上集講到:樂兒知道左龍一要走,就係佢地食lunch果陣影左貼紙相,佢地兩個心入面都好唔捨得對方,但係表面睇就好唔在乎咁….

Because Of Ryuichi~第廿一集~

好快龍一同樂兒都各自番左屋企…..

樂兒(一番到屋企,衫都未換就打電話比淋淋):喂?淋淋呀~!我今日好開心呀!我估唔到可以同到龍一照貼紙上架!我覺得得地而家既關係就好似拍拖咁!好sweet呀!係呢!淋淋呀!我想問下你識唔識織頸巾呀?

淋淋(聽到樂兒開心,自己都開心):我識呀!搵日教你織呀!樂兒呀!你介唔介意我問你d野呀?

樂兒(好奇怪淋淋咁講):我同你仲有咩唔講得喎!淋淋,係咪有d咩事呀?

淋淋(好正經):你而家同龍一咁好啦!你諗下龍一真係要走果陣時,你會點呀?

樂兒(down左):我諗….我諗我會喊囉!唔捨得囉!呢d情緒個個都會架啦!我唔信阿俊唔會咁做呀!

淋淋(好認真):咁到時係機場個陣,你會唔會同佢講話你鍾意佢呀?

樂兒(靜左一陣):……我諗我會掛!我都唔知架!睇下當時既情況適唔適合啦!

而係龍一屋企,阿俊亦都同龍一講到唔願收線……

阿俊(好唔捨得咁):你下個星期就走架啦!你執齊野未呀?你一放假就番黎探下我呀!如果唔係我會掛住你架!你去到東京自己照顧自己呀!唔好再唔執屋啦!臭架啦!

龍一(好感動):我又唔係走左唔番黎!況且我會同埋屋企人過去架嘛!你唔駛咁擔心我喎!總之我一有時間就番黎探你啦!好冇呀?

阿俊(好冷靜):係呢!你諗住臨走果日會唔會同樂兒講呀?你捨得佢咩?

龍一(好無奈):唔捨得都要捨得啦!呢個係好難得既機會,我又唔想就咁錯過左,我都想自己跳舞再跳好d架嘛!至於我會唔會同樂兒講,我驚我講左之後會更加唔捨得佢呀!(望住張貼紙相)阿俊呀!其實我真係冇諗過會鍾意樂兒架!但係唔知點解雖然成日都同佢嗌交,不過種感覺都好舒服,佢唔會比到壓力我!我係咪好傻呀!無那那同你講d咁既野!

阿俊(安慰龍一):梗係唔傻啦!如果你覺得講左心入面既野出黎係舒服d既,咪講出黎囉!我同你識左咁耐,有咩係唔講得呀?其實當初我都唔知自己會鍾意淋淋架!但係又唔知痴左條咩筋,又會鍾意左佢,仲同埋佢行添!我到而家為止都仲未知道,究竟我鍾意淋淋d咩!真係戇居呀!

龍一同樂兒收左線之後,大家都訓唔著,佢地兩個都睇住張貼紙相,個心都好唔捨得對方,大家都好想話比對方知,其實自己好鍾意你,可惜兩個都唔敢開口,時間一日一日咁過去,離龍一走既日子亦都愈來愈近,大家就愈來愈唔捨得,今日已經係龍一臨走前一日….

樂兒(好唔捨得):龍一呀!我想約你今晚係沙灘等啦!唔好唔黎呀!我有d好緊要既野同你講架!今晚見啦!

龍一(見到樂兒走左,個心係度諗):唔通樂兒想同我講話唔鍾意我?死啦!佢點知我鍾意佢架?

阿俊同淋淋幫龍一慶祝左佢有得去東京,好快又到左夜晚,龍一就好準時咁去到沙灘,點知樂兒一早就到左,仲用好多蠟燭插左~龍一~出黎添…..

樂兒(笑得好甜):雖然老土就老土左少少!不過我整左好耐架啦!唔好嫌棄呀!

龍一(好感動):係好老土架啦!不過睇你都插左好耐架啦!收住貨先啦!係呢!你….你又話有d好重要既野同我講既?係咩呀?

樂兒(好大反應):你唔好講住啦!等我講左先,首先,你去到東京個邊,記住比低個地址同e-mail我!要成日都寫信比我!仲有,呢樣最緊要呀!就係唔准唔記得我架!應承我呀!

龍一(拍晒心口):你放心喎!我實唔會唔記得你架喎!係喎!第時我走左咪冇人同你嗌交囉?咁你會唔會好寂寞呀?我怕你到時會好掛住我喎!

樂兒(扮嘔):我會掛住你?你今晚番屋企早d訓啦!你記住番黎探我地果陣要買手信呀!如果唔係唔好番黎呀!我地見手信先接人架!