上集講到:樂兒約左龍一去沙灘諗住表白,但係最後都係冇機會…..

Because Of Ryuichi ~第廿二集~

樂兒同龍一係沙灘傾左好耐,可能因為龍一為左去東京既事而好攰,所以同樂兒傾傾下曷就慢慢咁訓著左…..

樂兒(見龍一訓著左,喊住咁細聲講):龍一!我真係好鍾意你,好唔捨得你!希望你係東京搵到自己既理想,開開心心,咁樣我都會開心架啦!希望你永遠都記得我同你成日嗌交啦!!

龍一(醒左,見到樂兒係度喊):樂兒?你做咩喊呀?係咪唔捨得我呢?我好快番架咋!

樂兒(突然攬住龍一):你記住要快d番黎呀!我地個個都會好掛住你架!你仲要跳舞比我睇架!

龍一(睇下隻錶):我要夠鐘走啦!我屋企人係機場等緊我架!我地行啦!

樂兒(邊搭車,好唔捨得龍一):龍一呀!如果你真係可以做到歌手到時唔好唔記得我地呀!

唔知點解,時間好似過得特別快咁,架車好快就到左機場,而淋淋同阿俊亦都係機場送龍一….

阿俊(好唔捨得):你個死仔呀!唔好係東京掛住識女仔呀!比心機跳好d舞呀!寫信比我呀!

淋淋(有少少想喊):你過到去記得打電話比阿俊呀!如果唔係阿俊會掛住你掛到發癲架!

樂兒(拎左扮禮物出黎):龍一呀!你比隻手我呀!(樂兒將份禮物放落龍一隻手度)上機先准睇!

龍一(想喊):我走左你自己小心d呀!如果再撞到阿鋒,你話你約左我就好走啦!知唔知呀?

樂兒(打龍一):你個龍一!臨走都講d咁既野!係咪想我唔捨得你呀?你知我唔會架!

龍一媽咪(提醒龍一):龍一呀!我地夠鐘入閘架啦!如果唔係會趕唔切上機架啦!

阿俊(攬住龍一):你過到去要成日寫信比我!仲有要同我玩ICQ架!唔准唔上網!

淋淋:你過到去要比心機學好d跳舞,仲要跳比我地睇架!唔好失禮我地呀!

龍一(睇睇錶):我要走啦!你地自己咩都要小心d呀!我到左打電話比你地啦!

樂兒(強顏歡笑):咁你要加油啦喎!我等你跳舞比我睇架!記住上機先好睇份禮物喎!

龍一(眼有淚光):知道啦!多謝你份禮物喎!我真係要走架啦!Bye Bye啦!!

阿俊佢地見住架飛機起左飛,d眼淚就開始流出黎,佢地每個人都好唔捨得龍一,可惜世事往往係咁唔如意,轉眼間,龍一一去東京就去左三年,係呢三年之中,頭個幾個月佢地都有同龍一保持聯絡,但係過左半年就慢慢同龍一失去左聯絡,樂兒係呢兩年日日都聽住龍一送果隻碟,回憶番以前自己同龍一嗌交既片段,就係佢地好掛住龍一既時候,突然間聽到個消息…..

阿俊(拎住本雜誌,捉住淋淋):快d去搵樂兒,話比佢知呀!快d啦!

淋淋(好無奈):你做咩咁緊張呀?講咩比樂兒聽?(睇下本雜誌)點解佢會……

阿俊(扯住淋淋去搵樂兒):仲講咁多,快d去左搵樂兒先啦!我諗佢睇到一定好開心!

佢地去到樂兒屋企門口不斷拍門…..

樂兒(一開門):你地想拍爛我屋企度門咩?搵我咩事呀?入黎先講啦!

淋淋(邊入門口):樂兒呀!我而家比d野你睇,但係你要應承我冷靜d喎!好冇先?

樂兒(好鎮定):咁煩架?卜睇咩咁把閉呀?我應承你啦!講啦!

阿俊(比左本雜誌樂兒):你自己慢慢睇下!睇清楚d相入面果個係邊個?

樂兒(睇到本雜誌,呆左..):龍一…..龍一做左w-inds.成員!佢真係得左,佢達成自己理想啦!

淋淋(好開心):本雜誌仲話佢地下個禮拜會黎呢度舉行握手會呀!咁我地咪可以見到佢囉!

阿俊(扮嬲):我仲要問清楚佢,點解呢兩年幾連信都唔寄番封黎呀!攪到我地咁擔心佢呀!

淋淋(見到樂兒突然間喊):係咪太掛住佢,而家有佢消息就即刻開心到喊呢?唔好咁啦!

樂兒(好擔心):我同佢失左聯絡咁耐,我怕佢會唔記得我呀!如果佢真係唔記得我,又或者佢係東京已經搵到女朋友,咁我點呀?

阿俊(安慰樂兒):你唔好咁多心啦!你點解唔諗下,龍一會好掛住你,可能佢好想下個禮拜快d黎都唔定呢!你唔駛咁擔心喎!

淋淋(搭住樂兒):阿俊講得岩呀!你唔好諰埋晒d唔開心既野啦!小心龍一唔要你呀!哈哈!