上集講到:龍一都開始發覺自己好似鍾意左樂兒,而阿俊既行為令到樂兒更加尷尬….

Because of Ryuichi~第十七集~

淋淋同阿俊番到學校見到龍一同樂兒大家都好似好苦惱咁,佢地兩個竟分頭睇下佢地兩個有冇咩可以幫手咁…..

淋淋(坐左係樂兒身邊):樂兒?你係咪諗咩諗唔到呀?你講出黎睇下我幫唔幫到你!

樂兒(講到好似好嚴重咁):淋淋呀!我講d野比你聽,你要冷靜d喎!其實我都未証實到架!

淋淋(捉住樂兒隻手):我同你有咩唔講得喎!你講出黎聽下啦!

樂兒(好無奈):我諗..我鍾意佢呀!(指住龍一個邊),其實我未証實架!可能係攪錯架!

淋淋(好大反應):咩話?你鍾意左龍一?唔係掛?你幾時發現開始鍾意佢架?

而阿俊個邊……

龍一(好煩咁):個日同樂兒去左玩,番到屋企就不斷諗住樂兒玩個陣個樣囉!跟住自己仲要係度笑添呀!你話我係咪有病呀!

阿俊(好正經咁):好簡單!一睇就知係單思病啦!我肯定你係鍾意左樂兒呀!

龍一(好激動):簡單?我識左佢咁耐都冇諗過話會鍾意佢架!我竟然鍾意左樂兒呀!你行出去同人講都冇人信啦!而家我都唔知點算!

阿俊(搭晒龍一咁):點做?你可以冷靜少少先,然之後去同樂兒講清楚囉!

而淋淋個邊….

樂兒(好大反應):同佢講?梗係唔得啦!我係個女仔黎架嘛!何況如果佢唔咩我既話咁咪瘀死!打死我都唔講架啦!

淋淋(好無奈):樂兒呀!你唔講又點知佢唔鍾意你喎!你知唔知點解你鍾意親人都唔成事呀?

樂兒(好似好有道理咁):我知,你話我唔肯同人講清楚呀嘛!但係如果我真係講清楚佢唔鍾意我咁點算喎!我而家先F.4咋!我仲要對住佢成年架!你叫我點面對佢喎!

而龍一個邊…..

阿俊(好唔耐煩):哎呀!龍一呀!龍一!我真係頂你唔順啦!你要講左先知佢點諗架!你平時成日都話自己係溝女專家!你而家連講都唔敢講呀!點溝呀?

龍一(好無奈):而家邊同喎!樂兒既性格我同你都好清楚架啦!如果佢真係唔鍾意我既話,實勁串我架!到時我邊有面見佢呀?

阿俊(好惡):緒方龍一你同我聽住呀!你男仔黎架!唔好咩都驚啦!你全部都係如果,咁如果樂兒真係鍾意你,你又唔講,咁樣咪錯失左個大好機會啦!你諗下啦!

係呢個嘈雜既情況之下,好快又到左放學….

阿俊(未問龍一):今日放學我地一齊上龍一屋企呀!樂兒!你唔准唔黎架!

龍一(好諤然):我幾時有話過比你地上黎喎!(比阿俊扯住番屋企)

阿俊(好似好醒咁):我幫你搵機會同樂兒示愛咋!仲唔多謝我!行快d啦!

樂兒(好唔願意):淋淋呀!我唔係咁想上去龍一屋企呀!我覺得會好尷尬架!

淋淋(捉住樂兒):咁咪仲好!等我幫你試下龍一鍾唔鍾意你呀嘛!

樂兒(好被迫咁):唔駛麻煩你啦!唔上得唔得呀?我真係唔想上喎!

阿俊(見樂兒唔行):樂兒,行快d啦!我好肚餓呀!陣間龍一話熟野比我地食喎!