Sabi心靈雞精句：“知道自己在做甚麼，就能把握自己。”

Statistic Assignment Full Mark！！
好開心呀，Statistic份Assignment有Full Mark！真係好呀！好在有LuLu咋，有好多都係佢教我點做，如果唔係我都唔識做。0個日仲陪我做，之後一齊去交功課，and then一齊去食Lunch。尋日，上晝Test左Statistics，好在有做晒Problem Review Questions，唔做都唔識Test，我諗都應該考得Okay既。仲有呀，好在問左Karen考乜，如果唔係都唔識答咩係Parameter。因為佢0個班考先過我0個班，梗係點都要八下啦，呵呵呵。。。

唔洗錢，剪頭髮！！！
有個朋友同Karen講話，因為佢阿哥同埋其他Hairstylists遲下要考試，要練習，所以我地就尋日就去做佢地既Model，呵呵，所以免費。不過，咪以為佢要考試就仲係學師仔，唔係架，聽講都剪左好耐，只係唔知要考d咩試咁先要多練習。同我剪0個個靚仔好有心機慢慢剪，真係剪左好耐，我都未試過剪咁耐。但係其實唔係剪左好多，只不過係剪Layer同收薄佢咁。我見佢真係好用心機架！一d都唔馬虎！不過，都唔係咁敢成日望佢點同我剪，因為，有好多時會有其他既學師仔睇佢點剪，我諗係跟佢學野掛，攪到我都唔係幾好意思，哈哈！佢又靚仔喎，又想望多幾眼喎，哈哈哈~~~加埋佢咁用心剪頭髮個樣，真係羅膽！咪以為免費就剪得唔好，都唔知幾好呀！真係低到爛呀！低到爛晒呀！呢間Salon本身都唔係平，呢家唔洗錢！又有個靚仔同我剪，呵呵呵。。。仲想點？！大家係咪好羨慕呢，哈哈哈哈哈！

今晚我地表演得好好呀！
可以做到壓軸，真係有d受寵若驚。我地老細都話我地跳得好呀！嘻嘻！又有其他人話我地越跳越好！真係開心！^_^ 原來今次個Show都唔少野，都算係大Show，佢地都做左好多準備功夫。搭個台都同之前既唔同就知啦，音響、燈光又好。我地識做燈光個人，佢仲特登前一晚聽我首歌同我地做埋燈光效果，真係好啦！^_^ 個Show完左之後，我地仲有得上台大合照，幾部相機0個隻呢，哈哈，好似記者會咁，感覺好得意。哈哈！好似明星咁！哈哈哈。。。唔好意思，我又發癲啦！咁真係好開心麻！我地就梗係Mou係前面啦，都幾中間添架，哈哈。。鬼叫無人上前，我地就梗係唔客氣啦！嘻嘻！上返Dance Room羅野，我地仲跳多次先走，哈！係咪好痴線呀？！跟住就同其他工作人員一齊去食野，算係慶功！食左唔少野呀，越食越肚餓！

之後會點。。。
之前成日都要練舞，攪到少左時間應付Coursework；今日之後會好d，因為表演會無之前咁多，我諗起碼要到聖誕節或者之後先會再有，呢段時間我就可以用多d時間去返Coursework度。Account都Quiz左兩次魯，次次都係Sudden Quiz，好在平時有用心讀Account，梗係啦，話晒都係自己Major，梗係要認真讀，不過，我Feel到Account越黎越難。CBIS(Management Information System)岩岩交左Project，真係做屎人。。。希望佢唔好改得咁嚴啦，俾高分d我地Group就好啦，哈哈！Econ下個星期就會有Test，又有Assignment要交，都唔知識唔識做，哈哈，Print左份Assignment出黎都未睇過，最唔鐘意就係Econ。。。d圖睇到我都真係豆晒雞。。。之前Business Law都有Test，係就係可以睇Civil Code同埋Basic Law，不過，通常都係如果可以俾你Open Book既，份卷都唔慌好做。。。唔知下個星期二上堂會唔會派呢，佔Total Assessment10%，點算！好啦，少左d活動，要好好讀書先得啦！朋友們！你地都係呀！返功既就俾心機做野；返學既就俾心機讀書！

Sabi心靈雞精句：“能解決的事，不必去擔心；不能解決的事，擔心也沒用。”

呢排多野做到無時間訓覺
開左學咁耐，其實都未試過早訓，晚晚都一點兩點。。。第朝八點上堂到五點，之後又要去補習，呢排仲要去練舞。。。真係感到有點累。。。今日，頂唔順，堂與堂之間有時間就訓左兩個幾鐘，如果唔係有人打電話俾我，我諗仲可以訓耐d，Lunch都無食就去上堂。係自己唔識分配時間，定係真係唔夠時間用呢？

矛盾
一方又唔夠時間用，但一方面又好想將每件事都做到最好。讀書同跳舞，點都唔想有一方做得唔好，亦都唔會放棄。我諗跳舞0個度，過埋18/10個Show都會靜一排先會再有Show出。到時就會多返d時間溫習，不過，我就會成日諗住跳舞d野。有得跳又唔係；無得跳又唔係。都唔知點架！可能呢排實在唔夠訓 >>> Short左。。。

尋晚開始教新舞
18號MC Show要跳新舞，教左唔係好多，首歌4分鐘左右呢家教左1分鐘。因為呢首歌好快，之前自己排0個陣，都排到我唔想排，好難跳。試過自己排排下發自己脾氣，話以後都唔排，之後去左訓覺，哈哈！快歌勁舞唔係咁易排架！不過，之後有小女同我講話MC Show搵我地做壓軸，又一次激發起我既心！！所以就的起心乾排好佢！呢家總算排得到，仲教得添！雖然尋日唔係教得好多，又唔係好齊，動作做唔足咁，但係見到大家都學得識，一齊跳左隻舞出黎，大家都開心興奮，而自己就梗係會覺得幾有滿足感啦！哈哈哈！係喎~~~ 我地多左一個新既Dancer，男仔，87年既DiDi。。。哈哈哈。。。