上集講到:阿俊同淋淋成功令龍一同樂兒單獨食lunch…..

Because Of Ryuichi ~第二十集~

龍一同樂兒比淋淋同阿俊甩在之後,樂兒提議去飲杯野,可能大家都怕羞,所以佢地兩個沿途都冇乜兩句,直至樂兒行到好攰……

樂兒(指住間食品店):不如我地入去呢間舖頭度坐低飲杯野囉!因為我行到好攰呀!

龍一(覺得唔好意思):好呀!咁我地入去啦!

好奇怪,雖然而家係食lunch既時間,呢間舖頭野食都唔係貴,但係都好冷清,令到龍一係呢度顯得更加唔講野……

樂兒(鼓起最大勇氣):係呢!你幾時會去東京呀?咁學校個邊點呀?自己一個定同埋阿俊呀?

龍一(突然好野講):我下個星期就會走架啦!學校d退學手續都攪得差唔多架啦!我會同埋我屋企人去,我本身都有諗過叫埋阿俊去架!不過佢而家又有淋淋,分開佢地好似唔係咁好,所以最終都冇叫埋佢去!免得淋淋掛住佢啦!

樂兒(冇咁緊張):咁又係既!其實你幾時開始鍾意跳舞架?平時都唔多聽你講起咁既!幾時表演比我睇先?等我比下分都好呀嘛!

龍一(講起跳舞好開心):你幾時得閒我咪跳比你睇囉!其實我學左跳舞好耐架啦!自己本身都好鍾意跳舞,我見自己都學左咁耐咪去試下比賽囉!點知我竟然可以入圍喎!真係嚇親呀!聽講今次如果訓練得唔錯,可能可以做到歌手都唔定架!

樂兒(突然好唔開心):係就快d啦!你又就黎要走喎,再唔快d,我驚到時我就永遠都睇唔到架啦!

龍一(見到樂兒好似想喊):樂兒?我又唔係唔番黎!咩永遠都睇唔到喎!你唔好咁啦!

樂兒(喊左出黎):龍一呀!你係唔係真係好想去東京呀?你真係咁鍾意跳舞?

龍一(唔知點答):我….其實我…..跳舞,我真係好鍾意架!

樂兒(聽到龍一咁講,自己好失望,但係又扮冇野咁):咁希望你係東京發展順利啦!如果成左名唔好唔記得我呀!都係唔係啦!你而家同我影定相先!咁第時如果你真係做左歌手,我都有可以炒下呀嘛!留上有貼紙相機呀!不如而家上去影囉!好冇呀?

龍一(好開心):係就快d啦!你駛唔駛梳梳個頭,再唔係執執個樣先呀?我驚你襯唔起咁靚仔喎!

樂兒(邊拉住行):呢d事又點會有可能發生呢?你唔好咁傻啦!行快d呀!

佢地兩個揀個底色揀左好耐,終於揀到個岩,佢地兩個都笑得好開心,好靚…..

龍一(睇住張相):你睇下幾大對比?一個靚仔配個醜女呀!你唔好比人睇到添呀!如果唔係真係失禮死我囉!

樂兒(好開心):咩呀?你睇下你笑到個口大晒!陣間人地睇到,仲以為我同隻大口仔影相添呀!

佢地兩個邊討論張貼紙相,邊行番學校,佢地仲捉住阿俊同淋淋叫佢地評下邊個照得靚d,佢地兩個表面好似好開心咁!其實個心都好唔捨得對方,好快又到左放學….

龍一(仲講緊張相):實在太大比較啦!不如我地聽日再影過啦!如果唔係我怕你自卑呀!

樂兒(唔執輸):都話我靚得滯唔襯你架啦!好啦!聽日再照過個陣我盡量襯番你啦!

淋淋(係後面睇到佢地兩個講唔停):阿俊呀!唔知佢地兩個今日lunch攪咩呢?突然間又好似冇晒事咁!仲去照晒相添!真係服左佢地啦!

阿俊(好無奈):我諗樂兒係想龍一臨走之前留低多d開心既回憶掛!不過係咩都好啦!總之佢地而家開心咪得囉!希望佢地永遠都係咁啦!

龍一(好開心):咁我地聽日唔好揀呢隻底色啦!唔係咁襯我地套校服呀!不如揀紅色個隻呀!

樂兒(諗左陣):紅色好似唔係咁好喎!不如天藍色啦!我鍾意天藍色呀!

龍一(打樂兒個頭):你鍾意就得架啦!你而家同我去照呀!唔駛我鍾意架?你都傻傻地既!