初次買板別冊
究竟買板果陣係點?需要注意d乜?...以下一一為大家說明清楚......
1.梗係要帶足錢啦..香港賣一Set板差不多$800~$1000蚊到,就即叫即砌既.(唔計"玩具反斗城"或者"吉之島"果D)
如果係"玩具反斗城"或者"吉之島"果D就$200~$500蚊到,就係現成一塊塊擺係到....不過一分錢一分貨....
仲有砌板加塊Riser Pad係個Truck同板之間係加約$50既(用處:加大板與板轆之距離)...[買塊好d好過第時要換]
要Truck好d靚d係要加約$50既...
2.雖然塊板外觀係重要..但係唔同牌子既板有唔同既大小板身/弧度,必須適合自己...
(可以借朋友果塊試下先)
3.板轆-轆大就越快,會容易仆親..板轆通常都係以mm去計算.. 52~56mm就差不多...仲有轆都有軟硬之分,
通常硬的比較穩,但係比較難跳,但落地會比較穩，軟既就相反....
4.板鞋-我諗平底鞋己經可以(目的為左增鞋同板既接觸,所以平底)..要自己去鋪頭睇過,試過,岩自己既就最好..
5.板衫板褲-推介鬆身既牛仔褲為板褲,(可以買較大size)牛仔褲唔易爛..又比較可以保護對腳(只係比較!)..
板衫都係鬆身既就最好(也可以買較大size的)....
6.帽-其實唔係必須既..不過太陽勁曬,咪可以載囉......