Because of Ryuichi

上集講到:阿俊同淋淋都莫名其妙咁開心,而龍一同樂兒就一頭霧水咁……

~第五集~

好快又到第二日,今日淋淋同阿俊一見到面就講唔停咁….

淋淋(傾得好開心):阿俊呀!你琴日有冇睇到個套笑片呀?我琴日笑到好似傻左咁呀

阿俊(停唔到):係呀!個個主角成日都比佢朋友整估!好抵死呀!!哈哈!

樂兒(好無奈):佢地完全冇當過我地既存在喎!我同淋淋識左兩年都唔及阿俊既一句!

龍一(仲無奈):你都叫好呀!只識左淋淋兩年!枉我同阿俊青梅竹馬,佢而家有女萬事足啦!究竟阿俊琴日係唔係同淋淋傾過電過黎呀?如果唔係阿俊邊個咁快得手?

樂兒(打龍一):作死呀!你當淋淋係咩呀?咩咁快得手呀?唔通佢地兩個已經一早就識得?

龍一(好肯定):冇可能!我同阿俊由細玩到大都未聽過阿俊以前識淋淋既!

樂兒(唔信):就算由細玩到大都可以有自己既秘密架嘛!我唔信阿俊咩都話比你聽呀!

淋淋(同阿俊一齊行過黎):你地有咩咁好傾呀?我地知唔知得架先?

龍一:我仲都未問你地有咩咁好傾呀!話時話啦!你地兩個而家咩關係先?

阿俊(打龍一個頭):你個死龍一!你又係度亂講咩呀?我地咪普通朋友囉!

樂兒(突然大叫):哎呀!今日幾多號呀?

龍一(比樂兒嚇親):你做乜鬼野呀?我比你嚇死啦!今日咪15號囉!

樂兒(數下):今日係15?咁咪即係仲有3?好野!時間過得真係快呀!我隻hiro黎到啦!

龍一(好疑惑):hiro碟呀?你係度講乜呀?你今日唔記得食藥呀?

淋淋(估唔到):!樂兒你真係好記性啦!咁都仲記得呢件事喎!仲有3日咋!你加油呀!

阿俊(笑得好奸):咁我諗我地係時候買定隻碟比樂兒啦!你睇下而家樂兒同龍一!想佢地嗌交都幾難啦!

龍一(仲唔明):咪住先!我係唔係有d野唔知架?你地究竟係度講緊d乜呀?

樂兒(阻止淋淋同阿俊講):唔好講住!3日之後我就慢慢話比你聽啦!

龍一(好想知):點解要等3日之後呀?我同樂兒嗌唔嗌交會關事架咩?咁即係點呀?

可能係因為太開心既關係,所以時候都過得快特別快,轉個頭今日係星期六…..

樂兒(好開心):好野!今日同聽日都唔駛番學啦!咁即係唔會見到龍一啦!咁係星期一隻hiro碟就係屬於我架啦!哈哈!(係呢個咁開心既時候電話響起)?淋淋呀?咩話今日同阿俊出街?仲有龍一添呀?咁你而家即係害我咋!好啦!好啦!咁你五分鐘之後黎接我啦!

因為淋淋好心急,所以好準時五分鐘之後就立即係樂兒門口出現…..

淋淋(狂催樂兒):樂兒呀!你得未呀?我等左好耐啦!

樂兒(好無奈):你等左有幾耐呀?你一個電話我就立即去換衫啦!如果唔係我而家仲著住睡衣諗住訓覺呀!我仲諗住今日同聽日都見唔到龍一,咁我星期一就有hiro碟添呀!

淋淋(邊安撫樂兒邊扯佢出門口):對唔住囉!如果得我同阿俊我又怕冇野講喎!最多咁啦!無論你今日有冇同龍一嗌交我保證星期一都會有hiro!好冇?

樂兒(聽完好開心):咁就差唔多!你講過唔好唔算數呀!

淋淋(見到阿俊係度等緊自己):阿俊佢地係前面咋!行快少少啦!到時唔好亂咁講野呀!

阿俊(見到淋淋,扮睇錶):淋淋!你地好準時喎!岩岩好呀!咁我地而家去邊呀?

龍一(見到阿俊完全冇理過自己,同樂兒講):你睇下佢而家有女朋友就有異性冇人性啦!