上集講到:樂兒係雜誌得知龍一做左w-inds.既成員.仲知道佢會黎舉行握手會添…..

Because of Ryuichi~第廿三集~

緊張既時間過得特別快,好快又到左龍一黎既日子,樂兒今日好緊張..

樂兒(打電話比淋淋):淋淋呀?龍一會幾多點黎呀?不如我地早d去啦!因為實好多人架!

淋淋(好開心):知啦!咁我同阿俊而家黎接你啦!好冇?你準備好晒先啦!

過左一陣……..

樂兒(門鐘響起,即刻去應門):淋淋,阿俊,我地行啦!

淋淋(好快就到左會場):嘩!估唔到真係咁多人喎!好在我地早左黎咋!如果唔係冇位企添呀!

阿俊(又係度扮勁):梗係啦!聽講w-inds,未出道已經有Fans啦!而家就更加唔駛講啦!

佢地會傾左好耐,w-inds.終於出場,佢地唱歌跳舞,樂兒既視線就落左係龍一身上,樂兒見到龍一跳舞真係好叻!亦都睇得出龍一真係好鍾意跳舞,好快就到左握手,樂兒既心情好緊張……

樂兒(同龍一握手):龍一!你仲記唔記得我呀?我係…

工作人員(推開樂兒):握完手就唔好企係度,如果唔係會阻住後面架啦!

阿俊(好失望):龍一好似完全唔記得我咁!都唔知佢有冇攪錯架!

淋淋(好唔開心):我仲慘啦!我一句野都未講,就比d工作人員趕走左啦!(見到樂兒喊)樂兒?

樂兒(喊到收唔到聲):我地同佢失左聯絡咁耐!佢唔記得我地都好正常呀!我地唔應該怪佢架!

阿俊(好嬲):有幾耐呀?兩年就即刻唔就記得左,會唔會呀?我話佢成左名唔識人就真!

淋淋(示意叫阿俊唔好再講):樂兒呀!其實可以龍一忙得滯,一時唔記得左我地咋!

樂兒(平伏番情緒):算啦!不如我地走囉!我好攰啦!我想番屋企呀!(番到屋企,樂兒拎住同龍一果張貼紙相係度喊)點解,點解你會唔認得我?你知唔知我有幾掛住你呀?龍一!(就係樂兒喊緊既時候,門鐘響起,樂兒心諗)邊個係呢個時候黎呀?咁唔識做架!(一開門,呆左….)

龍一(攬住樂兒):我好掛住你呀!今日對唔住呀?我唔想唔認得你架!但係我係咁多人面前,唔係咁方便呀~對唔住呀!原諒我呀!你知唔知我果日上左機睇你比我份禮物,我好鍾意你親手織比我既頸巾!我戴住佢就好似有你係我身邊咁,好warm!仲有呀!你知唔知我睇完個封信幾場即刻落機呀!好想落機話比你知,我都好鍾意你!!!

樂兒(望住龍一):你講大話!你係鍾意我就唔會唔寄信比我!係鍾意我就唔會唔打電話比我!

龍一(好激動):我唔係有心唔寄信比你同唔打電話比你架!其實我個心有好多野想同你講架!伍係因為要學跳舞,冇時間寫信比你,我學跳舞次次都學到好夜,我怕我打電話比你會嘈醒你!我應承你呀!唔會再有下次,以後日日都打電話比你!日日都寄信比你!好冇?

樂兒(好感動):你知唔知係走左咁耐!我就掛住你咁耐呀?你今日唔認得我,你知唔知我有幾傷心呀?我岩岩係度喊緊,你就黎左搵我!你以後都唔准走,知唔知呀?

龍一(攬到樂兒好實):我應承你!我以後都唔離開你!我永遠都會係你身邊!好冇?

阿俊(笑得好奸):唔知龍一同樂兒而家係度做緊咩呢?

~完~