26/9 [Thursday]
Sabi心靈雞精句：“咩咩咩偷得咩咩咩半日閒... 真係唔記得果句係乜但係好想講呢句...”=_="
捉戴嘉 忠抽折塊落!!!
訓左10個鍾!!!! 10個10個10個, 係10個鍾!!!! 好耐未試過!!! 跟住差d唔記得約左人~ 出左去之後買到想要買既野~ 真係好~ 食埋個美味既下午茶, 呵呵呵~ 行多陣就回家拼駁... 我要繼續加油!!! 嘻~ um... Andrew都係, 你都要努力加油!!! 支持你!!! 不過, 要記得飲多d水!!! 大家都要好努力加油!!
凌晨4點幾收到個歷名空白短訊
... =_=" 以為我呢度係903果個"有誰供嗚"牙? 係就send錯啦... 應該send去 "50881903" 快d幫下人啦~ =_=" 真係好想知係邊個... 個電話號碼同一個對我黎講都幾重要既朋友仔好似, 只差尾尾兩個number...
23/9 [Sunday]
Sabi心靈雞精句：“時間真係好寶貴!”
好多事做呢排... 星期六日都唔得閒... 無時間慢慢打日記... 都有野想講架, 儲埋成個星期都無寫... eeeee... 唔制呀... 呢家都係係咁E寫兩隻字咋... 幾時先追得返d時間呢... 好多野未攪掂呀!!!!!! >.<
13/9 [Thursday]
Sabi心靈雞精句：“沒有帶任何東西來訪這個世界, 沒有帶任何東西離開這個世界!”
舞動全城
唔洗講, 呢套野一定會睇!!! 做到跳舞果d, 仲睇得好入神, 尤其廖碧兒跳舞既時候! ^-^ 係喎, 講開dance, 果兩首歌已經埋左尾, i mean 已經跳晒成首歌啦果兩首歌都, 呵呵呵~ Modern dance首歌就未完, 因為教得好慢, 同埋好多時間用左去勁拉筋壓腿一字馬果d~
不能說的祕密
好睇! 睇前, 有兩個fds分別同我講 "Sabi我估你唔會喊的" & "Sabi我估你一定會喊" >>> 答案係... 嘩, 我睇既時候真係估到d野, 不過, 唔sure係咩, 但係知道不沉常的, 嘻嘻~ 都算睇得okay仔細架我!! 最後咪知道咩事lor, hohoho! 個story都okay good架, Jay做埋導演, story originated from Jay~ 成件事都好似read緊Jay's mind咁, 原來佢都幾浪漫架喎諗d野!! 今日上網搵到"Secret"個琴譜, 哈哈~ 跟住黎彈, 係咪真係得架? 講起上黎, 我仲未彈"Way back into love"比Bon, 加埋呢首"Secret"先, 即係有兩首歌要彈~ 其實今日仲無意中搵到一個琴譜, 係台劇入面既歌, 都好好聽架, 果時諗住聽多幾次, 熟左之後彈返出黎, 呢家唔洗啦, 網上有琴譜, 呵呵呵~~~ 講返"不能說的祕密"先~ Correction pen果part我好驚, 睇到起晒雞皮; 講到小雨既事, d眼淚浪浪下, 未流; 最後, Jay彈琴拆樓, 嚴重的淚汪汪; 到達小雨課室, 淚如雨下!!!! :p
睇戲果時, lor左兩盒糖出黎, 走果陣, 無lor返... >.< 兩盒糖...
7/9 [Friday]
Sabi心靈雞精句：“基仔, 我愛你!”
古巨基The Magic Moments演唱會
頭場~ 嘻嘻~ 以舞台劇既型式開始, 都做左一段時間, 第2,3幕有d花花草草咁, 果part最鍾意啦, 因為有綠色既草, 果d係人黎架~ 哈哈~ 之後, 就有女主角出現, 當然係dancer黎架啦, 好羨慕喔~ 哈哈~ um.. 今晚既嘉賓有: 側田, 方力生, 一個唔知咩咩咩, 一個唔知咩咩咩(但係佢個口好勁, 一個人整對band出黎果隻), 小肥(唔低得佢咁快有得入紅館, 雖然佢係唱得), 周慧敏; 坐係度睇既有: 陳柏霖、傅明憲、傅穎、楊愛瑾、張秋(即Harry Porter入面個張秋)
次次睇演唱會, 除左睇想睇既歌手之外, 仲會睇埋d dancers架!! 好好睇~ 唉... 好想有得以跳舞為職業, 嗚嗚嗚, 好想好想~ 今次基仔咪會跳舞既, hahahahahaha~ 簡直係驚喜呀, okay架~ 一開頭就跳d簡單d既: 呢part就有少少攪笑, 用鼓聲親托, wowowowowowooah!hahahaha~~ (係咪唔知我講乜?) 之後就跳hip-pop~ 睇得出學得好努力先有今日既水準, 哈哈~ 跳得好得意, 你幻想下唔係跳開舞既人跳舞咁lor, 唔係笑人架, 基仔咁得人鍾意, 就算點跳, 佢都係咁得意, 嘻嘻嘻~~ 之後, 仲唱埋Aaron首咩咩咩, 呢~~~ 唱到最後係 "Generation Next" 之後第起隻腳果首歌呀~ 哈哈~ 基仔都有第起隻腳, 都估到基仔會架啦, 哈哈哈~ 仲擺多幾次比人映相, kakakakaa~ 唱到差唔多尾尾呢, 基仔唱"愛回家"喎, 基仔一開口就喊... 唱唔到... 見到基仔喊我又喊... =_=" 基仔喊完我又喊完lor, hahaha~
要讚下基仔同dancers~ 基仔尋日排show直到今朝6點先走, 之後, lunch就已經到左紅館再繼續排, 真係... 心痛嚕... 基仔一定好累同好眼訓~ 可能因為尋晚第一場, 見到基仔行錯位, 哈哈~ 跳舞果part都好好睇, 尤其教基仔果part舞個老師同基仔一齊跳果part, 個老師梗係跳得正啦~ 好正!!! 好好睇!!! 成個show既dancers個個都要讚啦, 哈哈~ 唔可以唔讚dancers!!! hahahahahha~~~ 讚!!!!!!
今晚要發返個好夢先得!!! 嘻嘻~~ ^-^
2/9 [Sunday]
Sabi心靈雞精句：“雖然每位舞者都跳著同一旋律節奏舞姿, 但只要用心去看, 你便看到總會有一丁點的不同, 那就是個人風格!”
跳舞大過天!!!
今日dance得okay fine~ 不過, 唔知點解達地好線, 攪到跳得好辛苦... 好線.. 企唔穩.. 哈哈~ 真係好線~ 跳完舞返家, 沖涼出黎, 睇到電視講緊無綫新劇 "舞動全城"!!! 即刻睇呀!!! 朋友見到電視做緊即刻諗起我, 哈哈, 好開心呀 & 問我有無睇~ 梗係有睇啦~ 見到佢地練舞都好開心啦我~ 佢地好努力呀, 同埋有得咁大班人一齊學, 一齊跳~ 真係好開心!!!! 好羨慕喔~! 好期待睇呢套劇!! 10/9 [20:30]!! 有黃長興, 唔知有無黃長發呢~ 佢兩個講野, 都好得意, 哈哈~ 仲有要睇馬俊偉同吳家樂, 兩個大細路, &靚女廖碧兒, kakakakaka!!! ^0^
頭先睇笨占, 好好笑~ 尤其係打針果part!!!! 哈哈哈~ 占一見到支針就向後, 反埋櫈添, 成個連櫈拍一聲達左落地, whhahaha~ 之後磁力共震果part又好攪笑喎, 係咁扒走... =_=" 今晚集森之愛情唔好睇既~ 悶~ 最後睇埋交響情人夢, 越睇越覺得千秋靚仔~ PS:原來換換愛台灣今晚先做chp14, 但係我已經睇到chp15 (last chp)... 神奇...
1/9 [Saturday]
Sabi心靈雞精句：“突然好想感恩: 雙腿除了可走路, 還可跳舞!”
5星高級大老鼠
9點半, 小彬打黎話已經到左, 哈哈哈, 我仲未換衫lor~ 睇10點之麻, 咁近, 換埋衫之後10點前已經落到去嚕~ 踢拖落去睇戲, 個look勁街坊, 哈哈~ 加埋個岩岩訓醒既樣, 真係難以想像... =_=" 套戲quite funny~ the rat is really a great chef! What interesting is the way how to control the boy, hahha.. it's like playing a puppet~ 之後去左兩個地方... 用行的... 早知著鞋, whahahaha~ 最後坐返車過返去睇戲果頭食lunch~ 點知落車果陣, 小彬比我行先, 仲加多句 >>> "你行先, 你遲鈍呀" =_=" 以為佢咁好死讓我行...
1字碼
今日一落果陣, 順過上堂好多~ 不過, 今堂拉筋拉到腳都段... 跳舞之後, 同kitty & 小花去左鋸扒~ 個野炸炸聲, 果間去左第3次啦, 哈哈哈~ 3次都係食同一樣野~ 希望小花都會join返同一個班啦, 不過, 我估佢好大機會唔會~ 條腿... 估聽日會痛... 哈哈~ 聽日仲要跳舞~ "正晒" >.<
比阿B話我白痴... 哈哈~~~ 原因係我叫佢知足, 之後佢就話我白痴and then講左一大堆理論 =_=" 真係多謝晒...