Because of Ryuichi

上集講到:龍一踼爆左阿俊日日都早15分鐘扮偶遇黎撞淋淋…..

~第九集~

開心既時間過得特別快,好快就到lunch時間,淋淋同阿俊固然要一齊食架啦!而龍一同樂兒就好無奈咁睇住佢地兩個…..

淋淋(見到阿俊碗車仔麵有餸岩自己):阿俊呀!我想食你舊蘿白呀!唔知可唔可以…..

阿俊(未講完就挾左比淋淋):你食啦!橫掂我仲有好多呀!你慢慢食啦!

樂兒(細細聲同龍一講):救命呀!佢地兩個咁樣,咁我地以後好難捱喎!

龍一(好無奈):咪就係囉!而家未拍拖就已經咁嘔心,如果佢地第時真係拍拖,咁咪仲…..

阿俊(聽到龍一佢地講緊自己壞話):你地兩個有咩咁秘密呀?講出黎大家一齊研究下!

淋淋(仲未知自己比人講緊):有咩咁秘密呀?講黎聽下呀!睇下我地幫唔幫到你地~!

樂兒(有d驚):就咁既!我同龍一就覺得你地好鬼襯!咁不如快d行埋佢唔好拖泥帶水啦!

龍一(支持樂兒):我都贊成樂兒講法!你地拍拖啦!如果唔係你地d關係唔知點咁!

淋淋(面紅紅):你地係唔係傻左呀?無那那講埋d咁既野!我唔同你地講啦!

阿俊(幫淋淋解圍):你地又係既!你地一唱一和咁!好friend啦?唔嗌交啦咩?

龍一(好有道理):呢個唔係friend唔friend既問題!係你地真係……好嘔心呀!

阿俊(好細聲):你估唔想我同淋淋拍拖咩?咁都要佢肯先得架!勉強無幸福架!

樂兒(聽到):你都未正式向淋淋表白過!你試下同佢講啦!唔通要淋淋開口咩?

龍一(推阿俊埋淋淋度):係啦!你快d去啦!我等你好消息呀!

淋淋(知道阿俊同自己表白,扮唔知):阿俊!你係唔係有野同我講呀?唔係我番學校先啦!

龍一(睇得好緊張,仲扯住樂兒):阿俊呀!仲咩唔講呀!講啦~

樂兒(痛到死):緒方龍一呀!你咁緊張咁咩喎!放手啦!死仔包!我隻手斷啦!

阿俊(捉住淋淋):我有野同你講呀!你…..你可唔可以…..做我…..女朋友呀?

淋淋(開心到傻左):好呀!好呀!我等左你講好耐啦!(攬住阿俊)

龍一(見到淋淋攬住阿俊放心晒):不愧係我死黨呀!一講就掂!果然冇失禮我呀!

樂兒(龍一唔記得左扯住自己隻手,瘀晒):阿龍一哥!我隻手呀!

龍一(即刻縮手):哎呀,唔好意思呀!岩岩緊張左少少咋!攪到你隻手瘀晒添!

樂兒(好激動):何止瘀晒呀!簡直冇晒知覺啦!人地示愛關你鬼事咩?咁緊張做咩呀?

龍一(好似好有道理):咁見到自己細佬同人表白喎!做大佬就梗係緊張d架啦!

阿俊(拖住淋淋行過黎,個樣好滿足):龍一我得左啦!我同到淋淋拍拖啦!

淋淋(好怕羞):邊有人咁樣講野架?你傻架咩?

樂兒(撞下淋淋):咁咪好囉!終於同到阿俊拍拖啦!唔駛怕佢唔要你驚到訓唔到!

阿俊(拉龍一埋一邊):龍一!我就得左啦!咁幾時輪到你先?

龍一(扮晒野咁):你少同我擔心啦!以我俊朗既樣貌!我行出黎大把女仔扑埋黎啦!

樂兒(偷聽到):哈哈!你何以見得覺得自己樣貌俊朗呀?如果咁都有女仔仆埋黎既話!咁果d全部隻眼都係有事架啦!如果唔係都唔駛仆埋黎啦!

淋淋(好同情龍一):樂兒呀你唔好衰啦!咁樣龍一會好慘架嘛!你理下佢感受先得架!

龍一(好無奈):估唔到連淋淋你都咁睇死我!阿俊你都係帶眼識你女朋友啦!

阿俊(打龍一個頭):龍一你係唔係想死呀?係我面前講d咁既野?