30/9 [Sun]: 1745
上晝同小雲去左睇~~~初戀0拿0查麵
好攪笑… 如果你有聽過個廣播劇, 你都知苦榮有首歌…
頭先睇到好有Mood0個陣, 無端端~~~
“還要將… …埋在心裡”
哈哈… 乜Mood都飛走晒
個感覺好攪野!
跟住我地去左映左影貼紙相!
嘩! 美人呀!~~~
辛苦你啦小雲…
頭痛都陪我睇戲
錫晒你^3^
仲有呀, 多謝你送0既Mickey手巾仔呀, 哈哈~~~!!
好靚呀, 個袋同條手巾都好靚呀~~~
好鐘意呀~~~^3^
細佬今日arm arm去完泰國旅行返黎
謝謝手信, 嘻嘻!!
嘻嘻… 有人請我食日本野
謝謝!
27/9 [Thu]: 1030pm
嘻嘻...
經過一輪研究...
我終於攪掂左個Guest-Book喇!
YEAH~~~~~
Wasabi好棒唷~~~
你地可以繼續留Message啦!!
謝謝!
係呀, 仲有呀~~~~~~~~~~
我星期六會返香港, 嘻嘻!
我要睇戲同唱K!!
有無人有興趣同我睇(排名不分先後):
大頭怪嬰
貓狗鬥一番(Cats & Dogs)
情陷紅磨坊(Moulin Rouge)
初戀o拿喳麵(Merry go round)
我的兄弟姊妹(Roots and Branches)
27/9 [Thu]
~~~~~~~~~~~~~HELP~~~~~~~~~~~~~~
哎呀, 點解個Guest-Book會滿0既?
乜唔係無限0既0羊?!
唔怪之得, 咁耐都無人留Message啦!!
咁點算好呀?
哎呀, 唔好意思呀, 我都係今日至知個Guest-Book會滿
如果, 之前有人Sign過Guest-Book, 唔好意思呀…
有無人可以幫下我呀?
點算好呀?
~~~~~~~~~~~~~HELP~~~~~~~~~~~~~~
24/9 [Mon]
… …
尋晚無走到, 因為飲完太夜, 會危險
所以, 今朝至走…
今日10點有堂, 10點前要返到去
放低d野, 然後羅野去上堂
… …
我搭730am左右船…
630am我已出門口啦...
你地係咪仲訓緊覺呢… 哈哈哈…
845am去到巴士站等車...
… … 等呀等, 等呀等…
差唔多等左30mins先有車...
哎… 原來塞車…
最後, 935am左右返到宿命...
上到1230pm, 我無去食Lunch…
即刻返宿舍訓覺…
要快d去訓... 只有1.5hrs
2pm又有堂上...
食左幾塊餅乾之後, 就拿拿林走去上堂
住宿舍真係好… 可以小睡片刻 ^_^
今晚, 要好好睡一覺 ^_^
哈哈...驚喜呀!!
今日收到盒錄影帶, 嘻嘻!
Thank you Paul!
不過, 唔知呢道可唔可以睇, 要問下個館理員先知
930pm啦, 要返去沖涼啦...
要睡覺啦... ^_^
22/9 [Sat]
我返左黎呀, 各位老友記!
聽日去飲呀! ^_^
跟住, 之後至知, 今日原來會去表妹個生日會
哈哈… 之前原來已Send過Mail俾我…
嘻嘻… 因為我未Check所以唔知…
呢個星期, Wasabi好叻呀!
話說, 宿舍攪左個晚會, 主要係For內地學生
我都預左無份玩, 哈哈…
不過, 有次同佢地傾計, 問將會有乜野玩
佢地就話有表演, 例如唱歌, 做戲咁…
有一組就話會係跳舞~~~~
~~~~~~~~~~~~嘩嘩嘩~~~~~~~~~~~
即刻問跳乜舞, 乜野歌…
原來佢地想跳ParaParaSaKuRa, 不過, 佢地無一個識跳呢首歌
於是, 我話我識, 佢地就請我去教他們喇~~~
跟住呢個星期我地都係0係度練舞
好開心呀!!
成個星期晚晚都有得跳舞
^_^ 我仲有份表演添呀 ^_^
好開心呀!!!
仲唔洗買票入埸添呀(因為有Buffet), 哈哈~~~
15/9 [Sat]: 晚
哎唷! 哎唷! 盪失路呀!!
頭先我去左呢度間百佳超級廣場
都要行幾遠…
我慢慢咁行, 好慢咁行…
都差唔多行左一半個鐘
我都係第一次去, 之前都係去d比較近0既超級市場買野
不過, 見今日有時間俾我慢慢行, 先去到咁遠
入到去, 好似0係香港咁, 哈哈…
推住架車, 行來行去, 哈哈…
行左咁耐至去到, 幾歹都要買多d有用野
不過, 來來去去, 我都只係買日常用品同野飲野食
嗚~~~ 搵唔到我想要0既書架呀~~~
最後, 買埋個飯盒同湯(豬骨㷛唔知咩豆), 跟住就走
但係, 因為入口同出口係兩個地方... ... ... 盪失路?!?!
識去唔識返?! … …
... … 唔驚! 路在口邊, 只要有把口, 就可以問人…
嘻! 半個鐘頭, 安全到達!!
不過, d野好重... ... 手都痛了...
返到黎, 都七點lu…
食飯, 搭番好d野, 沖涼之後就黎lu!!
可能, 今日係星期六, 宿舍比平時靜
Betty(同房)同Mary,LuLu去左珠海…
嗚~~~ 我無得去呀~~~
因為我無帶回鄉證過黎...
不過! 我叫左Betty幫我買青萍果 ^_^ 呵~~呵呵呵呵呵呵~
兩個半一斤咋!! (其實我唔知一斤有幾重, 大約四五個萍果啦, 哈哈!)
萍果可以放得耐d ^_^
成日都係食飯盒;
不過, 好在餐餐都有湯飲, 而且, 又唔似得香港0個d有咁多味精
但係就唔係幾夠蔬菜…
所以! 我要五蚊青萍果! 唔該!
係呀! 恐怖熱線(電台節目: 新城997)
有套戲講大頭怪嬰架, 你地有無去睇呀?
我好想睇呀!
之前, 聽997都聽過唔少關於大頭怪嬰0既事
所以, 好想睇下佢地點拍
不過, 好似話你睇套戲0個陣唔會走隻Guei出黎嚇你
而係用其他方法令到你有驚0既感覺同緊張0既感覺
想知多d, 你就可以:
逢星期一至星期五: 夜晚12點至凌厲2點, 聽新城997恐怖熱線
我都有聽架, 不過, 有時聽聽下訓著左
聽啦, 聽啦!
我地一齊聽丫!
另外一套戲, 都有d興趣0既就係: 初戀0那0查麵
本來係廣播劇(叱咤903), 依家拍埋戲
我都係想睇0下苦榮同小苦妹
睇0下佢係用疊影方法, 抑或係用真人做佢兩個
有聽過初戀0那0查麵個廣播劇, 都知佢兩個係點樣
哈哈… 哈哈… 尤其係0個個苦榮, 哈哈…
15/9 [Sat]: 午
喂喂! Wasabi黎啦~~~
我諗我呢個Diary都要改名叫周記先得…
哈哈… 費事成日都對住部電腦...
不過, 呢度都有D人玩ICQ, 不過, 唔多, 幾少0下
我無玩呀!!
我一玩我就成日掛住玩而唔留0係宿舍溫習, 或者拾野
所以, 我唔Download ICQ~~~!!
我都係逢星期五夜晚, 星期六或者星期日先過黎Check Mail, Send Mail同Update Diary
本來, 尋晚就可以Update到個Diary…
不過, 之後我禁多左個制… 全部新野…無晒~~~~~~~~~~
>_< 所以, 今日要再打過… 哈哈哈哈…
呢兩日訓覺都覺得熱, 今朝仲熱醒左
之後, 就走去洗頭沖涼
遲些, 我會出去買野... 頂住d書0個d哩^_^
Wasabi俾人偷野呀!
洗衣房有人偷野~~~
豈有此理?!
底底x2
白色訓覺衫
布袋仔
…都無左…
呢d野都好偷?! ~~有病!
氣死啦!!
葡文好難發音~~~
我諗個老師係葡國人, 聽佢講英文都有d葡語口音
哈哈… 有件事… 好鬼攪笑…
…我諗我個腦得番56k以下…
我有一次用左國語問佢d字點讀, 哈哈哈…
哈哈….哈哈哈………哈哈哈哈哈…..哈哈..……
有晚食飯之後, 我陪LuLu去Library
去Library條路係有狗架!!!@@!!!
行行下, 見到有隻狗係前面行來行去…
…我立即定住了…
即刻拉LuLu折返…
跟住我地就搭車去
哈!其實係好近, 唔洗搭車
但… 奈何有狗…
其實, 我每朝都要行呢條路去Library下面的課室上堂
有幾級梯級上左之後就係圖書館
再落去就係課室
而隻狗呢, 就係訓0係個幾級梯級上, 所以, 我一定要經過佢…
好在! 朝朝行到去, 佢都仲係訓緊覺, 未起身
我輕輕的走, 佢就唔知啦! 呵呵~~~
朝朝都要戰戰兢兢咁行過去
…其實, 係好驚… 眼尾不段sau住佢…
不過, 好在佢懶訓, 同埋, 佢通常都係訓埋一邊
所以, 我就一定會0係另外一邊…
貼住牆咁行…
天呀!
11號0個日, 突然好怕要考試;
雖然有排先至考, 但係好怕自己追唔上…
有d科目我又未讀過, 其他人又讀過咁…
所以, 好驚會考得唔好…
同一晚, 聽收音機…
卻發現…
New York World Trade Centre同Washington五角大廈俾客機撞…
我真係覺得好恐怖…
點解人類可以咁可怕, 大家都係人…
大家都有屋企人, 點解可以會係咁…
我黎左咁耐都未睇過電視… 只係聽收音機
估唔到, 一睇就係睇呢件事…
0係第二日, 我去TV-Room度睇新聞
見到架飛機撞向World Trade Centre…大廈倒塌…
哭了…真的哭了…
點解可以咁殘忍?! 點解要咁做?!
點解要傷害無辜?! 點解要係咁?!
剛上班…就要這麼樣…
剛上機…就要這麼樣…
所有人都因此而喪生…
唔通咁就可以解決問題咩?
此事發生於9月11號; 而佢地求救電話號碼係911
係巧合, 還是故意?
前陣子, 仲驚係考試唔好; 現在, 好好活著便是了
一定要好好珍惜眼前一切
有說, 呢件事係World War III0既開始... …
“The late Nostradamus predicted this written as following over 400 years ago:
Back then there was no New York, but he predicted this would happen to
a land at 45 degree Latitude which is world location of today's New York.
Nostradamus wroted:
"In the City of God there will be a great thunder,
Two brothers torn apart by Chaos, while the fortress endures,
the great leader will succumb.
The third big war will begin when the big city is burning"
(Nostradamus 1654)
If you pick it apart:
city of god: NYC
two brothers: Trade Center
fortress: Pentagon
great leader: USA
I was never one to believe Nostradamus, but damn...
He even gets the date right…
"On the 11th day of the 7th month"
The 7th month back in the 1500's was September ”
我亦曾聽說過有關第四次世界大戰0既預言:
人類係會用石器等用具作武器
回復原始…
不過, 幾時就唔知
0係同一個預言裡面亦有說過…
第一次世界大戰同第二次世界大戰相隔年27年
而事實上, 真係相隔27年
又說, 第四次世界大戰可能係因為第三次世界大戰...
… …
願事件早日結束
8/9 [Sat]
Yeah! 小妮子生活安好!
有無諗到0個個係乜字呢?
哈哈, 繼續估吧!
^_^
今日一早, 我就起身去洗衣房洗衫, 因為怕無機用;
成橦Hostel只有三台洗衣機, 三台乾衣機;
所以我要早一點落去, 如果有人用緊, 我就唔知要等到幾時lu~~~哈哈!
洗1個鐘, 乾十幾分鐘, 下次著又得, 即刻著亦得, 得0左!
翻譯~~~
我個Room-mate叫Betty, 其他同一層的有LuLu, Mary…
(只係記得咁多先, 嘻嘻…)全層的都係講國語,不懂廣東話(除左兩個: 1From珠海; 1From南海)
所以, 我要用國語同佢地溝通; Wasabi講國語,… 難以想像,對嗎?
哈哈! 不過, 短短幾天, 已進步很多啦!
梗係啦, 迫住咁講, 哈哈! 有很多時候都會談天, 所以進步很快呢!
但係, 如果佢地講得太快, 我就聽唔到…
另外, 因為上堂係用英文, 有時候, 佢地唔明, 我就要即刻變身做即時傳譯員!!
Wasabi多利害啦!
唔多唔少, 都會有d影響, 不過, 我會就住就住;
如果, 連自己都未明, 都會聽埋先, 落堂後先再慢慢教她;
如果唔係就兩敗俱傷…
6號晚, 我帶左Betty, LuLu, Mary佢地去買書, 點知係街上遇到Suwan(From SPACE)
嘩! 咁Arm Geeeee?
尋晚(7/9)我地就一齊去食Dinner
佢地簡直做晒工課, 帶左我去一間食葡國地道(還是食道地呢?)野, 叫新世界西洋餐廳, 好好食呀!
其實, 裝修很普通, 普通得不得了; 真想唔到會係咁好食!
我知道點去架(搭的士… 哈哈!), 如果你地黎, 我可以帶你地去架!!
係呀! 好黑仔呀我!
話說, 用電腦要用Student No.& Password Login
咁我Login之後就改左個Password, Okay左之後, 再Login; 唔得呀!! >_< ~~
好驚呀!~~~!!
好在, 有人幫我^_^, 他帶我到電腦部叫人氮另外一個Login Password俾我^_^
依家, 我唔改住啦… 費事… …
有件事, 好攪笑~~~
有一天, 我買左餅乾, 食左成3日, 先知呢個唔係檸檬味, 而係橙味… …
哎呀~~~ 救命呀~~~
我諗我d味蕾休息左3日... ...
呀! 係呀! 我依家用緊呢部電腦個Keyboard係無中文架(戈呀, 金呀, 中呀, 人呀個d呢)
我都打到咁多, 好開心呀!! 無問人架, 自己攪掂!
可能之前打得多, 記得d位大約係乜 ^_^
今次講住咁多先啦, 要食Dinner啦! ~Bye~
5/9 [Wed]
我俾一條好難既IQ題你丫:
“我加一隻女鬼”
猜一個字
…唔好依家諗, …
…你可以每一晚, 臨訓之前, 諗一次
Bye-Bye~~~
4/9 [Tue]
1130am約左Chermaine
哈哈… 不過, Chermaine 以為約11 am , 早到
多謝Chermaine送左個Mickey記事簿俾我! ^_^
Lunch之前, 約左Person拎番部相機, 順便睇相
哈哈… d相真係好自然, 無乜邊張可以用黎做劇照
Lunch啦!
有Anna, Cathy, GiGi, Peggy
之後, 就係指定動作, 映貼紙相
好彩, Janet趕到! 嘻嘻!
唉… 唉… 唉…
你唔好咁快Offline啦… >_<…
同你唔係講得咁耐添…
不過, 都好開心架啦… 起碼走前都叫做有講過下野…
3/9 [Mon]
今朝, 去做On-line Enrollment, 0係香港塞車呀… 遲左少少呀…
好驚我要d堂會Full晒… 又要從新安排個時間表…好驚呀…
入到Computer Room即刻打晒出黎, 跟住即刻Enroll
Yeah! 時間表如我所願!
不過, 好騎哩!
本來Commerce話Full左, 但係, 幾分鐘之後, 又無端端有位可以Enroll
Print左張時間表之後就Okay, 走得!
跟住就去交錢, 再拎宿舍鑰匙…
弊! 住最遠個棟…
更弊! 同房(Betty)係講國語, 仲要係講得好快+唔識廣東話…
點算!
之前, 仲猛咁話如果有個講國語既同房就好, 因為可以教我普通話…哈 哈…不過, 係講得快左d
哈哈! 同佢傾左一陣計, 真係講得好快… 有時我地仲用英文代替某d字
不過, 唔緊要, 佢教我國語, 我教佢廣東話!
有成年俾我學, 無問題既!
Practices Make Perfect, Yeah!
番黎之後, 就同Yobie, 阿Sean係尖沙咀食飯
…阿Clark同Eric都無黎… >_<…你地唔理WaSa~啦~~~
桶豆腐花, 好得意呀! 不過, 都幾貴
阿Sean走左之後, 我地就去左映貼紙相!
行左陣, 我買到件黃色衫呀, 好開心呀!
跟住我見到件橙色衫, 件衫好熟口面…
諗呀, 諗呀, 諗呀諗…
… 哈哈!!! ^O^
2/9 [Sun]
Mammy, Happy Birthday!
下晝, 同Sui係Poly食野, 我地交換相睇
嘻嘻… 好開心, Sui送左個好特別, 好靚, 好似皇帝用既袋俾我呀!
謝謝!
夜晚, 就同親戚食飯
嘩! 有好多好有用既禮物呀!
其中, 有Mickey筆袋同筆呀!
謝謝!
估唔到, 久違了既大表叔都有黎呀!
喂! 好勁呀你, 做埋董事, 哈哈…
不過, 細表叔就無黎魯
1/9 [Sat]
今日, 係XX, 大家唔好咁夜返屋企呀!
ICQ, 你確實讓我歡喜讓我憂
雖然, 有時我唔想知既野, 你都會俾我知道;
但係, 原來, 科技真係可以拉近人與人之間既距離;
LeeHom你講得好arm呀! ^_^
下晝出左去買野漏左把傘係間鋪頭度呀~~嗚嗚嗚~~~
係播! 仲有無人想約我呀, 哈哈…
我5號走啦, 6號要開學
只要你肯約我, 我點都會應承架
有就快d啦, 親仲有時間, 嘻嘻!
^_^ # # # ^_^ # # #^_^