!! 好得意架我真係!!!!! Wahahahahahaha!!!

24/3 [Saturday]
Sabi心靈雞精句：“Bonus is defined as something that you never expect!”

Bonus Day: 沒有想過的一天
做左一d, 估唔到會做既野, 可能真係因為你架咋~ 對上一次好似係12月定1月, 都係去左呢d地方, 但係感覺完全唔係果回事... 仲想快d走添... 邊有好似今日咁開心, 但係我會叫自己唔好貪心! 你都要記得開心同放心! ^_^
星期三: 不開心的不詞而別 >> SMS >> 如釋重負
星期四: 做多左一樣野 >> 反應??? Wahahaha~~~ 知道左, 好開心, kakakaka~~~:P
星期五: 感動的眼淚 >> 好救命 >> 好似做戲咁...
Today: Bonus Day >> 大膽頑皮!!!
唔講得太多!你明咪得lor~!^-^

23/3 [Friday]
Sabi心靈雞精句：“明將 vs 板前 >>> 無得鬥~ 哈哈哈!”

Skyplaza
上左車話出去食, 但係我又唔想食果間野喎, 即打比Bon, 去同Bon食! 諗都唔諗我就搭車入機場~~好型呀! 哈哈哈~ 知道Bon好似有d野, 買左繽紛樂俾佢食, 嘻嘻~~~ 笑!!!!

電話 & SMS => ^0^
傾到合埋眼, 都想要繼續~

19/3 [Monday]
Sabi心靈雞精句：“在你遙遠的附近?????”

基仔個blog終於update左...
"最心痛是 瘦左咁多 太多工作 真的花上了日子"
Lunch比基仔個鬍鬚佬look嚇左嚇=_=" whahahhaa... 噴飯...
鬍鬚佬古基~wahahahahahahaa
Sabi最愛就係你^3^

園玄學院(last sat)
誠心求籤求得下下籤... =_=" 我知點做架啦, 多謝指點! 之後去左千色玩左好耐玩具... 有無玩左2,3個鍾呢... 好低b, 但係好開心... 有個eyo既公仔耳識拍手, 好攪笑!!! 果個玩到我拍手!!! 走去玩bb琴, Bon以為係play demo, 哈哈! 其實係我彈架!!! 我得架!! so proud ar! whahahhaha... 之後我去左dance, after dance 就過黃埔~~ Dinner好開心可以食到鱔湖&菜x蟹~~ Dinner前去jusco又玩玩具... 有度有好多Disney識出聲, 有音樂既野... 比我按按按按按按按按晒佢地個個齊齊跳舞又有聲, whahahhaa... 其實好嘈, 好好笑... 再按多一次之後, 親佢地未開始嘈就走人!! whahahhaa~~~ ^0^

Sat night聽收音機聽到
迪偉說:"我既服從, 其實係控制緊我對你既欲望" >>> 係咪好深呀? 係好深... 但我諗我會明... 假以時日, 我一定會明!!!!=_="

12/3 [Monday]
Sabi心靈雞精句：“只有我先可以享受自己的笨, 其他人唔該唔好搵我笨!!!!!”

痴線架!??!?!!??!?!??!?!!!!係咪食左屎!!!!!!
簡直係騙案一綜!!! 一波未平一波又起!!! 返黎香港之後, 無咩好事發生係我身上!!! 加加埋埋, 單單野都夠我受!!! 黑仔到無人有!!! 啋!!! 留港不利乎????!!! 如果呢一刻你問我: "你好嗎?" 我可以好肯定咁答你: "唔好, 唔好到好似被屎包圍!!!!!!!" 唔好同我講咩上天其實係想俾個考驗你, 收線啦唔該, 考驗唔等如被希壓搵笨~~ 我係弱雞我係蠢, 但係唔等如可以事事蝦我!!! 唔可以!!! 尋晚先話 "現在的心很平靜", 呢家? 興過辣雞!!!!!!!!!!! >.<

~多謝Bonnie, 多謝軒少~

11/3 [Sunday]
Sabi心靈雞精句：“我是不是很笨... 是的... 確定的很笨... 十分的笨... 超級的笨... 世上沒人比我更笨!!! 但我享受這樣的自己! ^-^”

尋晚... 兩個攣毛遇著一個長毛
12noon: 一起身覺得自己好污租... 洗頭沖涼做Facial... 明明尋晚沖左涼... 痴左線...

930pm~ 一日就黎又完結魯~
今日去左check眼... -_-"
死啦今次... 驗眼個人話我隻左眼好有問題... 驚sssssssss... 好驚會盲... 雖然係咁, 但左眼無深到... 右眼就深左... 散光少左... 奇... 不過真係怕左隻左眼... 學Bonnie話齋, 寧願 "我左眼見到鬼" -_-"
Jazz
阿Sir今日點名讚我跳得好呀!! 真係受寵若驚!! 跳緊果時~ Sir:"綠色衫果個, 嘩, 好呀!" "跳得好好睇!!" 攪到我跳時都唔好意思, 差點分心, 嘻嘻~~ 之後, 叫左幾個出黎跳俾其他人睇下, 小妹當然係其中一人啦, 嘻嘻!! ^-^

其實, 起身之後無食過野... 無胃口... 上完Jazz之後返到去, 5點左右見到7-11就入去買繽紛樂, 個腦只准我買朱古力,"我要食繽紛樂"~~ 一路行一路食~ 行行下見到有跳舞表演, 菲律賓人同埋委內瑞拉人, 睇到佢地跳完, 之後就去lor埋條褲就返去嚕...
有d唔妥, 要早訓... 唔係好妥... 我諗唔會病掛... 唔好病呀, 我唔想病...
現在的心很平靜
Goodnight

5/3 [Monday]
Sabi心靈雞精句：“想要投訴別人 "口不對心" 之前, 請想一想, 人地點解要咁做~ 其實, "口不對心" 一d都唔易, 我可以好肯定咁講, 係難過講大話~~”

今朝, 雙眼腫得唔可以再腫魯, 疼痛...
再係咁喊, 我會唔會盲架? 尋晚, 又一次瘋狂咁喊到癲左... 有窒息feel果隻... "衰人", 尋晚知道你有睇呢度, 一方面驚訝: 上次我以為你講下會睇, 原來真係有睇; 一方面開心~~~ "衰人", 你睇你攪到我咁, 都話你一直都蝦我架啦! 我無嬲你, 我嬲自己~ 對唔住呀! 我唔係想咁對你, 唔係想用呢d態度對你, 唔係想同你講呢d難聽既說話, 唔係想激你... 其實我講左自己都好唔開心...好唔開心...好唔開心... 但係如果唔係咁, 我都唔知點去面對你~ 我真係唔識點去面對呢件事~ 如果有令你唔開心, 對唔住!! 我會好好學會控制! 即使呢家已經有交通失事... 以上, 都係我唔敢面住你講架, 希望你會睇到

Boss not in yet, and have just found 2 versions of the song "Way back into Love" from Music And Lyrics
Way back into Love (Demo Version)
Way back into Love