上集講到:龍一為左唔想令樂兒係阿鋒面前出醜,就扮係樂兒男朋友,之後仲龍一仲帶左樂兒去玩……

Because of Ryuichi~第十五集~

阿俊(好驚喜):你拖住左樂兒呀?咁樂兒有咩反應呀?話時話啦!你係咪鍾意左人先?

龍一(好大聲):你唔好亂諗野呀!我費事佢比人算咋~之後我仲帶左佢去玩,都不知駛左我幾多錢呀!又攪到我鬼死咁攰喎!

阿俊(奸笑):仲帶人地去玩添呀?龍一!估唔到你平時唔聲唔聲都咁有計劃喎!

而淋淋亦都打左電話比樂兒…..

樂兒(冇晒事):我今日同左龍一去玩囉!而家冇晒事啦!我唔會再諗阿鋒架啦!

淋淋(唔擔心):你冇晒事就好啦!我幾驚你會做傻事呀?好在我叫左龍一跟住你咋!

樂兒(好內疚):淋淋,對唔住呀!要你擔心!我下次唔會再係咁架啦!你放心啦!

淋淋(好衰):仲有下次?係呢!今日你點知龍一跟住你架?

樂兒(唔想比淋淋知龍一因為拖住自己):全靠我醒目發現左龍一跟住我囉~之後咪去左玩囉!

淋淋(冇懷疑):係呀!咁我地聽日見啦!你今晚早d抖啦!唔好再理阿鋒啦!再見!

樂兒:咁好啦!你都早d訓啦!聽日見!(收左線之後,心諗)點解我諗番龍一拖住我果陣個心跳得咁快既?死囉!我唔會鍾意左龍一掛?唔會既!我點會做埋d咁既傻事喎!

好快就到左第二日,今日樂兒同龍一都好怕見到對方,可能係怕尷尬…..

淋淋(等左樂兒好耐,終於見到樂兒):樂兒?你今日做咩咁晏既?訓到唔知醒呀?

樂兒(仲諗緊龍一拖住自己):係…..係呀!我今朝唔記得左教鬧鐘呀!所以耐左囉!唔好意思呀!

淋淋(見到樂兒有d唔妥):樂兒你做咩呀?(見到阿俊)阿俊佢地黎啦!樂兒我地行啦!

樂兒(唔敢望龍一):早….早晨!今日咁晏既?(扯住淋淋)行快d啦!如果唔係會遲到架啦!

阿俊(好奸咁):樂兒你會唔會拖錯人呀?你唔係應該拖住龍一架咩?琴日都係咁啦!

龍一(怒啤阿俊):阿俊你好耐未比人打過呢?咁多野講既?行啦!

淋淋(唔明):你地講緊咩呀?點解樂兒要拖住龍一呀?咩琴日都係咁呀?唔明呀!

樂兒(唔想比淋淋知):唔明咪唔好明囉!再唔行會遲到架啦!行啦~

龍一(見到樂兒好尷尬咁行左去):阿俊你係唔係玩野呀?我都話同佢冇野囉!

阿俊(搭住龍一):冇野你咁大反應做咩呀?你仲話唔係鍾意樂兒!不如我幫你啦!

龍一(打阿俊):幫你條命呀!我話比你聽呀!你唔好再亂咁講野呀!如果唔係兄弟都冇面比呀!

淋淋(見阿俊同龍一企係到):喂!!!你地講咩呀?再唔行就遲到啦!行番d啦!

佢地4個幾經辛苦先番到學校,係上堂果陣樂兒個腦只有龍一拖住自己既情形,而龍一就諗緊同樂兒去玩既情形,兩個都冇心機上堂,好快又到左lunch…..

淋淋(鬆左口氣):終於到左lunch啦!今日我地去邊度食好呀?樂兒,你想呢?

樂兒(心不在焉):你地鍾意啦!我冇所謂呀!我食咩都得既!

阿俊(專登問龍一):龍一,你想去邊度食呀?我地諗唔到呀!你幫手諗下啦!

龍一(冇心機):你地鍾意啦!我咩都食既!冇乜所謂啦!

阿俊(好衰):你睇下佢地兩個答d野都差唔多,真係好鬼襯架!唔識你地以為你地拍緊拖添呀!

淋淋(莫名其妙):都唔知佢地兩個今日攪咩!唔理啦!不如去果間餐廳度食啦!

樂兒(心諗):我唔係真係鍾意左龍一呀?冇可能掛!係就大鑊啦!!