上集講到:自從上次龍一拖過樂兒之後,樂兒就懷疑自己鍾意左龍一….

Because of ryuichi~第十六集~

佢地食lunch個陣,樂兒一直都唔敢望龍一,而龍一亦都冇乜點出聲….

淋淋(見到樂兒同龍一都唔講野):你地兩個今日做咩呀?平時實會嗌交~點解今日咁靜既?

阿俊(好奇怪):淋淋,你唔知佢地發生乜事咩?乜樂兒冇同你講咩?

淋淋(唔明):講咩呀?樂兒你地琴日做過d咩黎呀?你唔係話同左龍一去玩咩?

樂兒(好大反應):咪就係去左玩囉!咩都冇做過呀!真係咩都冇做過呀!

龍一(唔想比人知):係呀!你唔好聽阿俊亂咁講呀!佢今日唔記得左食藥呀!

阿俊(忍唔住):我唔記得食藥?龍一琴晚拖住左樂兒隻手呀!龍一琴晚係電話陣親口講架!

樂兒(呆左咁望住龍一):你做咩講比佢聽呀?呢鑊真係甘啦!

淋淋(捉住樂兒,好大聲):樂兒係真唔係呀?你真係比龍一拖住左呀?你地拍緊拖呀?

龍一(好無奈):你唔駛咁大聲呀?我地冇拍拖呀!我地冇野架!你咪聽阿俊講啦!

阿俊(分析晒咁):咁如果你唔係鍾意樂兒,你駛唔駛幫佢呀?扮佢男朋友喎!你平時唔係打死都唔扮架咩?點解你琴晚又肯呀?你講呀!

淋淋(見樂兒超尷尬):阿俊算啦~唔好再講啦!我諗佢地真係冇拍拖既!

樂兒(覺得冇面留係度):唔好意思呀!我脫唔係咁舒服想番學校先啦!陣間見啦!Bye! (講完就一支箭咁跑番學校)

龍一(見到樂兒好尷尬):係唔係呢?而家人地走左啦!你係咪覺得好開心呀?

阿俊(有d嬲):你駛唔駛咁惡呀?我都係講事實咋嘛!你為左樂兒咁惡鬧我?你算咩意思呀?

淋淋(安撫阿俊):阿俊呀!龍一唔係咁既意思~你比少少時間佢靜下啦!我同你去行下!

龍一(唔想同阿俊嗌交):對唔住呀!我岩岩唔係鬧你!我都唔知講咩好啦!

阿俊(扮冇所謂):唔緊要啦!我同淋淋去行下呀!你番學校搵樂兒啦!陣間見啦!

淋淋同左阿俊去行下,就同左龍一分手……

龍一(邊學校邊諗):唔通我鍾意左樂兒?冇理由架!唔會掛?

樂兒(係學校諗緊):死啦!我真係鍾意左個死仔呀!點算呀?有冇人可以救到我呀?

龍一(見到樂兒諗緊野,有d緊張):樂…樂兒?你諗咩諗度皺晒眉頭呀?你冇野呀嘛?

樂兒(嚇左嚇):你幾時係度架?我冇諗野呀!你見我皺眉頭咩?冇呀!我番入課室先啦!

而淋淋果邊,阿俊講龍一講到我激動…..

阿俊(好激動):我識左龍一咁耐呀!佢都未試過咁惡同我講野架!你話佢而家算點呀?

淋淋(唔知咁講):咁岩岩你的確攪到樂兒好尷尬呀嘛!樂兒話晒都係女仔!你咁樣講你叫樂兒點面對龍一喎!龍一都係一時情急,同你講野先大聲左少少咋嘛!你咁大方唔會咁易嬲掛?

阿俊(扮大方):我先冇咁得閒嬲佢呀!我岩岩又講得好似過份左少少!當打和啦!

淋淋(安樂晒):咁咪好囉!你地兩個好兄弟黎架嘛!唔好為左呢d小事而嗌交啦!

阿俊(再次八卦):不過講真呀!龍一好少為女仔發咁大脾氣架!我諗佢真係鍾意左樂兒啦!

淋淋(冇阿俊收):你又黎啦!你而家講好啦!陣間對住樂兒唔該你封咀啦!知唔知呀?

阿俊(好八卦):我識點做啦!你話龍一係咪鍾意樂兒呀?我就話係啦!

淋淋(冇阿俊咁好氣):哎呀阿俊!我真係頂你唔順啦!冇咁好氣同你講啦!行啦!