28/9 [Sunday]
Sabi心靈雞精句：“咩都唔食得啦呢家, 點算好呀!”
|
早左少少返去, 諗住可以練一下, 因為次次一去到都唔係好記得, 堂前最好試下, 但係最後等到齊人都已經要開始上堂啦, 哈哈哈~ 有個動作成日都miss左, 激死, 又無啦啦跳跳下跳左唔知咩出黎, mix埋左d steps ~.~ 星期日我上果班初班, 好似無咩人參加個觀摩咁, 以為果班既人都會好踴躍添! 點知好似得好少人參加, 其他班好似就都有多d人~ kekeke~ 中班落左堂等上初班既時候, 阿Sir攞左古古力出黎, 就係呢張pic! 係咪好似膠布呢, 其實係古古力黎架!Thank You Sir! |
7點幾, 同Maggie仔&May食完飯之後, 就去攞場練野~ 同Maggie仔又一次過跳晒4首歌, 到到Break the ice果陣就到May出場, 果時, 我同Maggie仔就真係攞正牌休息下, 哈哈哈!! 為左要收腰, 3個一齊好努力咁做風火輪! Maggie仔好犀利, 做左好耐, 又做得快, 都唔暈; 我同阿May, 做做下一齊同時企唔穩, 退後幾步咁~ 仲有呀, 起返身, 暈到我呢~~~~~~ 即刻Jo飽上身:"歪晒既!! 做乜.. 真係歪晒架喂!" 哈哈哈, 好好笑!
有個fd, 遇到d事情好唔開心呀!真係黑起有條路... 放心啦, 等我呢個傻婆tum你開心笑啦!! ^^
22/9 [Monday]
Sabi心靈雞精句：“無聊人 請離開!”
比人讚 進步左
呀! 唔係進步左, 係進步左好多!!! May仲同我講話我越跳越好添呀!!! Hei同咖哩都話我進步左!!! 呵呵呵~ KEKEKEKEKE~~ 好開心好開心好開心呀! 不過, 覺得呢排身體易攰左, 開始無之前咁有力咁, 乖乖地比心機練舞練體能!! 仲要溫習 =_=" 勁掃興 早知呢個試唔報住, 呢家係度晒錢! 講開錢, 果炸Lehman Brothers投資者都幾慘, 無晒d錢, 不過, issuer好似會buy back, 不過, buy back都有limit, 所以都要睇下好唔好彩~ 最唔好彩都要講飲過三聚氰胺奶既B!!!! 點解d人可以咁無良心, 咁黑心, 果炸B前世做左好多傷天害理既事咩? 咩事要攪到dB咁慘! 明明飲奶係正面野 =_=" 我諗過架啦, 如果我呢一生, 唔飲奶, 唔買股票投資, 我諗我既人生應該可以平安少少 =_=" 呀, 仲有, 傷害我既人, 唔該請遠離我, 萬二分感謝~
係喎, 打風, 聽日會掛8號! 又可以早放工! YEAH!
21/9 [Sunday]
Sabi心靈雞精句：“Jo飽: 慒佬!慒佬!慒佬!” >> 哈哈, 好得!
大結局: 好行, 勁行, 衷行... "你聽到未呀!"x3
其實無睇好多集, 今晚睇大結局但係估到晒d劇情咁=_="估到家美會反紅; 估到于素秋會比果5X%股份比Jo飽+荷媽; 估到于素秋會同管家仔一齊; 估到阿卡唔會死... 大團完結局~ 真係唔知道, 有黎耀祥份, 更唔知道原來有斯琪妹份, 哈哈哈!!! 真係要由頭睇返下~ 講下d野食先, 第一張係類似者梨既野Peach味, 都幾好味, 但係都幾貴, 十幾蚊得6粒左右, 在百佳買的; 果個係MosBurger, 無我想像中咁好食, 仲有個著條同埋炸蝦, 真係無乜特別>.<高估左! 哈哈~ 有一日未齊人, 我映左個Dance room, 相中見到成個人果個係我, 見到少少黑色邊邊既係Maggie仔, 哈哈哈!!! 呢個場窄左dd, 睇塊鏡就知, 得個深字=_=但係個冷氣就好夠, 哈哈哈~
19/9 [Firday]
Sabi心靈雞精句：“家好月圓金句:有事唔洗驚, 苛媽係大廳!”
無飯食
去左買M記, 入去果陣見到幾個死飛仔, 又嘈又扮晒屎咁, 我都廢事理佢地, 整個惡樣出黎, 買完就走! 我又大食, 食左個Double Cheese Burger Meal + Chicken Wings X4 ==> 多唔多呢... 睇黎我個肚腩與我常在~ 呢2日要跳多d先, 跳返走個burger & chicken wings!! 仲有, 今日搭車返家, 聽到個男人大大聲講電話:"都唔知有乜好睇, 晚晚都家嘈屋閉, 同套野個名都唔同..." 講緊既係家好月圓, 我心諗, "唔知有乜好睇"你又睇!!!! 都唔知你睇乜~ 星期六日大結局, 星期日仲一次過做2集添!! 不過, 我諗我之後會由第1集睇返, 哈哈哈~ 好多野要睇~ 又籃球火, 又不良笑花, 又家好月圓, 哈哈哈!
尋晚練左手側手播, 因為左手打唔到, 右手就無問題, 所以就要練下左手, 但係, 一起腳就拉親個右邊petpet肌肉, 痛到呢~ 要停晒成個人! 唔好比壓力果個位!! 未好返之際, 就要跳Shakira!!! 返家都仲痛緊, 返到家都仲痛緊...
15/9 [Monday]
Sabi心靈雞精句：“真係人月兩團圓, 我個人就真係有臀肉!!=_=”
 
|
無聊地用photoshop畫左個B樣, 不過, 用Mouse好難control, 畫畫下, 好唔掂=_=" 明明係一個B, 畫到好似個阿伯咁... 真係唔該晒... 哈哈哈~ 下次用紙筆畫~ 被三廘影響到既果d小朋友, 好慘好無姑, 攪出呢件事既人, 真係要拎去打把!!!! 籃球火~~~~有無人有睇籃球火, 小豬好好笑!!!! 哈哈哈哈哈!! 熱熱下身, 跳起舞來; 贏左波, 成team又跳起舞來! 小豬有好多攪笑野!!! 我睇到第6集左右~ 快d睇!! 遲下我會開始睇另一套, 叫"不良笑花", 楊丞琳做, 睇左少少片, 又係好好笑的, 不過, 見岩岩做, 唔睇住, 等做多幾集先, 如果唔係要追, 好辛苦的, 做多幾集, 我可以一次過睇幾多都得, 唔洗等~ 今日平日, 好少可在家, 17:15睇左TVB做叮噹!好滿足~ 呀, 仲有! America's got talent has already finished. And, the coming Sunday night would be the new season of America's next top model. YEAH!~ |
13/9 [Saturday]
Sabi心靈雞精句：“誠徵極速減肚腩妙法!!!!!!!”
個肚腩仔唔該彈開
試左踩屎件衫, 其實都唔可以話係衫, 係肚兜, 好靚, 見到個條腰同個肚, 因為我地果隻舞重點在條腰度, 所以都要show條腰出黎先好睇~ 所以, 見到好唔想見到既肚腩=_="點算... 要極速減肚腩!! 但係我唔會唔食野囉, 會死甘麻, 我先無咁蠢! 做多d扭腰先得!!! 諗返有一次跳, 有partner果part, 小燕在我前面, 一開始個動作, 小燕比我個肚腩頂左出去, 哈哈哈, 好好笑!!!! 即刻笑 "食飽左"!!!!! 哈哈哈哈哈!!! 所以, show果晚一定唔可以食咁飽, 一係就早d果陣食多d!!! 哈哈哈! 要快d去買野返黎整, 一係睇下有無現成既, 岩唔岩用先! 其他舞既衫未confirm, 但大概都知知地大約會係點~ 無時間去搵去買, 點算, 個exam真係死得, 書又未溫晒, 3分1都無, 真係大獲, 唔炒就奇=_="
傷殘人士奧運會
唔睇真係唔知道, 原來有以下比賽項目: 排球(坐地下打, 要走動就用手, 個場細d, 個網矮d, 其他大致一樣); 乒乓波(坐輪椅打); 手球(坐輪椅打); 籃球(坐輪椅打); 網球(坐輪椅打); 單車(用手攪動)~~ 睇到, 真係覺得, 佢地比起其他人做同類運動更犀利, 更值得尊敬!
7/9 [Sunday]
Sabi心靈雞精句：“唔好同我講投票果d野, 一個都唔識, 唔知佢地做乜, 唔知佢地有乜用, 唔知選黎做乜, 選唔選都係咁~ 無興趣參與~”
今日上堂係咁跳跳跳, 好開心呀! 跳到缺氧, 再呼吸, 好似好清新咁! 將體內毒素呼出呀! 哈哈哈!!!
上2堂, 體能都幾重要, 唔單止要練基本功, 要練好d舞, 仲要練體能!!! 要唔要話食d咩先得既呢... 要練下體能先得, 如果唔係跳跳下無力, 咁就唔好睇架!!! 唔想跳到軟手軟腳無力咁~ 加油!! 好開心, 呢期2隻上堂舞, 都好似都記得多左咁, 唔通記性好左??? 哈哈哈~ ^^ 係就好啦!! 今日, 上完堂就返左家, 沖左個梁, 食左幾件雞雞就再去跳舞, 沖左個梁仍然都仲係覺得自己好臭咁, whkakakakakakkaaa!!!! 原來我地果Group得3個人去咋!?!?!? 見到Cat & Grace跳佢地首日文歌, 一開頭係咁游水果part, 單腳好耐, 犀利!! 唔知點解呢, 見到佢地練, 我都會鄧佢地開心架!!! 哈哈哈!! 熱身果陣, 我忍痛係咁壓返個一字出黎, 壓前壓後,壓前壓後, 壓前壓後, 努力努力!! 明顯地落低過尋晚架!!! 有dd成績, 不過, 梗係覺得下次練又會壓唔返咁低... 攪沙就硬係唔夠smooth咁, 好似比個地下食住左對腳咁, 定係我攪得唔夠快, 不過, 其實唔夠smooth都已經=慢左~ 嗚嗚嗚 >.< 得返2個月都無, 練好d呀要!!!! 我地幾個除左練特務J, 都有練埋舞林群英, 踩屎(Sakira), Break the ice~ 唔好晒左個場同埋時間! 同埋要習慣下, 一次過跳幾首既體能, 我要加油努力!!! <練踩屎>: 咁樣講, 好好笑! 哈哈!! 上個星期尾超眼訓, 除左跳舞, 自己仲有其他野攪緊, 一時間太多野, 先會咁, 有少少累, 星期五晚訓到第日, 好似都有10個鍾以上, 訓到個人都累左, 真係要訓返多d, 早d訓~ 不過, 累果d野, 訓返就無事既, 哈哈! 飲完奶去訓就最正, 一教真係可以訓到大天光架!!!
6/9 [Saturday]
Sabi心靈雞精句：“最憎人講大話, 厄人or唔坦白!”
9月開學, 已經唔關我事嚕, 食好野就關我事, kekekke!!!
呢排又食左d野, 同叉包去左龍華 & 食SushiBuffet:
龍華>>食乳鴿+雞粥+豆腐花: 乳鴿其實just okay, $68好貴, 因為我在深水埗飲茶食過, 係就係再細隻少少但多肉過龍華, 都好似係$1X~$20都好味, 龍華... 3倍價錢 =_=" 個雞粥... 我食到有隆味 =_=" 唔掂... 不過, 個豆腐花加返d分, 本黎都幾full架啦食到, 不過, 我又鍾意食豆腐花喎, 果度坐都okay舒服, 又有電視睇, 抖左陣先叫豆腐花~ 個豆腐花好似糖廟咁用個桶上, 仲有糖係用桂花加埋落去整~ 好好味!!! ^^ 鍾意食豆腐花!!!
再黎就係Sushi Buffet@吉壽(Central)>>我地食果晚貴左20蚊, 如果,日至三去就會平20蚊>.<呢家2個人貴左40!!! 勁食3文魚!!! 吞拿魚都食左唔少~ 另外有個唔知咩醋魚, 好似咸魚咁味, 不過, 都幾好味~ 叉包好似好鍾意食呢個咁, 哈哈~ 不過, 好細件~ 仲有食左鰻魚壽司, 不過, d汁好似唔夠咁, 比得好少~ 天庫羅就唔係好得>.< 食食下, 息晒燈喎!!!! 咩事呢, 原來有人生日!! 播生日歌, 仲送個Sushi盤比個壽星女, 仲有個蓮花candle! 幾開心喎!^^ 上Open Rice, 話收card, 仲諗住簽埋有禮品換, 點知.. 唔收card, card機壞左... >.< 要落街拿錢~ 不過, 間野有少少厄人錢: 明明1個成人=$178 > 2個:$178*2=$356 > 加左1:$356*1.1=$391.6!!! 但係佢張單收我地$392!!!!! 已經加左1, 仲要厄人$0.4! 0.4都厄!! 勁無品!!!
^^ 你睇我地幾豐富!!! ^^ (右:厄人0.4的)
September 2008 Schedule Sunday Monday Tuesday Wednesday Thursday Friday Saturday 1 Dinner@龍華 2 3 4 5 Sushi Buffet 6 7 8 9 10 11 12 13 14 15 16 17 18 19 20 21 22 9pm~11pm: 23 24 25 26 27 28 29 30 9pm~11pm:
Chicken Legs
+
9pm~11pm:
Dance@CWR
(EO2)
9pm~11pm:
Dance@TKW2
(Shakira+EO2)
@Central
7pm~830pm:
Dance@TKW
330pm~530pm:
Dance@TKW
+
8pm~11pm:
Dance@HMT(EO2+J)
9pm~11pm:
Dance@TKW2
(Shakira)
7pm~830pm:
Dance@TKW
9pm~11pm:
Dance@TKW2
(Shakira)
7pm~830pm:
Dance@TKW
330pm~530pm:
Dance@TKW
Dance@WTS
(EO2+J)
9pm~11pm:
Dance@KT
(Shakira)
7pm~830pm:
Dance@TKW
330pm~530pm:
Dance@TKW
+
7pm~11pm:
Dance@KT
Dance@CWR