Because of Ryuichi

~人物介紹~

緒方龍一:中四學生,個性好動,鍾意講笑,好鍾意串樂兒

阿俊:同龍一由細玩到大,係龍一既知己

樂兒:中四學生,情緒化,但係都算樂觀派,成日同龍一鬥氣

淋淋:中四學生,樂兒死黨,同樂兒咩都講得

阿鋒:樂兒小學同學,亦係樂兒小學暗戀對象

~第一集~

lunch既鐘聲響起……..

淋淋(好趕咁):樂兒呀!我地今日去邊度食lunch好呀??

樂兒(冇乜主見):冇所謂啦!我食咩都得既!

淋淋(好冇癮):次次問親你去邊度食野都係咁答架!

樂兒:咁我又諗唔到,我又怕我講左你唔岩食喎!

淋淋(諗左陣):街口好似開左間新既車仔麵檔呀!不如去試下囉!

佢地邊傾邊行,話咁快就行到去間車仔麵舖…….

伙計:小姐係唔係兩位呀?唔知介唔介意同人一齊坐呢?

樂兒:唔緊要啦!(樂兒離遠見到龍一,就問下個伙計)唔該,我地係唔係坐個張呀?

伙計(望一望):係呀!橫掂你地同一間學校,唔緊要啦!

龍一(食食下麵,見到樂兒坐左係自己隔離):樂兒!乜咁岩呀?你又黎食麵呀?

阿俊(阻止龍一同樂兒既駡戰):龍一呀!食快d啦!我陣間仲想買d野呀!

樂兒(成機串龍一):點解你家陣問d野咁有建設性既?成熟左喎!

龍一:成熟就梗係架啦!不過我見有d人食lunch都唔捨得我,要坐我隔離咋!

阿俊(仲想阻止):樂兒呀!岩岩派d測驗你幾多分呀?

樂兒(冇理到阿俊):傻啦!我點會做d咁既傻事呢?要我掛住你?我寧願去死囉!

龍一:我有話過個個人係你咩?掛住我咪認左佢囉!我唔會介意架喎!

樂兒(比龍一串番轉頭):食野啦掛住講!因住哽死你呀!

龍一:我家陣真係好驚呀!驚哽我唔死咋!

淋淋:樂兒呀!!你諗度食咩未呀?我好肚餓呀!

佢地4個就係龍一同樂兒既駡戰中,完成左個lunch,佢地食完各自番學校….

阿俊(見淋淋同樂兒走左):龍一呀!好心你唔好成日同樂兒嘈啦!

龍一(好似好無辜):唔係我想同佢嘈架!係佢自己挑起我條引咋嗎!

阿俊:咁都係咋!人地話晒都係女仔!你咪讓下人地囉!

龍一(好無奈):你咁都覺得佢係個女仔呀?你真係有眼光呀!

而淋淋同樂兒個邊………..

樂兒(仲好嬲):果個死龍一呀!日日咁多人死又唔見輪到佢!乞人憎!

淋淋(好無奈):都唔知你同龍一前世係唔係撈亂骨頭!成日都狗咬狗骨!

樂兒(好大反應):我先唔會同佢撈亂骨頭呀!費事影衰晒我呀!

淋淋:不如咁呀!如果你同龍一有一個禮拜唔嗌交我就買你想要好耐個隻hiro比你啦!