Sabi心靈雞精句：“我只看我所有的，不看我所沒有的。~~~黃美廉女士”

澳門第三屆美食節
食野點少得我架~~~ 岩岩星期一，去左一次，今晚都會去多一次！有好多唔同國家既小食，例如﹕葡萄牙、中國各大省市、台灣、日本、菲律賓、印度等等。不需入場費架！仲有野送﹕你可以簡吹氣大匙巾、大鏟、火箭。。。我簡左個大匙巾！！ 不過，做到呢個Sunday就完魯，所以就算聽日有Mid-Term都要去多一次！！唔記得呢幾晚其中有一晚，仲有煙花睇添架！

Statistics Mid-Term
今日派左Statistics份卷，好在Pass，不過，唔高分。但係，原來有好多人都Fail，不過，都有d人有九十幾分。。。勁~~~ 上次講左啦，唉，第一題衰白痴。。。之後錯既有d係Careless Mistake，有d就真係唔識。不過最開心既係，有一題計Probability有Full Mark，不過呢題其實係好簡單，之前有做過類似，如果自己咁都做錯，就真係要打打！下個Wednesday，Statistics又有Quiz啦。。。一定要追返d分。。。其他科都未派，Business Communication都派左，Just Fine~ But not good enough.

發夢笑醒
有一日臨天光發左個夢，夢見我細佬~~~哈哈~~不過，唔係好記得咩內容，不過，係d好白痴既野，跟住我在夢入面勁大笑，笑到我自己都聽到之後醒左！簡單d講，即係俾自己既笑聲嘈醒，哈哈，好攪笑~~~好在無人0係度，如果唔係真係會俾我嚇親。

Sabi心靈雞精句：“不時改一改生活習慣，可能會帶給你驚喜。”

Mid-Term Period
岩岩個星期考左四科，有一晚仲係Halloween。。。真係把鬼~~~黎緊個星期三考Business Communication，仲有Business Law就再下個禮拜先考。本來想下個禮拜尾返香港，呢家有個B_Law Mid-Term，想返都返唔到。。。嗚嗚嗚~~~ B_Law之前都有Test過，不過，真係屎。。。改左不過未派。。。Professor話我地好差。。。鬼咩，教咩耐都唔知佢教Mu！~ 簡直一片愁雲慘霧！Econ阿Sir，有一日就無端端上上下堂九唔搭八咁同我地講話我地Mid-Term考得「太好啦！好到唔敢改」。。。加埋佢個表情，明顯地佢係講緊反話。。。但係我覺得份Paper仲易過份Assignment喎！究竟點架，唔好嚇我好喎Dr.Li！CBIS就唔知考成點，做就做晒，不過，阿Sir 改卷有佢自己一套，唔岩佢口味就即刻扣分。。。Statistics，真係唔好提，考得唔好，講講下知道有唔少做錯左。。超唔抵。。。最白痴仔既係，最後一秒去改左個岩既答案。。。無野講！尋晚就考Account，呢係我最有信心既，應該唔會有問題！希望可以高分d就好啦！

夜遊人
講起黎，上個月寫得幾次，唔係懶架！係因為有好多Assignment，Test，同Mid-Term，所以無寫~~ 晚晚都要過兩、三點先訓。有一次我仲因為習慣左咁晏先訓，跟住四、五點都唔識得眼訓，走左去整野食。。。雞扒沙律、四粒黑芝麻湯圓！

先苦後甜
因為晚晚都咁夜訓，有一日我特登唔訓，朝早十點幾頂唔順，訓左3個鐘，哈哈！係阿爹打黎至醒！阿爹同我傾左陣，佢都覺得我有d唔對路，問我﹕「你訓緊覺呀？！」哈哈哈哈 ~^0^~ 最後，夜晚九點就去訓，真係使無前例咁早！不過，首先發左惡夢﹕夢見BB俾個人“藥”待，好慘、好恐怖、好驚、嚇醒左。。。仲成身汗！望下個鐘，零晨3點左右，之後過一陣先訓著。跟住，再發個好夢﹕古巨基係我Close Friend、周杰倫打電話俾我、甜到漏啦！！呵呵呵~~~所以就係「先苦後甜」！

楊利偉
星期五0個日，9:30放左學就同Esther去左睇返回鎗，同其他佢既展品。當我睇到楊利偉BB張相同埋佢同爸爸媽媽既合照時，我係度諗﹕「有邊個係個陣時可以估到佢呢家可以做到太空人上太空呢？」去睇過佢既食品，不過，都無得開黎睇，包住晒，其實都無乜特別，最衰係無得試食！哈哈哈。。。繼續向前行，就見到返回鎗同降落傘，我地仲映相添，嘻嘻！我最好奇既，就係佢件太空衣，著到咁。。。點大大同小小呢？？！