23/5 [Sunday]
Sabi心靈雞精句：“對書呆子好一點，你未來很可能就為其中一個工作！”
做Opening
估唔到原來今日個環保show係我地做Opening喎！ 哈！！因為隻舞都幾用力，我地跳完之後個司儀話 “係啦！做環保都要好似佢地咁出力先得架喎！” 攪笑！ 咁都俾佢Tag到！ 之後我地去左食野，食左好多好多蛋糕呀！ 因為我記得Vera講過呢兩日生日，咁我就等佢去左Toilet就同佢地講，之後就叫左個雪糕蛋糕！ 不過，都無雪糕既。。。
20/5 [Thursday]
Sabi心靈雞精句：“愛 ~ 只要一點點衝動就可以！可是，了解 ~ 卻少些默契都不行！”
B Com Project ＞＞＞ FINISHED
SPSS ＞＞＞＞＞＞＞都知知地做緊乜既
好開心，幾晚通頂之後，終於在黃昏７點半做好晒B Com 份Project！ SPSS又通頂去學，真係．．．夠啦！唔要啦！唔係要考，我都真係費事理啦！唔易添！ 星期一就有SPSS EXAM．．． ．．．
Econ Quiz好高分！
Essay FULL MARK呀！只係錯左前面兩題MC咋！好開心呀！估唔到我最唔鍾意既Econ都可以lor咁高分！ 愛屎你啦Henry！
Lum Lum 指數有10呀！
做野做到今朝９點先訓，但係發左個甜夢補返晒！呵呵呵！有個好好君子，送我一隻好靚好靚並好有紀念價值既Ring！ 仲幫我帶上無名指！ 嘩！勁lum lum 呀！唔係因為有禮物收，而係邊個送呀！ 由心愛既人手上收到禮物，係一件好Lum Lum既事黎架！ 加埋夢入面既境況！ 正！所以，今日我成日都好容光煥發，哈哈哈哈哈哈！ 雖然只係發夢，但係好快樂！ 佢係邊個？ 哈哈，唔講你知！ 總之佢唔係一般人啦！ ^_^
13/5 [Thursday]
Sabi心靈雞精句：“人生是不公平的，習慣接受吧！”
Business Law Mid-Term食屎咁低分
點算！ 岩岩有件事可以好開心，呢家咁快又有件事叫我Sad Sad Sad。。。
呢幾日要快d趕好B Com 份Report
好麻煩！
慘啦！ 有人分手呀！
好驚呀！ 都唔知點算好！ 佢兩個都係我既朋友！ 死火啦！ 死火啦！ 死火啦！
總算都有d開心事
尋晚去左做皮膚水份測試，一個月左右，由35% 升到 60%呀！ 掂呀！
仲有呀！ 有人問我係唔係讀緊Form 5呀！！！！ 呵呵呵呵！！！ ^()^
9/5 [Sunday]
Sabi心靈雞精句：“你不可能事事勝利，但你可以事事盡力！”
母親節快樂！
今年雖然無係香港同媽咪過母親節，不過，媽咪有一個「舞林班霸」既女，乜都得啦！ 哈哈哈！
舞林班霸
第一屆舞蹈比賽(全澳)奪得「舞林班霸」呀！ 呢個比賽只有一個「至尊」同兩個「班霸」！ 4月頭既初賽順利過關入左決賽8強！ 尋晚，就係我地既決賽之夜！ 8強先跳自選舞，然後再入4強！ 4強再比試d咩呢? 就係好似「超級無敵獎門人」入面咁，即時學一段舞, 即時跳！ 呢Part最好笑！ 睇左好多次Playback！ 獎品其中係一間Restaurant既Coupons！ 可以勁食！ YEAH！
d人無責任到離晒譜！
我地原本有5個人跳！ 點知有個人放飛機！ 打電話提左佢去，都無到！ 打左幾個鐘頭俾佢，又唔聽電話！ 一個電話都無打返比我地！ 超不負責任呀！ 真係要落閘放狗啦！ 好在大會比我地繼續比賽！ 攪到我臨時臨急由頭排過晒d位！ 幾驚甩呀！ 真氣頂呀！ 又係佢自己話要Join我地喎！ 平時練舞又遲到，又無心機！ 我都唔知佢黎做乜！ 之前仲要我特登抽時間出黎教佢一個！ 連最難教個人都跳得好過佢！ 我何止叮一聲呀！ 叮十聲都唔夠啦！ 打個電話洗屎乎? 有個交帶都好呀！ 黎唔黎都講聲，起碼有個交代麻！ 負責人問我齊人未，我都唔知點同佢講！ 總之氣頂啦！
無佢都可以係件好事
就係因為佢無心跳，一定跳得唔好，一定會甩。所以，如果有佢，可能唔會有咁好成績！ 無佢黎，未必係一件壞事，反而可能係件好事！ Who knows！ 總之，今次有咁既成績，的確係咁上下啦！ Yeah！ 「舞林班霸」好開心呀！
6/5 [Thursday]
Sabi心靈雞精句：“因為愛你，所以寧願自己難過！”
受難曲
尋晚同光仔，小敏去睇「受難曲」，我其實唔係好想睇，因為一定好Bloody、好驚，太真實啦！不過，已經買左飛。 從細到大，對Jesse認識唔多，不過，一個正常人睇到有人要受不必要既苦都會戥佢痛！ 睇到我喊到“woo woo”聲！ 好ugly呀！ 我前面個人仲不時轉個頭黎望下做乜鬼。。。 哈哈！ 菸晒！ 見到Mother Marie 睇住自己個仔咁又做唔到d乜野去幫佢，仲Sad！ 好慘、好痛。。。 「受難曲」個名真係改得好Jesse一開始「受難」我就開始「哭」！ 真係食晒字:「受難曲」VS「受難哭」！ 有d場面，我都只手Cover my eyes， 太殘忍！ 頂唔順！ 好痛！ 我都真係未試過睇一套2個幾鐘既戲，喊左2個鐘！
都唔明點解佢地可以打得咁興奮！ 痴線架?！
我好記得有一句對白from Jesse to the Governor，大約係講 “上天只是安排你發出指令，你沒有錯。” 我一聽到Jesse咁講，個腦即刻彈出二個字！ 「聖人」！ 真係要叫救！
2/5 [Sunday]
Sabi心靈雞精句：“喜歡，就是淡淡的愛！ 愛，就是深深的喜歡！”
都唔知做乜
俾人叫左去幫手出席一個Talk！ 都係做d無聊野！ 哈哈！ 做俾Mic人問問題。 好好笑！ 因為預左無人問問題，佢地準備左d問題紙俾audience問，哈哈！ 費事無人問喎！ 因為講者入面都有d 幾Professional既人。 但係我就梗係無聽佢地講乜啦！ 我同小敏在後台玩，哈哈哈！ 好無聊！ 之後去左邊度我都唔記得左魯~~>_<
1/5 [Saturday]
Sabi心靈雞精句：“真正既愛，應該係堆藏響心裡面， 去體會， 去感受， 去領悟.....”
Relatives visit me！
唔好諗多左喎！ 哈哈哈！ 我帶晒佢地要去既地方，一早到晚，食左好多好野，都唔算話好貴既，Reasonable啦！ 今次同佢地去既Restaurants我有d都未去過。 例如係“Salema”呢間好多人都話正，咪去試試！ 都幾係架！
雖然仲早過返學，不過，有人Visit me真係好開心架！ 所以都唔會好累！
2個騎哩人 + 2個TVB actors
第一個騎哩人:話說係我打緊電話問人附近有咩好食時，我有個親戚見到個女人用個手袋係咁沿住馬路邊Dun個地下。 都唔知佢做乜！ 我見唔到呀！ 掛住搵地方食野都唔得閒望啦！ 哈哈！
第二個騎哩人: 我係度2年幾都見唔到佢真人一面，最多係見過佢既相，佢地一黎就見到！ 真係唔知我好彩定係佢地好彩啦！ 佢係邊個? 就係成日裝假狗(勁強大) + heavy eyes shadow + 超短裙個女人呀！ 仲要係近距離見到佢。。。之後我地諗住走，再望返轉頭見唔到佢，以為佢走左！ 點知，近出口我地岩岩開始又講佢既時候，又見到佢個頭！ 嘩！ 好驚呀！ 真係好似鬼戲咁，一望就只係望到佢個屎人頭！ 真係俾佢驚嚇親！ 心血少d都真係會暈低！
夜晚我地行去食Dinner時，就見到以前TVB既actors不過都唔係好知佢地個名魯，哈哈哈！
送左佢地走之後，我都返宿舍魯！ ^_^