上集講到:樂兒成功同左阿鋒出街而心情靚靚…….

Because of Ryuichi~第十三集~

好快又到左lunch,佢地4個一齊去左間糖水舖食糖水……

樂兒(潤龍一):龍一呀!你幾時帶個女朋友仔比我地見下呀?

龍一(又扮晒野):你理得我呀!就算有都唔比你睇啦!咁你幾時同果個男仔一齊呀?

阿俊(好無奈):你地好嘈呀!你地成日都嗌交唔攰架咩?我隻耳好攰呀!

淋淋(安撫阿俊):算把啦!佢地兩個唔嗌交係會死架!龍一,樂兒係咪呀?

樂兒(扮惡):淋淋你咁樣咩意思呀?係龍一先撩者賤咋嘛~你估我好想同佢嘈架咩?

龍一(唔輸得):邊個先撩者賤?我先唔會同佢嘈呀!唔怕有失身份咩?

樂兒(死要嘈):你有咩身份咁巴閉呀?我知啦!賤人既身份呀!係咪呀?

龍一(好大聲):我賤得過你?鬼唔望琴日同你出街果個男仔拖住第二個呀!

原來阿鋒都係間糖水舖度,佢聽到好嘈行過去睇,見到樂兒……

阿鋒(好有禮貌):樂兒?Halo! (指住龍一)佢係….?

樂兒(呆左..):阿鋒?點解你係度既?你自己一個呀?

龍一(指住阿鋒):你就係琴晚同佢出街果個呀?你唔好….哎呀!(比樂兒踩左腳)

阿鋒:你個朋友好得意呀!我同埋我女朋友黎咋嘛?我介紹比你識呀!

佢地4個(好諤然):你女朋友?

阿鋒(嚇親):你地做咩咁出奇既?我個樣好差咩?有女朋友唔得咩?

阿鋒女朋友(好溫柔):你地好呀!不如一齊坐呀!(望住樂兒)你就係樂兒呀?阿鋒成日都有提起你架!佢話對你好好,好似佢個妹咁架!!

樂兒(想喊):佢….佢個妹?對我好似妹咁?真係多謝晒喎!唔好意思呀!我走先啦!

淋淋:唔好意思呀!樂兒佢唔係咁舒服呀!我出去陪下佢!你地慢慢啦!

阿俊同龍一(好趕):唔好意思呀!我地都走先啦!唔阻你地啦!Bye!

樂兒(見到淋淋望住自己,忍住喊):做咩呀?我冇事喎!我由頭到尾都冇話佢鍾意我!

淋淋(知道樂兒想喊):樂兒!而家得我地兩個你想喊就喊出黎啦!唔好忍啦!

樂兒(忍唔住喊左出黎):你做咩叫人唔好忍喎?我仲以為佢….先約我去街!我….

淋淋(攬住樂兒):唔好咁啦!佢唔要你係佢執輸咋嘛!唔好理佢啦!

樂兒喊完之後,番到學校一直都冇出過聲,令到佢地好擔心…..

阿俊(好無奈):淋淋不如你同樂兒講下野啦!佢再唔講野我怕佢會亂諗野呀!

淋淋(冇晒辦法):你估我唔知咩?但係所有辦法都用晒啦!係有用佢就唔係咁啦!

阿俊(試下):不如等我試下呀!可能佢會比我講掂呢~我哄人最叻架啦!

龍一(仲無奈):你哄人叻?你連淋淋嬲都成晚訓唔著諗辦法啦!等我黎啦~

淋淋(好擔心):龍一你記住唔好串佢呀!係要哄佢!記實呀!

龍一(行去樂兒身邊):樂兒呀?你唔係成日話想贏我架咩?今日放學去我屋企打機呀!好冇?

樂兒(望下龍一):比你講中左!佢真係拖住左個女仔,仲要比我見到添呀!

龍一(好內疚):我講下架咋~我估唔到咁岩佢真係….其實個女仔都唔係咁好咋嘛!你好佢多多聲啦!