Because of Ryuichi

上集講到:樂兒既小學同學阿鋒打電話比佢,令樂兒好驚喜….

~第十一集~

樂兒(唔記得晒岩岩唔開心既野):阿鋒?你唔係去左外國讀書架咩?幾時番黎架?

阿鋒:我都係上個禮拜岩岩落機咋嘛!你最近點呀?有冇好似以前咁成日鬧人呀?

樂兒(諗起龍一):梗係冇啦!我而家都不知幾斯文呀!係呢!你點解番黎香港既?

阿鋒:我番黎放暑假咋嘛!係呢!你幾時有時間約出黎飲杯野呀!

樂兒(好開心):我幾時都咁得閒架啦!你睇下邊日得閒咪打電話比我囉~

阿鋒:不如就聽日啦!橫掂聽日係星期六你都唔駛番學架啦!你認為點呀?

樂兒(心諗):咁快?(講出黎)不如星期日啦!我星期六唔得閒呀~

阿鋒:都好呀!係呀!我咁耐冇番黎香港!你星期日帶我周圍玩下啦!

樂兒(收左線之後就立即打電話比淋淋):淋淋呀!阿鋒打電話比我呀!!!

淋淋(苦思左陣):阿鋒?係唔係你小學鍾意果個呀?聽你講佢唔係去左外國讀書咩?

樂兒(好激動咁):就係果個囉~佢上個禮拜番左黎香港呀~佢仲約我星期日去街呀!點算好呀?我好緊張呀~我果日著咩衫,襯咩鞋呀?

淋淋(聽唔切):你冷靜少少先~你唔好咁緊張啦!我聽日去你屋企幫你揀啦~好冇?

樂兒(講到好興奮):好呀~咁你聽日早d黎啦喎~岩岩阿鋒話要我做佢導遊呀~

淋淋同樂兒愈講愈興奮,係呢個開心既氣氛好快就到左星期六,今日淋淋一早就去左樂兒屋企,而樂兒亦專登早d起身拎晒d衫出黎同淋淋一齊揀…..

樂兒(拎住件吊帶衫):不如呢件呀~橫掂咁熱~我諗我地都會去遊樂場玩掛~~

淋淋(諗左陣):唔好啦!如果唔係好似專登比佢睇咁~不如下次再出街先着啦!

係呢個時候淋淋手提電話響起,原來係阿俊同龍一…..

淋淋:阿俊呀?我而家係樂兒屋企咋嘛~你地黎唔黎得呀?(望一望樂兒)

樂兒(搶左個電話):阿俊呀?你地而家上黎啦~好啦!陣間見!

淋淋(有d尷尬):你唔怕阻住你揀衫咩?佢地話晒都係男仔喎~

樂兒:就係佢地係男仔我先叫佢地黎~咁阿鋒都係男仔黎架嘛~叫佢地幫下眼都好架~

冇幾耐阿俊同龍一好快就上左黎…….

龍一(望到成屋都係衫):嘩~樂兒你屋企岩岩比人打劫黎呀?咁亂既?

樂兒:你屋企就真係比人打劫啦!我聽日約左朋友呀!我想叫你地幫下眼我着咩衫呀!

阿俊(好好奇):約左邊個咁重要呀!要拎晒d衫逐件揀咁誇張呀?約左男朋友呀?

龍一(好諤然):你有男仔約呀?真係要恭喜你呀!終於有個盲佬做犧牲品啦~哈哈!

樂兒(好自豪咁):龍一!你唔駛妒忌我喎~有男仔約我唔出奇呀!我肯出就好出奇啦~

淋淋(平伏佢地既情緒):你地唔好再嘈啦!樂兒你仲唔揀衫就冇時間架啦!

係各人既意見之下,樂兒終於揀到件岩心水既衫,而佢地完成任務之後都各自離去….

樂兒(打電話比淋淋):淋淋呀~我好驚呀~我驚聽日同阿鋒會冇野講呀~點算呀?

淋淋:如果你地真係冇野講咪去玩囉~何況我諗果個阿鋒都會好多野講架啦~

樂兒(仲好緊張):講就咁講咋~我都係好驚呀~如果佢唔係咁想玩咁點呀?