Because of Ryuichi

上集講到:淋淋搵左樂兒陪佢同阿俊去街,令到佢同龍一係度做電燈膽,好無奈….

~第六集~

佢地行左好耐,阿俊同淋淋行咁耐就傾咁耐,而龍一同樂兒行咁耐就悶咁耐…..

龍一(開始埋怨):樂兒呀!究竟我地今日出黎係有咩作為架呢?

樂兒(死死下):作為就係睇住佢地拍拖囉!點解佢地行左咁耐!都唔會見攰架呢!

龍一(串樂兒):乜你唔知愛情就係一種好好既力量黎架咩?不過我諗你都唔明架啦!你邊會比人睇得中呀?除非個條友瞎架啦!

樂兒(好嬲):緒方龍一!你咁講即係好有戀愛經驗咁話啦!

龍一(好自豪咁):呢d就梗架啦!仲駛講既!

樂兒(冷靜番):咁又係既!你次次都係做比人飛果個,戀愛經驗梗多啦!失戀經驗仲多呀!

龍一:你講咩話?慘得過你,連比人飛起既機會都冇呀!抵你死啦!

淋淋(聽到後面大戰緊):你地又做咩呀?本來唔係好地地既咩?唔好嗌交啦!

樂兒(好激動):邊個同佢好呀?佢有乜資格同我好呀?

龍一(更加激動):你想同我好?等下世都未到你呀!

阿俊(唔知點做):龍一呀!一人少句啦!唔好咁啦!

龍一(嘲笑樂兒):你慌死佢唔係比人飛起過咩?如果唔係點會咁激動呀?

樂兒(停唔到):我激動?你何以見得呀?好過你呀!係度扮戀愛專家!唔知個醜字點寫呀!

淋淋(邊拉樂兒走邊同阿俊講):阿俊呀!我今晚打電話比你啦!我地走先啦!掰掰!

龍一(好自豪咁):淋淋呀!你好快d拉佢走啦!如果唔係佢係度仲瘀呀!!

阿俊(見到淋淋就咁走左,好失望):龍一呀!你少句啦!成條街d人都望住你地啦!

淋淋(見唔到阿俊佢地):樂兒呀!你頭先同龍一無那那又做咩吵得咁勁呀?

樂兒(仲平伏唔到):果條死仔,竟然話我冇人吼呀!咁多人死又唔見到佢!

淋淋(覺得好無謂):佢都係講下笑咋嘛!你做咩咁認真喎?

樂兒(唔開心):你就梗係咁講啦!我唔同你大把人追!我自從F.2拍過拖之後都冇拍過拖!你都唔知我平時係條街見到個個都一對!得我係支弓!你知唔知我有幾唔開心呀?

淋淋(有少少內疚):對唔住呀!樂兒!我今日冇理過你感受就拉左你陪我!

樂兒(見到淋淋咁既樣):都唔關你事既!係我個人問題咋嘛!你唔好咁啦!總之由星期一開始我就實唔會再同緒方龍一講野架啦!同佢反硬面啦!

淋淋(有d驚見唔到阿俊):咁你唔會唔比我…..

樂兒(估到淋淋想講咩):你放心啦!我怕緒方龍一,都唔關你同阿俊事,你放心喎!

淋淋(好開心):好野~樂兒!都係你最明白事理,錫晒你呀!聽日同你去街補番數啦!

而阿俊個方面,龍一仲講唔停咁話樂兒……

龍一(講左好多次):唔好比我睇死佢呀!肯定講中左佢個死穴啦!如果唔係點會咁嬲呀?

阿俊(聽左好多次):阿龍一呀!你呢句講左九萬幾次啦!你覺唔覺得你咁話樂兒有d過份!

龍一(扮醒目):我又唔覺喎!我而家教精佢咋!如果唔係比人呃以為執到寶呀!何況佢邊會咁易嬲呀!睇佢個樣星期一咪冇事!放心啦!

阿俊:你太天真啦!你都識講講中左樂兒死穴啦!佢邊會咁易唔嬲呀?佢都係人黎架!