Sabi心靈雞精句：“不快樂、傷心、難過﹕是過程；快樂﹕才是終點！”

阿七，Happy Birthday！

最近Sabi唔係好夠正能量
上星期，可能有點壓力，突然多左負能量。。。有一晚練完舞，返到宿舍就忍唔住爆發左出黎，喊左陣。其實係有好幾件大大小小既事，加加埋埋先會咁，如果唔係都唔會頂唔順一次過。真係！壓力呢家野真係要舒緩，如果唔係就真係好唔健康！跟住同幾個朋友Share左之後，再沖埋過涼，就好左好多！所謂"當局者迷，局外者清"，佢地有d都講得幾岩，呢家無之前咁大壓力魯！因為朋友幫我化解左！！我唔可以俾d負能量纏身！長大既過程，就係要學習面對更多唔同既人或事！係好需要正能量架！！為左加強正能量，我要加油！俾心機讀書同跳舞，仲要好好教好Sonia既中文同英文！講起Sonia，佢俾左d泰國手信我呀！係香薰，仲有一條腳鏈同埋一個小象沙包！其實我都有買俾佢，不過，同俾你地0個d係唔同既，0個隻我買得兩份架咋！每次見到Sonia都好似可以咩都唔記得咁！好似一個良方咁！

畢業典禮
今晚係我地上年Join左0個個Dance Class既畢業典禮，所以一定有舞跳。我唔識去呀。。。練完舞佢地返屋企，我就等埋健哥哥，佢同我去！不過，係坐健哥哥架電單車。。。開頭都好驚，不過，見到佢架車好大架，後面仲有野i住，好似好穩陣咁，岩岩0個陣塞車，唔係開得好快。之後，就快左少少，因為我地遲左架啦已經，佢一開快我就要捉鬼住佢件衫，跟住佢就會慢返落黎。哈哈！0個陣即時諗起，Sammi0係夏日麼麼茶入面坐小齊電單車！好好笑！係咁拿住小齊件背心低衫條帶！之後，小齊一dum車，Sammi兩個手爭係咁芯落去，好好笑！我就梗係無咁啦，不過，諗起d好笑野。總括黎講，。。。我諗我唔係好怕坐佢車，第二個就唔知啦，哈哈哈！要試過先知！！！今晚有咩睇？有跳舞，有Model，有唱歌。。。之後唔少得就梗係有野食啦！！食完之後，就同小敏去左搵光仔，不過，好快我就走先魯，想早d返去休息。

Sabi心靈雞精句：“人生要不是大膽地冒險，便是一無所獲。~~~ 海倫凱勒講架！”

Sabi今日好勁~~去左Macau Tower玩左好多新奇刺激既野！
係我地學校學生會攪，好鬼低架！超級勁底玩呀！MOP$100就可以玩價值約MOP$300既野喎！哈哈哈！有﹕
空中漫步 (1次)
無敵天梯陣 (無限次)
天際飛狐 (無限次)
高低石牆攀爬 (無限次)
*空中漫步包括相片證書*
係咪好正呢~~~不過，我可以話俾你知，雖然佢俾你玩無限次，但係，你可能只會玩一次，哈哈！！

睇人玩，好似好輕而易舉，自己玩。。。不過今日玩得好開心！！
我次次行緊都好鬼大風，都唔知點行，好鬼驚，我都未試過咁驚！不過，呢種驚又唔同睇恐怖片0個d感覺，因為真係就咁好高咁行，當然有條繩扣住，不過，都係會跌！好在都無跌！哈哈。。。玩行鋼線0個時，一行就好鬼死大風，好鬼驚~~~停左大叫等人救~~~哈哈哈~~~超攪笑~~~要0個個人herher聲走過黎同我話﹕「唔洗驚！我黎陪你行，慢慢行就得架啦！」之後，就好好多，條鋼線就無旭得咁犀利。差唔多到0個陣，對面0個個人同我講﹕「就到啦！」我先行得完其中一條，因為佢係連續咁去，所以，之後仲有。。。過完一part又一part好鬼次激，但係，我每行完一Part都腳仔軟。。。0係0個度做野班人全部都係澳大生Part-Time，所以好有親切感！佢地好勁架，herher聲就行鬼晒~~我地就行得好鬼慢，蟻lan咁，哈哈~~~另外有一個係吊住條野就咁sir出去！0個個我坐左0係度好耐都唔敢旭，仲笑得好勁~~~ 因為驚到笑~~~ 真係好驚架0個個，我同佢話﹕「 你唔好推我呀！」之後，我就係咁坐0係度！唔旭！哈哈哈哈。。哈哈。。。佢都笑埋一份，因為，佢係咁數1、2、3，我都無理佢！佢有佢數，我有我坐係度大笑！哈哈哈哈哈。。。哈哈。。哈哈哈哈。。。呢度有條Link可以睇到我玩左d乜http://www.macautower.com.mo/tc/adventure/adventure_activities.asp#我玩石牆攀爬就勁lor！！我爬到最高，仲打到個鐘添呀！！！係咪好勁呀？！如果唔係下面有人幫都真係上唔到，不過，都唔係個個都得架！我仲係俾人拉左去少d石0個面爬，0個邊真係。。。我又手短腳短，都唔夠手長去爬，所以爬得好辛苦，但係黎到就梗係要盡力去how個鐘啦！所以咁就得左啦！但係就真係好累。。。落到黎都腳仔軟！空中慢步0個個就真係一d都唔驚，無野既都，哈哈。。如果你地有睇澳門非常遊，朱翁佢地0係塔出面行0個度就係，都係得個高字。雖然無欄杆，但係其實好安全。玩完呢個之後，我地又去踩可以望到落地下塊野，都係無乜野，仲跳左幾下，哈哈哈！

Sabi心靈雞精句：“生氣，就是拿別人的過錯來懲罰自己。”

周杰倫Poster！！&一個香港學生打電話俾我？！~~~Herman
今日，Esther俾左張周杰倫Poster俾我呀！我貼左0係牆度，都幾大張。係One2Free既Poster，Woooh！好正呀！！仲有無王力宏呀，劉德華呀，古巨基呀。。。既Poster呀！哈哈哈哈！等我可以點綴一下我間房！有d靚野睇！哈哈。。。岩岩有個又係由香港黎既學生打電話俾我，原來有野攪，所以就集齊d香港學生一齊Join埋來自其他地方既Exchange Students，10月攪個Function，係好似係International Day其中一個項目咁0個d野，詳細情況都唔係好知，要等Herman再打俾我！不過，唔係好知係邊個，但係我地交換左icq睇佢info有條Link去Photo Album，我都有少少認得佢，不過就唔識，可能平時行黎行去咁見過。

都唔知add唔add多科好
之前睇過本Study Plan，Yr3、Yr4有幾科Elective Course要讀，所以諗住呢家讀定先，讀到幾多得幾多，Yr4可以唔洗讀咁多讀。不過，今日去Student Web睇Accounting Major個Study Plan，見到佢講既Elective Course又唔係0個回事。。。聽日要打去問清楚先再決定Add唔Add多科。係呀，下個星期一開始要同番Sonia補習魯，好耐都無見過Sonia添，唔知佢有無唔同左呢！不過，因為我有3日都係放5點鐘，所以0個幾日就要5點半先補得，其餘兩日，Wed & Fri 就4點開始補。

尋日好乖乖，睇書做功課
都唔知係咪慣左，我7點幾起身之後，食完早餐攪lee攪low10點左右就眼訓，仲訓到成1點鐘，哈哈。。。之後就食Lunch同繼續睇書，之後就研究Account Assignment，我一d有關Account既野都未學過，又未教到就要做Assignment！都唔識做！都唔知Professor係唔係架，哈！攪到要自己睇完0個課書黎做，不過，好在都唔係好難，所以都識做，不過係有一題有一Part唔識做，最後用自己方法完成佢，等佢Balance就得，哈哈~~~做到2點先訓。點知今日交0個陣，成班都無幾個有做，所以Professor就話今次唔收住。。。真係。。。玩咩！但係，Econ就仲未睇過，阿Sir講得好快呀。。。今日開第3課，頭0個兩課都未睇！教得真係好快，唔睇返之前0個d真係唔掂。

Sabi心靈雞精句：“看別人不順眼，是自己修養不夠。”

尋晚個Show因天雨關係Cancel左
尋日橫風橫雨，個場地係露天，所以，要取消。不過，聽講話唔會改期，即係話成個野唔會再攪，因為Budget問題，已經用左好多錢，所以我地都覺得好可惜。除左Budget之外，我地都好期待呢個Show，一心想做好佢，比之前既表演做多左準備功夫。尋晚，換好晒衫化晒妝，乜都攪好晒，仲開始繼續一路等一路練。點知，接到電話話個Function Cancel左。。。即刻Depressed。。。可惜天公不做美，天意。細雨少少之後，我地就去左食粥，仲撞到個fd，哈哈！

小睡片刻
9:30放左第一堂陪Esther去左陣Book Store就返宿舍訓覺，12:30先再有堂，幾歹都返去訓啦！之後仲要由12:30直踩到5點！不過，今日堂Computer同Business Communication都Okay，唔會好悶，反而我覺得上Account堂悶悶地。。。可能佢講得快啦，我又無備課呢，哈哈！不過，連續上3堂，3堂都有書要拎，真係重到震！又要走去Library上堂，又落晒雨咁，今日真係有d狼狽，不過，好在都好有儀態，哈哈哈哈哈哈哈。。。聽講Mandarin Class已經Full晒，都唔知點算，我想讀到7科呀！呢家我Waiting List，希望有位入到啦！今日又見到周杰倫，哈哈哈哈哈哈。。哈哈哈哈。。。

要早d訓
日日都8點有堂，中間又空左成3個幾鐘，攪到5點先放學！今日上堂都有少少恰眼訓，但係又要聽，唔聽又唔識。。。訓多d先得~~~

I've got an interesting message
Aoccdrnig to a rscheearch at an Elingsh uinervtisy, it deosn't mttaer in waht oredr the ltteers in a wrod are, the olny iprmoetnt tihng is taht frist and lsat ltteer is at the rghit pclae. The rset can be a toatl mses and you can sitll raed it wouthit porbelm. Tihs is bcuseae we do not raed ervey lteter by it slef but the wrod as a wlohe.

Sabi心靈雞精句：“不與人相比，但求突破自己。”

掛住媽咪
唔知係咪因為尋晚發夢見到媽咪，定抑或係「每逄佳節倍思親」呢？今日下晝打過返屋企無人聽，之後再打都無人聽。。。到九點幾，我等緊跳第二場既時候再打，哈哈！原來媽咪今日好叻叻，去左上電腦堂！勁呀！今個中秋唔知有無月餅食呢？哈哈！不過，我知道屋企已經有月餅啦！！！我又要！！！如果，14號無Show我諗我都可能會返香港，除左因為中秋之外，仲會一大家人同姨公食晚飯做生日，不過，呢家因為有Show就唔返唔到，13號晚又有Rehearsal，我諗屋企人都會體諒我既！哈哈！來來回回d費用都幾係野，哈哈！呢家仲住Single Room，d Hostel Fee會貴好多，所以，為左Save都要！哈哈！等我收到拍左d野，就會俾屋企人睇，哈哈！

有個Security哥哥走黎讚Sabi跳得叻叻！
哈哈哈哈！好開心呀！我地差唔多走陣時，有個SeQ哥哥走過黎我度話﹕「嘩！你好犀利呀，我認得你呀！係你呀！跳得好好呀！跳得同d音樂好夾得黎呀！睇到我地都出晒汗呀！」哈哈，我梗係係咁講「多謝」啦！之後我話﹕「嘩！你做乜睇度出晒汗？！好熱呀你？」佢話﹕「唔係！係睇到好開心呀，好輕鬆咁lor。。。」我心諗，你又話好輕鬆，但係又睇到出晒汗咁，我覺得佢講得好好笑！哈哈！！不過，走個陣，有個Partner同我講﹕「喂！Sabi，我見到你跳得好High呀！跟住攪到我都High埋，不過，我想好似你咁High就甩左啦！」哈哈！有Show梗係High啦！又可能係快歌勁舞掛，係易High d既！每次我都好Enjoy係台上為觀眾表演既感覺，仲有完場既掌聲！好有滿足感！係呀，宿舍有朋友有去睇我第一場，不過，佢地遲左，我地又趕去跳第二場，真係可惜！但係，仲有機會既！我地會繼續努力！係呀，我已經收到你地回復既Mail！每封我都有再回復你地架！多謝你地精神上的支持！多謝！多謝！多謝！

Sabi心靈雞精句：“當你和你親近的人吵嘴的時候，試著就事論事，不要扯出那些陳芝麻，爛穀子的事。”

10/9有Dance Show！！
頭先我地勁練，哈哈！練到都唔知時間，一睇個錶先知原來已經11點3？！要即走啦，太夜啦，如果再唔走我就無車返宿舍。哈哈！10號，即係後晚，我地會跳兩首歌。因為我地走兩場，830pm跳完一場兩首歌之後，就要即走去第二度再跳兩首！哈哈，即係跳四次！好開心呀！！真係好似d Artists咁要趕場，哈哈！好好Feel！ ^0^ 14/9、4/10、18/10都有Show！好鬼HIGH添，哈哈。。哈哈哈。。。我地會繼續努力！唔知點解，一開始練舞，我就好自然唔想停、係咁Repeat Non-Stop咁Play首歌，對我黎講，跳舞就好似同自己充緊電咁，哈！

Time-Table好騎哩。。。
唉，今日Enrollment，不過，自己Plan0個個Time-Table班班都Full！得返一班兩班俾你簡！所以，攪到我Day Day返8點。。。星期一、二、四仲要放5點。。。之後就要補習，如果有Show，就要排舞。。。真係怕無時間做Assignment同溫習。。。「時間」真係要好好編排先可以好有效率咁利用！仲有呀！我Take唔到第7科呀！！！唉！第一堂要去0個班搵個老師俾我Add。。希望阿Sir肯俾我Add啦！！我想快d讀晒d Free Elective！Sabi，唔可以掛住跳舞而攪到成績唔好！！！雖然可能會有難度，不過，Sabi一定要加油！加油！！加油！！！

Sabi心靈雞精句：“請珍惜自己的工作，你不是最辛苦的。”

關心妍
聽日個Show唔出魯，不過，就去做觀眾睇Show。 其實呢個Show係出面既Singing Contest，關心妍係表演嘉賓。雖然呢次出唔到，不過，Boa隻Valent都要繼續排，因為10月18號要呢隻，我地做壓軸添呀！哈哈！開頭練到無乜Mood，有d唔想排呢隻舞，因為d拍子都幾難捉，又要夾埋動作，所以有d難度。不過，一聽到有人請我地做壓軸，嘩！簡直係一個好好既Motivation啦！好在仲有d時間俾我諗點跳，今次我唔會偷懶架啦！！頭先我係房重頭再排過隻舞，呢家排得1min 1X sec，首歌成4mins 24 sec，要識晒都仲有排！哈哈。。。除此之外，我地九月、十月都有幾個Show，但係，我地諗住跳返d舊歌，因為其實都幾趕急，呢家又開始要返學，同埋幫Sonia補習，無咁多時間可以排新歌。

攬眈
尋晚去買左個攬眈，其實佢係一個眈頭，不過，我用黎攬住訓，哈哈，$10咋，係咪好低！等間，會去買鋪地下一塊塊個d膠，咁我係房就可以唔晒著Tall鞋，坐地下都得啦！有時發下癲又可以係地下做Yoga！Yeah~~~

掛住，掛住。。。
雖然過左黎幾日，又唔係第一次過黎，又有同d朋友出街，但係都好掛住屋企，之前仲日日打俾媽咪，有時仲一日幾次，哈哈。。。有一次媽咪仲話我﹕「喂，做咩呀你，好悶呀？！」哈哈。。。唔得啦，唔好打咁多次啦，如果唔係無$$再打啦！

Sabi心靈雞精句：“一個人的快樂，不是因為他擁有得多，而是因為計較得少。”

媽咪！生日快樂！！Happy Birthday！！
諗起尋晚叫媽咪切蛋糕，自己講錯野，哈哈，我已經即刻收聲，連尾音都咬利即收，但係竟然俾媽咪聽到，之後，我地一齊講「大吉利是」，哈哈哈！MaMa I Love You！

8號風球
今日個台風好快就會到香港，所以，我早d離開香港，因為怕遲左過去就麻煩。到步後知道香港好快就掛8號，好自然會諗到好多人趕坐車返屋企既情形。我梗係有打返屋企問下情況啦，返緊工既會早放，未返既就唔洗返，哈哈，益左你添細佬！

好多塵，又有蜘蛛精，有隻大大地。。。
我到學校就即刻去羅宿舍，係咁抺！係咁抺！係咁抺！兩個鐘頭攪掂晒！比我想像中快！不過，我絕對無馬虎了事架播！呢家住SingleRoom第日有咩蛇蟲鼠蟻彈出黎我一個人點算？！？！我絕對唔容許有半隻小強出現！！！所以，我勁用滴露抺。又因水少濃度太高，驚死唔夠勁咁，抺抺下隻手就開始拿拿地，之後勁用RunningWater沖，無咁痛就繼續抺！不過，仲有達地未抺，因為一入到房見到個地好似打左立咁，應該都幾乾淨，所以就無Tall，等埋聽日去完Karen度羅返晒d野過黎先再抺地都唔遲，因為仲有大把野未拾！ >0<

正在努力正能量！
朋友們！快給予我多些正能量！！

Sabi心靈雞精句：“『滿足感』不是來自滿足於你想要的，而是了解到你所擁有的是那麼多。”

九月一號魯，個個都要返學魯
呢個Summer蝕晒啦！點解？梗係啦，Summer又遲左放，跟住呢家1/9係星期一！如果，1/9係星期四或者星期五咁返一、兩日又放星期六&日啦！係咪！其實我10/9，星期三先開學，哈哈！不過，只係戥你地唔底，尤其係小學生！個暑假已經遲左，呢家開學仲係星期一。。。但係，計我話最唔底係幼稚園學生，佢地就好似無放過暑假一樣，因為幼稚園到八月中就開學，咁又因遲放Summer，所以，好多小朋友其實只可以放得一、兩日，有d甚至話無得放添！！

小學生點算？
尋日睇電視講大澳有好多鄉校都要關閉，因為每班既學生人數唔夠教處所訂下既人數，加上政府資助有限，所以，被迫關閉。可惜既係，其中有一間鄉校係大澳第一間小學，好有歷史記念價值。難得既係，師生們相處和諧，就好似屋企一樣，我就咁賜電視都感受到佢地既溫暖。可能，因為學生人數好少，每班都係得十個左右，有d連十個都無，所以，都有試過為左折減人手及開支而將四、五、六年班夾埋一班黎上。到學期尾，一d比較壞既學生，都識得收心養性希望有好成績，並將金髮染黑以保學校聲譽。小小年紀都識得咁諗，確實係有點恩惠。一講到學生快要關閉時，師生們都忍唔住眼淚，就連平時愛搗蛋既學生都肅言起敬，略顯無奈。最後一次收成績表，有一個學生即使唔合格，但已有很大既進步，雖然由以前十幾分到呢家都只係得五十幾分！但係我就覺得，好似由五十幾分到九十幾分咁難，如果識咁樣諗，其實，呢個學生真係已經很用功啦！看到學生有呢個轉變，的確令人鼓舞！最後，我好鍾意有句說話係由一個比較低年班既男學生所講，而呢句說話如果由一個大人講出黎係會無左一份震撼力。男小學生說﹕「。。。我地要俾個政府知道，佢要收番我地間學生係錯既！」