30/9 [Mon]
前兩日, 知道公公有事入院
又唔係好知道詳細情形
知0的唔知0的就係最擔心
又擔心公公, 又擔心媽咪...
今日, 再打俾媽咪問下公公呢家點
媽咪話, 呢家好好多, 無乜事
但係仲未出得院
希望公公快0的好康復!
你唔開心, 我都唔開心!
我想同你分擔!
我想你開心番!
一陣, 我個Room-mate同隔離房0個兩個都走嚕
聽日國慶, 佢地Mum & Dad都會去珠海
所以, 佢地梗係去同Mum & Dad團聚一下啦
亦因此, 呢兩晚就得我一個訓嚕
27/9 [Fri]
今日係Happy Friday!
暫時攪掂左0的功課
之前做好左兩份Assignments
沉日交左一份
仲有Computer0個份未做過
Econ今日新鮮滾熱辣
不過, 唔知洗唔洗交
悶氣盡消嚕~~~
之前0的唔開心同擔心
呢家都無晒喇
講晒出黎俾你知
舒服晒!
呢家Sabi無唔開心嚕!
^_^
25/9 [Wed]
好耐都無Update添...
中秋節你地過得開心嗎?
我地去左黃金海岸呀!
其中, 我地見到一家人
哈哈, 個爸爸好攪笑
個仔又好攪笑
個爸爸叫個仔幫佢同個媽媽映相, 但係要映埋個蛋黃日落
之後, 個仔只係對住個天映
哈哈!
個媽咪又好好心機咁掛起晒0的燈籠
全場最有雅興0既都莫過於呢家人喇!
0個日我好開心呀!
又有Mickey & Minnie月餅!
又有驚喜!
多謝你!
^_^
雖然只有三個星期
但係我覺得好似已經過左成幾個月咁…
媽咪話, 可能我成日都諗住中秋節返0黎
攪到自己成日都掛住要等中秋節
所以先至會咁喎
可能係啦…
期待原來真係好辛苦…
但係如果你期待0既事情
並不如你所想就更辛苦了
>_<
可能呢幾日多野攪, 有0的心緒不寧
呢幾日又要跳舞
攪到無乜時間做其他野
又有幾個Assignment
遲下又有Quiz呀Test咁
無端端又有咁多野做
英文堂又悶到爆燈
呢家我好唔鍾意上英文堂呀!~~~~~~~~~~~~
學唔到野之餘又覺自己英文好似退步左咁
所以都有少少唔係咁開心
個Miss真係當我地英文白痴
唉~~~
>_<
今日我個隔離房一見到我就話我做乜今日面青青
之後即刻照鏡…
又真係無精打彩…
唔通太攰, 又抑或作病呢?
乜野感覺都無
大概可以係因為唔夠訓掛
今晚8pm就On Show啦
(祝福我0丫!)
我諗都無問題0既
次次一跳親, 我都好似上左身咁
之前見到上年宿舍0個朋友
問我今年有無跳舞
哈哈, 佢仲話叫埋其他朋友0黎睇我添呀!
突然間覺得好幸福, 好開心呀!
呢幾日, 唔知點解做咩都好難集中到精神
原來, 我可以因為一件事而無胃口
原來, 我可以因為唔開心而變左大食積
原來, 我可以因為跳舞而煩憂盡忘全情投入開心番晒~~之後又回復安靜的我
原來, 我係咁唔認識自己…
…你話… 我又點可以認識你…
好! 夠啦!
Sabi要回魂啦!
返來喔~~~返來喔~~~
如果唔係下次唔俾你返香港架啦!
... ... ... ... ... ... ... ... ...
Good! Sabi回魂成功!
俾心機上堂
聽日星期四, Business堂繼續答問題啦!
要醒神0的呀! 知0麻!
18/9 [Wed]
喂, 又有人叫我教跳舞啦
仲記唔記得上年宿舍內地生有個Party
叫左我教其中一Group人跳舞
今年, 又再搵我呀!!!
嘩, 開心呀!
不過, 就好趕
25/9就On Show啦!
因為時間關係, 怕教唔切
所以今次編0既舞都唔會好難
我都算係咁啦, 幾個鐘頭就編到隻舞!
估唔估到我編左邊首歌呢!
原本已經編左Twins0既"Ichiban興奮"架
不過, 編完至發現0個隻歌個結尾有0的問題
我唔想
所以即刻簡過第二首歌
就係Joey0既"一麵之緣"喇~~~
可能係因為今日自己0係度練左成半日舞
攪到有0的攰
所以去左午睡, 哈哈哈...
"馮"星期一, 四都有Business堂
星期一阿Sir又問我問題...
我已經0係度寫緊野架啦
明知0既佢, 哈哈
最好笑就係, 佢叫完我之後
自己0係度笑, 幾奸呀!
唔知道聽日...
阿Sir又會唔會問我呢...
唉~~~當住佢會先啦...
保佑我唔好答得唔好就得啦...
14/9 [Sat]
紙盒藏屍案兇手出獄~~~~?!?!?!
0下? 好驚喎!
(星島日報報道) “七十年代轟動一時的跑馬地紙盒藏屍案，被囚終身，但一直自稱無辜的犯人歐陽炳強，已在毫無風聲下獲釋。歐陽炳強是於本周一批准獲釋，翌日離開赤柱監獄，但未可即時回家與家人團聚，目前由警方安排於指定的中途宿舍居住。據釋歐陽是獲徵教署的刑期覆檢委員會了解期獄中行為及對所犯案件的悔意，認為他符合獲釋條件，故准其出獄。但據過往的釋囚條件，囚犯獲釋後仍受監管，在兩年內不能干犯任何刑案，兩年後覆檢委員會會審查其情況，如表現良好才會正式脫離釋囚行列，正式恢復自由身。”
哈哈, 今日同Karen去左珠海
Karen主攻外面
我就主玫裡面
哈哈, 我同Karen先至明架啦!
你地唔洗諗啦!
呵呵呵~~~!
我地約左12點等
一去到Karen就帶我去食Lunch
嘩! 一碗麵加埋野飲~~~
都只不過係8蚊乍!
雖然係好“Up Dum”
不過, 0的野食都算Okay啦!
上年都見過呢間野
但係, 都無去過
如果唔係Karen帶我去
我諗我都唔會去食, 哈哈哈!
因為我會覺得食完之後會唔舒服
不過, Karen話食過都無事
咁我就唔怕啦!
唔, 遲0的洗衫就無呢家咁方便啦!
出左Memo話會外判俾出面做
咁我地每個月就只可以有30lbs0既quota洗衫
如果唔係就要付款
唉~~~真係麻煩
沉日, 每層都有張通告寫話有Cheering Team參加
哈哈, YEAH!
我老本行!
正~~~~~!
唔知好唔好玩呢?
我都好耐無玩嚕!
Form1 0個陣就係Member
Higher Form就教喇!
哈哈, 諗番起都有好多野發生過
之前, 諗左好耐Join唔Join好...
心大心細咁... ...
又見無人填名, 又唔好意思寫自己個名落去喎!
最後, 我決定寫之際~~~
我發現有人已寫左第一個!
嘩! 佢個心口一定有個勇字呀!
之後我問人知道佢係邊個
我地都希望會開心好玩!
除左讀書之外都有0的攪作
我諗都唔會成年都係咁
應該有比賽要有Cheering Team先咩
哈哈哈哈哈哈哈…
久休復出0既Wasabi終於從出江湖啦!
13/9 [Fri]
Happy Friday! Yeah!
不過, 你地有無留意到
今日除左係Happy Friday之外仲係乜野?
係Black Friday呀!
你地好嗎?
我很好~~
聽日可以唔洗返學
可以訓多少少lu~!
好鍾意星期五呀!
Arm Arm去完Birthday Party!食左好多野
之前又落雨又打風
都無出過去
宿舍0的儲備都差唔多無
所以今日放學之後
我就去左入貨啦!
買完返0黎, 咁0岩撞到上年同一層0既宿舍朋友叫吳倩
傾傾下, 問我幾時去佢地間屋度玩
(因為佢地都搬左出去校外宿舍)
咁0岩, 今日係其中一個朋友生日~~智穎
(都係上年同一層0既宿舍朋友)
吳倩就叫我一齊去Join佢地
開頭我都有少少怕唔好意思
不過, 見今日得閒, 又星期五聽日放假
哈哈, 所以我上房放好0的野之後就一齊去啦!
上去佢地屋企之前, 我地去左買蛋糕
好平呀! 0個間野過左6點之後0的蛋糕就半價呀!!!
幾好呀~!
我地返到去, 壽星女未返
佢唔知我會0黎
開頭仲諗住呢0係佢間房
厄佢入房有份大禮物
然之後嚇佢添!!
點知, 我地唔記得山門
只係山左個閘
哈哈, 佢一望就望到我
攪到我都唔記得要呢埋嚇佢嚕
我地之後就食飯, 然後就食蛋糕!
哎呀!
講講下我先記得, 原來我地無唱生日歌呀!
哈哈哈哈哈哈哈哈哈哈哈~~~!
如果聽日好天無落雨
我就會同Karen去珠海嚕!
放心啦! 今次我會小心架啦!
咩番個袋0係前面
唔再俾賊人有機可乘
哼! 我唔怕你架!
12/9 [Thur]
Bye-Bye啦美儀!
小心0的呀!
唔好凈係識得掛住我唔記得讀書呀!
哈哈!
我會好掛住你架!
Take Care!
葡文終於攪掂好
YEAH~~~~
雖然唔係我本身想要0既時間
攪到每個星期四都無Lunch Break
仲要返8點放1530, 連續上5堂~~~
但係總好過唔夠科讀咁慘
如果唔係, 就好麻煩
好在呢個Time-Table只係一個Sem
終於可以鬆一口氣lu~~!!
我可能已經餓過頭啦...
唔講都唔記得我今日無食Lunch
都唔覺肚餓添...
等間食咩做晚餐好呢!
Business堂, 阿Sir又叫我答問題
又係唔洗諗, 好似知我座邊咁...
仲估佢上堂叫左我之後
今堂唔會再叫我
等我仲好鬼氣定神閒咁坐0係度
以為唔會叫我!
哈哈, 點知都係"跑不掉"~~~
真係好彩呀我!
都好! 佢有咁多學生
叫多幾次阿Sir實知我係邊個啦, 唔會唔識我啦!
哈哈哈...
今日上晝Add到科葡文
下晝我就去上堂Lu
0岩0岩去0個陣好驚入面無識0既人
但係一入到去, 我就見到幾個上年0的宿舍朋友
嘩~~開心到我0丫!
好難至撞到同一班!!
開心呀! 開心呀!
雖然上年都學過葡文
不過, 我覺得呢個阿Sir教得好似好0的咁
佢講普通話架
係個中國人
唔知佢改卷鬆唔鬆0既呢, 哈哈
如果鬆0的就好啦!
沉日, 8號風球之日, 並不易過...
好大風呀~~~
#1: 本來諗住去Computer Lab
實好多人會Online甘麻
不過, Computer Lab Close左喎
可能係怕俾雷劈中0的電腦掛
哈哈, 我都唔係好清楚
不過, 就好悶啦~~~
#2: 打風, 出唔到去買野做晚餐
咁就梗係叫外賣啦
但係,好衰架佢地
我地差唔多6點叫
等到8點半先送到0黎呀!
幾可憐呀!
又大風, 又悶, 又無飯食
#3: 沖凍水涼
一有大風, 一開熱水就會有煤氣味走出0黎
上年都係咁
咁又唔可以唔沖涼
雖然又無出街, 又無出汗
但係, 唔沖涼我會好唔舒服
一定訓唔到覺
所以, 我地只好沖凍水涼...
好鬼凍~~~
我地三個女個一齊去
哈哈, 佢地一路沖, 一路話"好凍好凍"
我就梗係無啦!
不過, 我就凍到痴左線
凈係識得0係度大笑
10/9 [Tue]
唔, 要等到聽日至知可唔可以Add到科葡文呀...
好麻煩, eeeee.....
如果Add唔到, 都唔知點算好
其他時間唔係唔得
不過, 只有呢班Perfect Fit我個Time-Table
求神拜佛
喂呀! 睇左你個HP知你今日會返學
放學仲去打波添!
0岩0岩病完唔好玩得咁勁!
又話要去幫小朋友補習
唔好咁辛苦呀!
如果唔係又病過就"大吉利是"啦!
香港係咪一號風球呢!!
唔知會唔會再掛更高風球呢~~~
9/9 [Mon]
嘩! 今日Business堂
阿Sir好順口唔洗諗就叫左我個大名~~~答問題...
好在, 好容易答
幸好我又無發夢
之前佢都要睇下個NameList
哈哈, 唔知阿Sir係咪攞左番屋企背呢!
911一週年~~~
你地覺得會唔會再有咩恐怖事發生呀?
...希望唔好有!
永遠都無!
一個電話, 一個口信, 一句祝福
唔係要有事起0黎先至做
平時都可以
只要你有心
From: RTHK-Radio2-風騷快活人
今日聽到一個我好想同大家分享0既一件事
我記得都唔係好多, 大概講啦!
有一日, 有個好心地0既人見到
一隻好可愛0既流浪狗
於是, 呢個好心地0既人就帶左呢隻狗返屋企養
養左一排, 咁岩有機會隻狗成為狗醫生
負責去不同0既醫院
將快樂帶俾每一位病人
本來, 呢隻狗只不過係一隻流浪狗
如果唔係因為好心人俾機會佢
佢好有可能之後一世都只係一隻流浪狗
(中間有0的唔記得)
所以, 人都係一樣
如果有能力的話
好應該俾機會其他人
又或者幫助一些有需要0既人
培育人同動物其實都可以話係一樣
都一樣要好多愛心同耐性
多些留意及關心你身邊的人吧!
^_^
講開狗...
今日去Library上堂...沿途有狗狗...
又係0係0個條斜路
離遠都見到隻狗狗
心諗: 好狗唔攔路喎, 細路!
停左0係度, 周圍望又無人, 又趕住去上堂, 點算!
等左陣, 有個女仔行落0黎
心諗有人陪, 無事0既!
不過... 原來佢都怕...
見有人上0黎, 隻狗仲0係度"文文"下咁
幣啦! 點行呀我! 腳都軟啦!
好驚架!
等多陣, 又有另一個人
佢好似無我地咁驚
哈哈, 跟住我就跟佢地行
好在未行到隻狗0個度
隻狗就好識趣咁行小路走左
好彩0乍! 如果唔係我都唔知點算好!
條路又窄喎
隻狗又"呀乍"企正中間喎!
不過, 最後都行到去上堂
無遲到!
7/9 [Sat]
自自然然, 7點幾醒左
哈哈, 到差唔多2點幾頂唔順
要小睡片刻
呢幾晚, 放煙花
我記得上年都係差唔多呢個時候有煙花睇
Boom Boom聲
好似行雷咁
5/9 [Thur]
唔記得去上堂...
呢家都仲係第一個星期
唔係好慣個Time-Table...
唔記得我今日原來係無時間食Lunch
但係好采, 正當我準備整野食時
突然記得, 哈哈...
不過, 就遲左15分鐘
好樣衰添~~~哈哈哈~~~
4/9 [Wed]
阿Bi今日好驚險
因為我要買0既野, 0係度買唔到
所以我只好一個人去左珠海...
去到珠海, 我唔記我咩番個袋0係前面
我慢慢行...
行得好慢0個隻
行行下, 有人0係我後面踩到我隻鞋
我覺得佢０個腳有0的野...
咁我回頭一望, 有個男人走開
之後, 我又覺得佢0個腳有0的邪~~~ ~~~
於是我就睇下我個袋
嘩! 一睇!
我個袋已經打開到大一大都無咁大!
好驚!
勁驚!
不過, 好采乜野都０係齊到
無唔見野
下次一定記得咩0係前面...
你地如果去邊道
都要小心0的!
有重要野, 一定要咩0係前面
一定要小心0的
唔好諗住光天化日, 日光日白
我今朝都好早, 12點都未到
0的行人都好似見怪不怪咁!
都唔知有無攪錯!
下晝, 我個Room-mate終於0黎左啦!
叫做司濛, From福建
同我一樣, 都係讀FBA Yr1
另外, 有個都係由福建０黎
住０係隔離房０既
佢個樣好似發左福０既April呀!
哈哈哈... 哈哈哈...
一見到佢就覺得好親切
一見到佢就諗起April
嘩嘩嘩∼∼∼
Betty! Betty!
驚喜呀!
You sign guest book!
謝謝! BeBe!!
3/9 [Tue]
喂喂喂, 沉晚我上床就訓著啦!
一覺訓到6點幾
之後再訓到7點幾就要起身0魯
想唔想知道, 點解我咁好訓?
呵呵呵! 唔話你知, 等你心思思!
Dinner我食齋呀!
我自己煮呀又
不過, 都只係用徵波爐
哈哈, 突然覺得自己好Healthy呀!
今晚有好多人同我ICQ呀!
好耐都未試過啦!
開心! 開心! 開心!
2/9 [Mon]
Mammy, Happy Birthday!
朝朝都8點有堂...
救命呀~~~咁早~~~
不過, 都好啦, 都算早放...
但係其實唔係放十分早...
唉, 遲0的再話個Time-Table過你地知啦!
有0的時間, 呢家都未可以定到
沉晚...好熱...訓唔到覺...
直到3點幾...ZZzzz...
今晚又唔知幾點至訓得著啦...
1/9 [Sun]
唔想返學呀~~~!!!
開學恐懼症後群...有病...