Because of Ryuichi

上集講到:樂兒既小學暗戀情人阿鋒番左黎香港,仲約左樂兒去街添…

~第十二集~

到左星期日,今日樂兒晨咁早就起左身,因為佢要執正d出去見阿鋒…..

樂兒(打比淋淋):淋淋呀~我好緊張呀!我陣間見到面講咩好呀?

淋淋(未訓醒):你唔好咁緊張啦~你咪問下佢係外國咁耐有冇咩事發生囉!

樂兒(好緊張):死啦~我個心愈跳愈快啦~我約左佢12.30係巴士站等呀~

淋淋(睇下錶):而家10.00咋喎~你駛唔駛咁早起身呀?樂兒呀~你唔好咁啦!

樂兒:唔係呀!咁我早d起身如果有咩事,都有時間攪,費事遲到呀嘛~

淋淋(好無辜):咁不如你出門口之前再打電話比我啦~我好眼訓呀~唔該啦!

樂兒收左線之後就不斷照鏡睇下自己套衫有冇着得唔好,好快就到左12.00……

淋淋(打電話黎):樂兒?你點呀?做緊咩呀?唔好咁緊張喎~

樂兒(仲好緊張):死啦~我好驚遲到呀~你知啦~第一次出街就遲好衰架嘛!

淋淋(諗左陣):巴士站離你屋企好近咋嘛~你早5分鐘出門口都得啦~唔會遲到架!

樂兒:哎呀唔講啦~我再攪睇下自己有冇咩唔掂~番屋企打電話比你啦!Bye~

好快就到左12.25,樂兒都出左門口……….

樂兒(邊行邊諗)唔知阿鋒會唔會唔鍾意自己咁着呢?唔知咁耐冇見會點呢?

阿鋒(離遠見到樂兒):樂兒!我係呢邊呀~

樂兒(嚇左嚇,心諗):點解阿鋒咁早到架?唔係我遲到呀?(睇睇錶)冇呀?而家先12.29分~

阿鋒(見樂兒睇錶):樂兒!你冇遲到呀~係我早到咋嘛!冇見你咁耐你都冇似好咩變喎!

樂兒(望清楚阿鋒個樣,又心諗):嘩!冇見佢一排靚仔左咁多既?我個心做咩跳得咁勁呀?

阿鋒(見樂兒唔出聲):樂兒?你冇野呀嘛?唔舒服?

樂兒(好緊張):唔係呀~係呢!冇見你咁耐高左咁多呀?係果邊成日打籃球咩?

憑住樂兒呢句,佢地兩個就好似有源源不絕既話題,而樂兒亦都冇咁怕羞,佢地仲去左遊樂場玩左好多野,開心既時間過得特別快,好快又到左夜晚…..

阿鋒:我今日真係玩得好開心呀~係呢你而家住邊呀?我送你番去呀!

樂兒:唔駛啦~我屋企就係前面咋嘛!你唔駛送我啦!都晏啦!我走啦!Bye!

阿鋒(有d唔捨得):樂兒呀?我地仲會約出黎玩架,係咪?

樂兒:梗係會啦!我地係好朋友呀嘛!走啦!下次見啦!Bye! (番到屋企第一時間打電話比淋淋)喂?淋淋呀??我今日好開心呀~我同阿鋒傾左好多野呀……..

好快又到左第二日!今日雖然要番學,但係樂兒心情一樣咁好….

淋淋(見到樂兒心情好好):樂兒!睇黎你琴晚玩得真係好開心喎!今日都仲笑緊!

樂兒(好開心):係咩?我有笑到咩?你知唔知呀!琴晚走個陣,阿鋒仲問我會唔會再約出黎呀!

淋淋(好衰):真係?咁咪好囉~話唔定你同佢會….

阿俊(失驚無神出現);會咩呀?係呢!樂兒你琴日同男仔出街點呀?有冇咩趣事發生咁呀?

樂兒(嚇親):阿俊呀!我比你嚇死啦!你幾時係度架?

龍一(個樣好奸咁):咁驚做咩呀?係唔係琴晚做左d不軌行為?唔比得人知呀?

樂兒(面紅):咩不軌行為呀?我殺唔到你就真係不軌啦!你仲講我就真係殺左你!

淋淋(好無奈):你地見親面都嘈唔停既!你地煩唔煩架?頂你地唔順啦!