上集講到:樂兒無意中知道左阿鋒有左女朋友,樂兒仲以為阿鋒今次番黎係為左自己…..

Because of Ryuichi~第十四集~

好快又到左放學,雖然樂兒終於同龍一講野!但係淋淋佢地仲係好擔心…….

淋淋(搭住樂兒):樂兒呀!不如去我屋企個天台傾下曷!你唔係好鍾意有天台既屋架咩?

樂兒(笑左笑):我唔去啦~你同阿俊玩得開心d啦!我走番屋企先啦!聽日見啦!

淋淋(好擔心):樂兒呀!!!(諗左陣)龍一呀!你不如同我跟住佢呀!我驚個傻妹亂諗野呀!

龍一(唔想去):點…..點解要係我呀?阿俊唔得咩?你去唔得咩?

阿俊(好激動):你傻架?我係淋淋男朋友,梗係要係佢身邊架啦!如果我地咁多人一齊跟住佢,比樂兒發現左咁點呀?我地見你夠機警先叫你去咋!何況你平時同佢嗌慣交,點都同佢熟啦!

淋淋(求龍一):唔該你啦!樂兒次次失戀都會做d出乎意料既野架~你當幫下我啦!好冇?

龍一(冇得揀):好啦!好啦!我去啦!你地等我電話啦~Bye!

阿俊(唔駛自己去,所以好開心):咁你小心d啦!記住等樂兒番左屋企先好走呀!

樂兒行左好耐都唔知龍一後面跟住,龍一見樂兒行極都行唔番屋企,正想上前叫佢既時候….

阿鋒(唔知係邊度出現,拖住女朋友):樂兒咁岩既?得你一個人呀?

樂兒(好想喊):咁岩既?你地去邊度拍拖呀?你地真係恩愛呀!~

龍一(係呢個時候行出黎,拖住樂兒隻手):樂兒?你去左邊呀?(轉向阿鋒)咁岩既?

樂兒只有呆左,見到龍一拖住自己,冇晒反應…..

阿鋒(望下龍一):我記得你啦!你今日係糖水舖同樂兒嗌交果個,原來你地耍花槍呀!

龍一(扮成熟):拍拖梗要耍下花槍先開人架嘛!你同女朋友又試下啦!我地走先啦~下次見啦!

樂兒(見到阿鋒走到好遠,即刻鬆開龍一隻手):你幾時係度架?你做咩扮我男朋友呀?

龍一(好委屈咁):我費事你落唔到台咋!係淋淋叫我跟住你~怕你會做傻事喎!你估我好想跟住你架咩?我不知幾攰呀!幾想番屋企訓覺呀~

樂兒(好惡):你咁委屈可以唔黎架~邊個叫你咁關心我喎!我都未話你擅自拖我隻手呀!

龍一(好無奈):真係好心唔得心報呀!我唔想你係果個阿鋒面前咁瘀咋~

樂兒(想喊):咁又點喎!佢都有左女朋友啦!我冇希望啦!我起初以為佢番黎搵我!點知….

龍一(怕左樂兒):你唔好喊啦!哎呀我怕左你啦!帶你去個地方發洩呀!跟我黎啦~

原來龍一帶樂兒去左室內遊樂場玩,樂兒都玩得好開心,完全忘記左岩岩既唔開心!好快又到左夜晚,龍一佢地就玩得好開心,但係淋淋佢地就仲未知樂兒冇晒事……

樂兒(邊行番屋企):我今日真係玩得好開心呀~龍一!多謝你呀!

龍一(拍下心口):做朋友唔好同我講d咁既野啦!你今晚早d訓,聽朝起身就會冇晒事架啦!

樂兒(好開心):我仲要話比阿鋒知!冇左佢我係唔駛死架~哈哈!唔駛送啦!我走啦!聽日見啦!

龍一(番到屋企,電話就即刻響):喂?阿俊呀?有咩快d講啦!我攰死啦!

阿俊(大嗌):你去左邊呀?又唔打電話比我地喎!你知唔知淋淋幾擔心呀?

龍一(耳都聾埋):你駛唔駛咁大聲呀?枉我今日用盡辦法哄樂兒開心呀!你仲咁對我~冇良心!

阿俊(唔信龍一):你點樣令樂兒開心咁巴閉呀?講黎聽下~

龍一:我跟住佢果陣見到樂兒撞到阿鋒喎!果個阿鋒仲問樂兒係咪得一個人喎!我唔抵得咪…

阿俊(好心急):唔抵得咁你點呀?講埋落去啦!