Because of Ryuichi

上集講到:樂兒同淋淋打賭話如果一個禮拜唔同龍一嗌交,就送想要好耐既hiro碟……..

~第二集~

好快就到左第二日,今日係11號對樂兒黎講意義重大,因為今日同淋淋打賭第一日……

樂兒(邊出門口邊諗):今日都係少見龍一為妙啦!如果唔係壞我hiro碟呀!

淋淋(一早係樂兒屋企門口等佢):樂兒!點呀?今日係第一日喎!加油呀!

樂兒(好有把握):我實食到你個餐lunch架!你同我定啦!

佢地邊講邊行就番左學校,點知樂兒一坐低,龍一就行過黎…

龍一(見樂兒唔串自己):樂兒!你今日轉性呀?見到我都唔鬧我既?

樂兒(笑住咁):本小姐今日心情靚!所以今日唔會同任何人嗌交!

龍一:嘩!有咩事令都你唔發脾氣呀?真係奇事啦!

樂兒(心諗):咪為左淋淋個隻碟囉!只要我唔同你嗌交一個禮拜!我就有啦!哈哈!

龍一(見樂兒笑得咁奸):樂兒?你冇野呀?笑得咁奸既?

淋淋(見到龍一同樂兒冇嗌交):阿俊!你睇下佢地兩個而家咪和平共存囉!

阿俊:果然係好方法呀!淋淋都係你醒目!咁樣我地呢個禮拜隻耳仔就可以安靜下啦!

淋淋:講得岩呀!如果佢地呢個禮拜都唔嗌交!個隻碟你都要有份比錢架!

阿俊(冇所謂):梗係冇問題啦!希望我地隻碟送得出啦!

龍一同樂兒安然無恙冇到左lunch….

樂兒(好開心):好野!話咁快又到lunch啦!如果日日都係咁我隻hiro碟就有望啦!

淋淋:如果你真係可以維持到咁就好囉!我最怕你唔得咋!

樂兒:我有目標就實維持到啦!好想快d到一個禮拜呀!

另一邊,龍一就埋怨…

龍一(埋怨):都唔知樂兒攪咩!冇那那又唔同我嗌交!攪到我而家鬼死咁冇癮!

阿俊(無奈):好心你啦龍一!人地唔野你就唔好攪人地啦!

龍一:咁平時番學咁悶,好在有樂兒比我串下先有番d人生樂趣咋!而家連佢都唔理我!

阿俊:你咪咁啦!人地生出黎唔係比你玩樂架!我覺得如果你唔串人,會好吸引女仔架!

龍一(扮型):阿俊你識我咁耐都知我係萬人迷架啦!點怕冇女仔吼呀!

Lunch過後,龍一同樂兒又係課室相見….

樂兒(見到龍一就好似有隻碟放係自己面前咁):龍一呀!我突然覺得你好靚仔呀!

龍一(好諤然):樂兒呀?你冇野呀嗎?雖然係事實都唔駛咁大聲呀?

樂兒(個心就只有隻碟):哈哈!咁我下次細聲d啦!上堂啦!

龍一:樂兒呀!你鬧我啦!你今日做咩呀?

好快就放左學,龍一扯左樂兒埋一邊….

樂兒(仲好好笑容):龍一做咩事呀?

龍一(仲好無奈):樂兒呀?你係唔係有d咩事呀?係唔係阿俊恐嚇你唔同嗌交?

淋淋(搭住龍一):龍一!我地樂兒唔會同嗌交架啦!你都係算把啦!

阿俊(扯龍一走):龍一我地唔好阻住人地啦!走啦!淋淋!

淋淋:樂兒!果然收晒火喎!叻女!我對你有信心!