上集講到:龍一在跳舞比賽入左圍,仲可以去東京接受訓練,樂兒怕龍一走左唔番黎,所以諗住同龍一講清楚自己既心意……

Because Of Ryuichi~第十九集~

番到學校,樂兒見到龍一好似想避開自己咁,所以就自己就鼓起勇氣主動行過去龍一身邊,想同佢講清楚…..

龍一(見樂兒坐係自己身邊,有d不知所措):你….你搵我有事呀?好緊要架?

樂兒(好緊張):你….你決定左去東京未呀?如果決定左,到時講個時間比我知呀!等我去送你機都好呀!記住啦!(講完就走左)

淋淋(見到樂兒番左埋位):樂兒?同龍一講左未呀?(樂兒點頭)佢有咩反應呀?

樂兒(仲好緊張):我一講完就走左啦!我唔敢望住佢講呀!我怕我會講唔出呀!

阿俊(見到樂兒岩岩搵完龍一):龍一?樂兒搵你有咩講呀?你做咩成頭大汗呀?你冇野呀?

龍一(口都震埋):樂兒叫……叫我走之前記得通知佢喎!佢話想送我機呀!

阿俊(好開心):咁咪好囉!你睇下人地女仔都咁大方啦!你都唔好咁閃縮啦!行詔去約人地食下lunch啦!駛唔駛我幫下你咁呀?

龍一(唔知點咁):咁快約人食lunch呀?會唔會急左少少呢?不過唔緊要啦…..

淋淋(同樂兒講):梗係唔緊要啦!你同佢識左咁耐,而家咪當朋友咁約囉!唔怕既!

樂兒(有d猶疑):係咪真係得架?佢會唔會唔去架?如果佢唔去咁我咪好瘀囉?

淋淋(好想幫樂兒約到):咁不如我陪你去問啦!再唔係我幫你問,你企係我身邊啦!好冇呀?

阿俊(拍下心口):約樂兒件事就一於包係我身上啦!你放心啦!

好快又到左小息,淋淋同阿俊一小息就落左小食部商量點樣可以約得成…..

樂兒(見得番自己一個諗住去走廊走下,點知撞到龍一):乜…..乜咁岩既?得你一個既?

龍一(有d尷尬):係…係呀!阿俊一小息就落左去食野啦!點解又得你一個既?淋淋呢?

樂兒(好無奈):又會咁岩既?淋淋都話好肚餓,所以落左去買野食囉!

龍一(笑住咁):又唔知佢地兩個攪乜啦!不過唔慌好野啦!我地都係小心d好!

樂兒(見到淋淋同阿俊一齊番黎):佢地兩個番黎啦!(問淋淋)食飽未咁呢??

淋淋(奸笑):飽晒啦!(問龍一)係呢!龍一呀!你今日lunch個陣有冇約人呀?

樂兒(嚇親,係淋淋耳邊講):你駛唔駛咁快問呀?我都未有心理準備住!

阿俊(搶住幫龍一答):龍一就梗係冇約人啦!佢今個lunch好得閒呀~不如一齊食啦!好冇?

龍一(好無奈):阿俊話我冇人約咪好人約囉!以後有咩問阿俊得架啦!駛乜問我呀?

阿俊(好唔好意思):龍一呀!我唔係咁既意思呀!咁你真係冇人約呀嘛!我怕你錯失機會咋!

淋淋(好趕咁):咁今日lunch就一齊食啦!咁我地lunch再傾啦!而家上堂先啦!

好快又到左lunch…..

淋淋同阿俊(好識做):龍一,樂兒呀!唔好意思呀!今日我地想二人世界呀!你地自己食啦!我地走先啦!再見!!!

樂兒(想嗌住淋淋):淋淋呀!唔好走啦!喂~~~(淋淋扮聽唔到就走左,樂兒望住龍一)咁我地自己去食野啦!你想食咩呀?

龍一(好唔自然):你….你鍾意啦!我食咩都得既!