Because of Ryuichi

上集講到:龍一竟然話樂兒冇人吼,岩岩講中左樂兒死穴,令樂兒好鬼嬲…..

~第七集~

好快就到左第二日,今日樂兒一起身成腦都係龍一話自己冇人吼…..

樂兒(個心諗):緒方龍一!由今日開始唔駛指意我會同你講一句野呀!

淋淋(一早見到樂兒嬲爆爆):樂兒呀?你冇野呀嘛?

樂兒(扮冇野):我冇野呀!橫掂而家仲咁早,不如去食個早餐先啦!

淋淋(邊行邊講):你仲話冇野?你去照下鏡啦!你嬲到青筋都爆埋出黎啦!幾恐怖呀!

樂兒(嚇親):咩話?唔係呀?我睇睇先!死囉!肯定琴晚訓得唔好啦!

淋淋(離遠見到阿俊,唔知點同樂兒講):樂兒呀!我見到….見到阿俊呀!

樂兒(好大方):係?叫佢過黎一齊食早餐呀!(大叫)阿俊!!!

龍一(以為樂兒叫自己):阿俊,你睇下樂兒而家咪冇事!都話佢冇咁易嬲架啦!

阿俊(有d懷疑):但係我好似聽到樂兒係嗌緊我喎!關你咩事呀?

淋淋(行到龍一身邊):龍一你死啦!樂兒嬲左你呀!你仲唔快d過去講對唔住!

阿俊(取笑):呵呵!比我估中左啦!都話樂兒實會嬲你架啦!識做啦!

龍一(行過去樂兒身邊):樂兒呀!對唔住呀!我琴日都係講下架咋!

樂兒(完全當龍一冇到):淋淋,阿俊!快d睇下食咩早餐啦!我好肚餓呀!

淋淋(拍拍龍一膊頭):龍一!你衰左啦!仲衰得好徹底添呀!

佢地邊食早餐,樂兒完全冇同過龍一講野!就連望都冇望過,佢地冇幾耐就食完行番學校,係呢個時候龍一突然捉住樂兒…..

龍一(好唔耐煩):樂兒呀!我都同你講左對唔住啦!咁你仲想點喎?你講句野啦!

樂兒(推開龍一):淋淋呀!我買左隻新碟呀!今日放學去我屋企睇呀!阿俊你都一齊呀!

阿俊(好客氣):樂兒呀!唔知我可唔可以帶多個朋友黎呀?

樂兒(好樂意):好呀!橫掂我都係睇碟咋嘛!冇唔會有咩影響既!

淋淋:唔好講咁多啦!快d番學啦唔係陣間遲到又比miss鬧架啦!有咩今日放學講啦!

好快又到左放學…..

阿俊(見到龍一好悶,就細細聲):龍一!你想唔想樂兒唔再嬲你呀?想就跟我黎啦!

龍一(邊比阿俊扯走):去邊呀度?做乜野呀!阿俊!

淋淋(扮冇野):樂兒呀!阿俊話去左超市買d零食先上黎喎!

樂兒:咁岩啦!我間屋亂到九彩呀!你快d幫我手執下去啦!比阿俊見到就唔係咁好啦!

過左一陣,樂兒間屋門鐘響……

樂兒(邊去開門):梗係阿俊啦!(一開門見到係龍一又見唔到阿俊)點解得你既?阿俊呢?

龍一(聽到樂兒同自己講野):阿俊話仲有野要買喎!叫我自己黎先啦!

淋淋(見到龍一係門口):唔緊要啦!龍一做咩仲唔入黎呀?入黎坐啦!

冇幾耐連阿俊都到埋,佢地係度睇vcd,因為個套係恐怖片,所以大家都捲埋一舊…..

龍一(見到樂兒驚到扯住自己,心諗):唔通樂兒唔記得左嬲我?哎呀,早知係咁就唔買…..

樂兒(見到龍一奸笑,即刻放手):你冇野呀?你唔好以為我唔嬲你呀!係因為套戲恐怖!我又唔可以捉全阿俊我先扯住你咋!你唔好亂野呀!