28/10 [Sunday]
Sabi心靈雞精句：“鬼死咁吸引, 越睇越過隱！”
Dance
溫舞果陣, 有d人快左喎, 本來我無比佢地影響到架, 不過, 之後自己又甩左少少, 就錯左啦, 哈哈哈~~~ 比阿Sir見到, 之後佢笑我and then said “你唔好比佢地影響到吖麻, 佢地係快左架” 另外, 今日有個男, 佢真係跳到忘我境界, 連側邊既人都當無到, 隻手係咁fing fing fing… =_=” 企佢隔離真係怕比佢dull巴星… 今日總算都跳得okay~~ hehe, thanks bon話我跳得好~ kakaka, 好開心!!!! ^0^ 之後跳另外一首歌既時候, 比人成隻腳踩落我隻左腳度… 洗唔洗咁大力先… 痛 >.<… 叫左一聲, 之後甩左, and then繼續跳返, whahahhaa~~~ 係咁跳跳跳跳跳, 不停跳我就最開心架啦!!!!! ^0^
其實呢家都幾夜, 不過, 仲upload緊d相, 雖然個頭仲未乾… 唔理啦, 要訓覺, 由得個腦開到聽朝先switch off… zzzz zzzZZZZzzzzZZZZZzzzzzZZZZzzzzZZZZzzzz
25/10 [Thursday]
Sabi心靈雞精句：“人地比既壓力, 遠不及自己比自己既壓力, 自己比自己既壓力, 真係有窒息既感覺!”
終於可以抖下氣~ 呼~~~~~
咩都唔理嚕, kekeke~ 真係開心!!!!!! kakakakakkaa~ 嘻~ 多謝支持我既人人人人人人人人人人人人...啦, 呵呵呵~ 有覺好訓~ 有覺好訓~ 之後就去左探grandparents, 好耐無去嚕! 點解條街咁多年青人??? 乜唔洗返學既咩?? 唔... 我呢家既感覺... 就好似~~~ "放左個好嚮好長既屁"咁舒服, whahahahhaha~~~ 死未!!!!! ^0^
24/10 [Wednesday]
Sabi心靈雞精句：“10個驚!”
呢幾日... 胃痛part2, part3, part4... ...
訓訓下覺, 可以無啦啦醒左之後胃痛左一陣 =_="
返返下工, 做做下野, 間唔鐘可以無啦啦痛一野 =_="
搭搭下車, 又可以無啦啦痛幾分鐘 =_="
如果比你揀你會選擇去邊度:
戰場, 靶場, 定係手術室?
如果有埋鬼屋, 我會揀去鬼屋!!! 反正都係要驚...
多d人send多d SMS比我就好啦, 我會安心d!!^-^
只想冬眠冬眠冬眠
21/10 [Sunday]
Sabi心靈雞精句：“我只喜歡甜甜地既"朱古力"!”
胃痛
好耐都未試過胃痛, 跳跳下舞胃痛, 不過, 繼續跳, 唔想停~ 我就係咁架啦... 哈哈~~ 今次令我諗返起, 有次試過臨比賽前一晚, 練舞既時候拗柴, 成個跌落地, 唔識講野, 抱住隻腳, 眼水都標; 第日, 忍痛繼續跳, 好變態!! 不過係因為要比賽(初賽), 比賽(初賽)之後比個fd罵同埋比佢拉左去睇跌打~ 好在有去初賽 & 睇跌打, 因為最後拿左第2名!! 嘻嘻!! 呢家個胃無之前咁痛啦, 飲左熱野好返好多~ ^-^
發生在胃痛前:
阿Sir: "比個1拍我睇~"
阿Sir行到我面前說: "呢個就做得最好啦"
阿Sir: "好, 做埋個第2拍~"
阿Sir又行到我面前說: "嘩, 呢個永遠都係最perfect既!"
其實有少少受寵若驚, 嘻~ 開心~ Thanks!!! ^-^
一陣要睇野田妹大結局!!!!!
20/10 [Saturday]
Sabi心靈雞精句：“想訓就訓, 真係開心!!!”
Sleep Sleep Sleep...
尋日放假, 訓左10個鍾, 呵呵呵~ 仲有, 尋日睇睇下卡通片訓著左... =_=" 今朝就早起, 要去一去bank, 都係因為要幫Dash啦, 攪掂就返家嚕~ 呀, 係喎, 今朝出去, 唔記得帶一樣野, 想返去帶返的, 最後都係無返去帶, 哈哈, 都okay喎~ 哈哈哈~~~ safe vs unsafe!!!! 無人知無帶咩, 哈哈哈~ 下午, 3點定4點左右我又走左去訓, kakakaka... 不過, 訓訓下, 以為有人入左屋, 明明無人甘麻, 我又好眼訓喎, 想唔理, 但係其實又好驚喎, 幾經辛苦爭扎起身望左一望出面, 之後立即達返落床, 真係好似夢遊咁~~ 5點半左右就起身沖涼去跳舞嚕~ 跳錯左少少, 漏左2拍, 哈哈~ 唔... 仲有比人話我今日好"牛"添, 訓得多, 定訓得唔夠呢... 無時間啦啦啦啦啦...
睇forum, 有個人post左2張佢去旅行既相出黎, 問人估下係邊度~ 張相唔係好大.. 仲細個半個mouse, 但我一眼就認得出, 之後睇埋下面既答案, 嘻嘻, 我估中左, 呵呵呵呵, 因為我去過~ 好叻呀~ ^0^
16/10 [Tuesday]
Sabi心靈雞精句：“講個祕密比你聽... ”
一連5場既千嬅演唱會終於完左啦! GOOD SHOW!!!! ^0^
好累呀, 返家都唔想寫, 不過, 忍唔住, 其實呢家好眼訓~ anyway... 嘩, 現場直撃 "古天樂 & 楊千嬅 一吻", 基本上古仔一升上去, 個個就V嘩鬼叫... =_=" 鍚果一下簡直係每晚既高潮... 救命... 尾場加演, 預祝古仔生日, 成個紅館都唱生日歌, 都okay正的~ 開show前拜神果陣, 千嬅比支香辣親, 仲話"越辣越紅" whahahaha~~~ 全場都係紫色螢光棒, 好紫呀! and, there is no pong pong sticks, but got the Red Ribbon pin from the Red Ribbon Centre (UNAIDS); as you could see from its name: "Red Ribbon Centre is an AIDS education, resource and research centre established by the Department of Health, under the sponsorship of the AIDS Trust Fund, Hong Kong. The mission of the Red Ribbon Centre is to facilitate and enhance the community's response to HIV/AIDS." (Ref.: Red Ribbon Centre) Well, it's not the first time i heard about it, hoping that there is no more HIV/AIDS. 突然正經起黎添, 哈!
Let's return to the concert: i like the part... where the theme is bullfighter. Dancers著鬥牛士果套衫, 嘻嘻, 勁正, 我最鐘意綠色果套, 呵呵呵!!! 唱既係"滾", 即係同梁漢民, it presents like a muscial, i like this part so much!! feel the energy, the motions together with the melody & lyrics, woowwooo!!! 另外有首歌, 唔記得個名... 我叫佢做 "baligagi baligagi", if you have ever listened to this song, you'd know what i'm saying, hahaha... 呢首歌隻舞係比左個日本人排的, if you watched 東張西望few weeks or even a month ago, then you'd know, 呵呵呵~ 同埋, 今日係尾場, 千嬅加時, 哈~ 要罰錢, 不過, 唔理咁多, 罰就罰啦~ 哈哈哈~
Actually, it's now 0200 (17Oct07), 現在已經係夜深, 要訓... 呢排都好累... 其實前幾日有一晚在家頭暈 (唔係頭痛喎, 真係暈果隻)... 即刻坐低左先... =_=" 為免體力不支倒地, 要訓啦呢家~ 訓前, 突然好想講: 我真係好enjoy跳舞!!!!! ^0^ Goodnight!!!
14/10 [Sunday]
Sabi心靈雞精句：“10 DAYS LEFT!!!!!”
返家又跳左陣舞~
再跳左半個鍾左右啦, 都okay~!! 同埋之前去左百佳買野喎, 返到家睇返張單, 見到.. E? 點解會扣左1亳子既? 再睇, 原來係唔用plastic bag 就會扣1亳子, 哈哈~ 我今日先知咋~~!!
森之愛情 & 野田妹
呢個星期同埋上一個星期果集森之愛情都Okay好睇喎!! 哈哈~ 今一集講既野都幾感動, 15年喎! 哈哈~ 幾得意既同埋!!! 野田妹套野下星期日大結局啦, 頭先睇預告, 估下集我會喊, whahahahha~~~
12點幾都仲打比我, 真係都幾趕急~ Dash放心啦, 我會幫你攪掂架啦, hahaha~~ 無問題啦!!! Firm左之後再通知我啦~!!!!
今日既新聞
唔該大人既事唔好再累d小朋友啦~ 佢地真係好無辜架~ 睇完新聞個心好唔舒服~
13/10 [Saturday]
Sabi心靈雞精句：“全世界祇有6%的人，能夠過幸福快樂的生活。”
Modern Dance
忍唔住, 返黎即刻要寫, 笑死我!!! 話說落一字馬啦, 新人今堂都有落, 但係佢地幾個落唔到, 之後就傳黎一咋女仔既呻吟聲... =_=" 嘩, 仲唔係一兩聲喎, 係維持左一陣喎, 仲要係環迴立體聲!!! 嘩~~~~ 簡直令人暇想呀!!!! 笑到我吖!!! 其他人都有笑架, whahahaha... 呢家22:30... 我仲未食飯... 食左個飽~ 一陣再食野!!!
12/10 [Friday]
Sabi心靈雞精句：“只有當一個醫生也成為病人既時候, 才可以親身感受和理解病人既心情和憂慮!”
Sushi
食壽司真係開心, 但係唔係間間都好食, 食左咁多間, 板前 & 元氣係最好既兩間, 食得最多次都係呢兩間~ 其他既(羽, 御家, 峰, 活... 都係單字, 真係易記~)都麻麻地~ 今晚食呢, 嘩, 驚呀, 食食下有個男在出面敲左幾次落地玻璃喎!!! 仲係恐怖有力果種喎!! 似尋仇... 佢又唔敢入黎嘈喎, 係咁在外面怒啤~ 之後我地走佢都仲係度...
食完野之後就行行行行行, 其實都無野要買架, 不過, 就係咁行行行行行, 無買野既欲望, 又無野鈎起我既購買欲... 哈哈~ 其實都有野想要買既, 不過, 想過左呢一關先去買, 順便獎勵一下自己! tum自己開心! 好驚... 好緊張...
希望聽日可以finish module 4!!!!!
7/10 [Sunday]
Sabi心靈雞精句：“無聊的我, 食完糖之後, 將糖紙包番個原本四四方方果個形, 放返入個盒入面!”
終於可以慢慢寫d野...
話說modern dance有新人入我地班, 因為有d動作有d難度, 所以佢地頭1,2堂都係睇我地做, 睇到我地做果d高難度動作時, 佢地係咁"嘩嘩嘩"~ 尋日我地落一字碼, 佢地都未洗落住, 齋睇我地~ 我地個個一揮腳線落地既同時, 我聽到, 佢地幾個好大聲"嘩!!!!!~ 好勁呀!~" 我真係好想笑... 笑只係因為佢地有少少大驚小怪姐, 無其他, 佢地實在係誇張左少少lor~ 一字馬之後比miss壓落黎幫我地盡壓, 我見到佢地齋望個樣仲辛苦過我地... 佢地齋睇個樣都咁, 真係有少少攪笑~ 啊係喎~ 尋日練踢腿比miss讚 ^-^ 但係唔係特別開心~ 少少開心啦~
Jazz果兩首歌都okay既: 小豬果首歌, 上一堂, 我地分開兩group跳, 我果group跳完之後就到另外一group, 不過另外果group跳唔到, 之後阿sir叫左我出去帶佢地跳呀, 嘻~ 一開始有d緊張, 跳得唔好, 梗係啦, 無啦啦比阿sir叫左出去帶跳, 哈~ 阿sir見到我咁就話 "唔好咁緊張~" 之後就跳得okay啦~ 今日就... 勁遲呀我, 遲大到; 另外, 張韶涵首歌呢, still okay, but, 有d難度~ 頭先返左屋企再跳多一個鍾頭舞先心息~ 休息左一陣去沖涼, 跳到d衫衫褲褲都濕晒 =_=" 好濕... 出完成身汗, 其實都幾舒服的!
跳舞可讓我暫時忘憂 -_- 只係暫時暫時暫時暫時暫時暫時暫時暫時
尋日發現... "歐元 澳元" 係好難發音... 乾脆地我說 "Australian" =_="
6/10 [Saturday]
Sabi心靈雞精句：“>.<”
攪返掂~ 可以上網嚕~
4/10 [Thursday]
Sabi心靈雞精句：“如果我有多少少時間就好啦~”
同個世界disconnected... =_="
屋企個network好有問題... 上唔到網咁濟, 無晒心機, 同個世界脫晒軌... 打去問, 話數據無問題, 不過好慢, 問佢有咩方法可以攪返掂? 佢話會幫我report比工程部; 咁工程部幾時可以攪返好? 佢地check到無事就無事, 有事就會整下佢~ >>>>>> 原來可以咁答問題既... 明晒啦, 好明呀, 真係唔該晒喎... =_=" 哈哈哈哈~~ 問佢有無類似既問題打去問佢地, 佢地話有~ 希望佢地快d攪返好啦~ 唔知咩事, 嗚嗚嗚~~~ >.<