Because of Ryuichi

上集講到:阿俊成功同到淋淋拍拖,但係佢地兩個出親街都搵埋龍一同樂兒,令到佢地好無奈…..

~第十集~

好快又到第二日….

龍一見到阿俊同淋淋拍拖拍得好開心,見到自己又得一支弓好無奈,而樂兒就更唔開心!因為次次幸拍拖都幸唔到..….

淋淋(見到樂兒好悶):樂兒呀?你唔好咁悶啦!不如我介紹d朋友仔比你識下啦!

樂兒(好大反應):梗係唔好啦!我又唔識你d朋友仔!何況我都唔係咁想有男朋友咋嘛!

淋淋(好懷疑):你真係唔想有男朋友?係真唔係先?大家一場死黨~

樂兒(口都震埋):梗…梗係啦!你當我係乜呀?冇男朋友我駛死?(苦笑)哈哈!

阿俊(搭住龍一):龍一你幾時拖到女仔比我見下咁呀?

龍一(又扮野):你想我拖個女仔咋?好易咋嘛!而家隨街搵個都得啦!

阿俊(無奈):我講真架!我都得啦!你幾時搵番個呀?

龍一:駛乜我搵呀?我一開聲大把女仔湧埋黎啦!我驚我到時眼角高冇個岩咋!

阿俊(打龍一):龍一呀!你現實d啦!不如你要左樂兒去啦!橫掂你成日同佢鬥氣!

咁岩淋淋個邊又講到…..

淋淋(玩樂兒):樂兒呀!不如你溝龍一呀!橫掂你地識左咁耐!唔會唔了解對方啦!

樂兒同龍一(好齊心):你冇野呀?要我鍾意佢?你唔好叫我去死?

淋淋同阿俊(呆左….):我都係講下咋嘛!!你地唔駛咁激動呀?

龍一(好唔冷靜):呢d關係我終身幸福架!唔好亂咁講先得架~

樂兒(仲唔冷靜):咪就係囉!我家陣個樣好差咩?要我溝佢?會唔會浪費左少少呢?

阿俊(平伏佢地):得得得!你地當我同淋淋之後既野冇講過!OK? 唔好意思呀!

淋淋(拉阿俊埋一邊):嘩!估唔到佢地兩個d反應咁一致呀!真係嚇死呀!

阿俊(點晒頭咁):咪就係囉!人地唔知以為佢地係情侶添呀!咁我地點呀?

樂兒(聽到,又發神經):你地話咩話?我同佢似情侶?喂!你地隻眼冇問題呀?

龍一(知道左):你地係唔係五行欠打呀?話極你地都係咁架喎?

係呢個混亂既情況,佢地幾個終於各自番左屋企….

龍一(仲嬲緊):阿俊都痴孖筋架!無那那講d咁既野!攪到我毛都直埋!真係麻鬼煩呀!

樂兒(發晒脾氣):頂淋淋唔順啦!龍一有咩資格比我鍾意呀?(諗住聽隻hiro碟)唔聽啦!

係呢個時候淋淋同阿俊商量完之後就各自打電話比佢地兩個……..

阿俊(打比龍一,都驚驚地):喂!龍一呀?你得唔得閒呀?

龍一(好平靜):如果你係講樂兒就不必啦!你知唔知你地好鬼無聊呀?

淋淋(打比樂兒):樂兒呀?對唔住呀!我今日唔係有心咁講架!

樂兒(冇咁好氣):得啦!不過下次唔好攪d咁既野呀!我會嬲架~

淋淋:其實我係諗住唔想係地陪我地出街咁悶,所以咪(樂兒有電話入)樂兒?

樂兒:淋淋呀!我有電話入呀!我等陣打電話比你呀!(轉線)喂?搵邊位?

神秘人:喂?你係唔係樂兒呀?你仲記唔記得我係邊個呀?我係阿鋒呀!