Because of Ryuichi

上集講到:龍一想幫阿俊,所以諗住同樂兒friend左,睇下會唔會問到d乜~!點知就忍唔住口講左比樂兒聽阿俊既事…….

~第四集~

係龍一問阿俊同淋淋進展成點個陣,唔小心講左比阿俊知d野……

阿俊(好激動):咩話?你話左比樂兒知我鍾意淋淋?你有冇攪錯呀?

龍一(唔知點做):你冷靜d!你諗下,而家樂兒都知,咁我地咪可以易d係佢身上問到淋淋d野囉!

阿俊(好嬲):你而家點講都得啦!如果淋淋知道我鍾意佢!我地而後就連朋友都冇得做呀!

而淋淋個邊.樂兒嘗試套下淋淋d口風…

樂兒(扮晒冇野):淋淋呀!岩岩我問阿俊借錢呀!佢問都唔駛問原因就借左比我啦!其實佢個人都幾好呀!又抵得諗,個樣都唔差!你話係唔係呀?

淋淋(冇懷疑):我都覺得佢幾好人呀!個樣係唔差,不過就傻左少少囉!

阿Ling(免得淋淋懷疑):哦!係呀!商場個邊黎左部新機呀!好似話影得幾靚架!不如…

淋淋(好興奮):係真唔係呀?今日放學去睇下囉!~

好快第二日…

龍一(同阿俊,拉左樂兒埋一邊):樂兒!點呀?問到d咩咁呀?

樂兒(見到阿俊好怕羞):唔駛咁怕羞喎!淋淋話覺得你大致上都唔錯!

阿俊(聽到好開心):係唔係真架?你唔好呃我喎!

龍一:咁咪好囉!都話我講左比樂兒聽都唔驚架啦!

樂兒(好大聲):喂~~~~~~~呀!你都未講完!淋淋話你好就好啦!不過傻左少少呀!

阿俊(呆左):咩話?我傻?佢邊方面覺得我傻呀!你有冇聽清楚呀?

龍一:阿俊,你冷靜d啦!各花有各眼呀咋!我夠唔明你鍾意淋淋d咩啦!

淋淋(一早就企左係出面,聽到阿俊鍾意自己,呆左):龍一你頭先講咩話?

樂兒(推淋淋埋一邊):淋淋呀?佢地講下笑架咋!唔好信佢地呀!!

淋淋(好認真咁):唔怪知得你琴日問我d咁既野啦!原來你一早知道阿俊佢…

阿俊(塊面紅都乜咁):淋淋呀!樂兒唔係有心呃你架!係我叫佢唔好話比你知架!

龍一(見到個局面咁僵):淋淋呀!其實阿俊真係鍾意你架!可能你覺得佢傻左少少….

淋淋(打斷左龍一):得啦!我唔想再聽啦!(望一望阿俊)我番課室先啦!

樂兒(跟住淋淋):淋淋呀~!我唔係有心呃你架!咁如果我話左比你,又唔知阿俊會點喎!

淋淋(笑得好開心):我都冇怪你!我咁大個女都未試過好似而家咁興奮架!

樂兒(好懷疑):你真係冇野?我呃你喎!你仲咁開心既?

淋淋(平伏唔到):我雖然比人溝過!但係唔知點解今次特別開心咁!我今晚一定要同你傾電話!

龍一(見到淋淋同樂兒走左,見到阿俊好down):阿俊呀!你冇乜野呀嘛?

阿俊(強顏歡笑);我冇野喎!龍一今日放學去你屋企打機呀!我買左隻新game呀!

龍一(呆左):好….好呀!你講得我實會陪你架!你仲有咩想做呀?

阿俊(見到龍一個樣好擔心):龍一呀!你做咩講到我好似就死咁架?我冇事呀!