Because of Ryuichi

上集講到:樂兒果然嬲左龍一,之後樂兒請左阿俊同淋淋自己屋企睇鬼片,阿俊叫埋龍一,而龍一因為激嬲左樂兒,而買左野比佢…..

~第八集~

龍一(拎左樣野出黎):對唔住呀樂兒!我唔知我會攪到你咁hurt架!

樂兒(見到樣野已經開心到傻左):係hiro隻大碟呀!好野!哈哈!

淋淋(幫下口):樂兒呀!你就原諒龍一啦!我諗佢下次都唔敢架啦!

阿俊:係啦!樂兒呀!你就原諒佢一次啦!佢下次唔會再咁坦白架啦!

樂兒(諗左一陣):唔會咁坦白?阿俊你而家咁講咩意思呀?

佢地係嘈吵之下結束左今日,而樂兒都因為隻hiro碟而原諒左龍一…….

淋淋番到屋企就立即打電話比樂兒……

淋淋(係電話度講,好興奮):樂兒呀!我今日真係好開心呀!你知唔知呀!阿俊知我驚睇鬼片!專登係睇個陣捉得我勁實呀!而你又原諒左龍一呢!

樂兒(掛住望隻碟):係啦!係啦!知你有男朋友仔錫好幸福啦!仲係度晒命呀!

淋淋(好緊張):我唔係咁既意思呀!(愈來愈怕羞)何況佢都唔係我男朋友!!!!

樂兒(忍唔住笑):你又唔駛咁緊張!我講下架咋!乜你唔想阿俊做你男朋友仔咩?

淋淋(怕晒羞):咩喎!都唔知你講咩!唔講啦!我要收線啦!聽日見到再講啦!BYE~

而阿俊係屋企打電話比龍一,點都唔肯收線…..

阿俊(停唔到):我今日捉到淋淋隻手幾實呀?淋淋都冇推開我呀!我諗我有望啦!

龍一(聽左好多次):阿俊哥呀!你放過我啦!你係呢個鐘頭之耐不斷將呢番說話重複又重複咁!究竟你想點呀?

阿俊:龍一你唔係呀!一世人兩兄弟係唔係同你分享下我d開心都唔得先?

龍一(好無奈):聽你講唔係唔得!不過你講咁多次就唔係咁得!你係咁鍾意淋淋既!聽日番學同人地表明心跡囉!

阿俊(口都震晒):咩表明心跡呀?我都唔知你講乜!我要沖涼啦!聽日見啦!Bye!

又到左第二日,今日淋淋同阿俊都帶住興奮既心情黎見對方…..

淋淋(一早係樂兒門口,見到樂兒出黎):樂兒早晨呀!唔知點解我今日個心特別靚呀!

樂兒(見到阿俊離遠行緊過黎):淋淋呀!我包保你陣間心情仲靚呀!

阿俊(人未到聲先到):淋淋!等埋我地一齊行啦!

龍一(好攪笑):你駛唔駛離遠嗌定呀?你慌死人地會走左去咩?真係頂你唔順啦!

淋淋(見到阿俊):係呀!我而家心情真係仲靚呀!樂兒你好勁呀!哈哈~

樂兒(好正經咁):淋淋!你冷靜少少!唔好係男朋友仔面前咁失儀啦!

淋淋(整理下自己):咁又係喎!(諗左一陣)咩男朋友仔呀?我都唔知你講乜!(一令轉後面)阿俊?乜得你行咁快既?嘻嘻~~

龍一(爆阿俊大鑊):梗係行得快啦!佢仲日日早15分鐘起身專登黎扮偶遇添!

樂兒(聽完之後笑唔停):哈哈!阿俊乜你條橋咁舊既?不過我地淋淋姐受呀!哈哈!

阿俊(好尷尬):你個死龍一!你唔出聲冇人話你啞架!(望住淋淋)我地行囉!唔好理佢地啦!