密切留意!
'廣告人生' 快將出版,
多謝支持.

香港人, 向'上' 游吧!!
Nic, 廣告創作人.也是美術設計師. 創作作品無數. 近年抽空作客席廣告品評人,

提倡小刀据大樹, 小鼠咬大象, 小鯉吞大鱷 等理念, 為作業方式, 或策略, 配合實際環境 和創意, 適當包裝, 作有效宣傳, 打低對手.

所以那些千金豪宴款親朋, 重金禮酬招大明星拍廣告, 絕對舉腳趾...反對!

重金 請我 阿 Nic 度橋諗計 就另計. 嘻嘻!



廣前告後


這個網之建立, 目的是, 要對現今香港電視廣告之參差作出一些意見; 完全是好言相向, 沒有一點惡意. 正所謂塞錢入你袋. 請各位創作阿哥, 美術大嫂 和 客户 等, 得閒“轉多一兩轉”!!
"... 當然要睇 budget 做事啦 ! 只要有適當選角; 不一定要用太多 special effect 或電腦特技 ! 簡單畫面, 有感情的 和 到肉標語 / slogan, 贏哂 !! 那些過千萬大製作已過時 (不包括買黃金 air time), 完全呃飯食 !! ..." Nic 說.

評分準則以 10 分為最高. 以創意和片中人物樣貌和表現為重點. 零分都冇, 代表你要檢討吓 !

鑑於 '廣告人生’快將出版, 此處的編幅將暫停. 冇辦法啦! 想睇唔該儲定 $45.元, ^^. Coupon 快做好, print 出嚟限期前去買 $35.元有得睇, 謝謝 !





多謝各位曾留下腳毛, 在此停留! 如有意見, 請大方留下 email address; 不要只是寫 - 我係@.com ! 冇意思的 ! 你所提及楊千嬅的“水水問題”, 我會考慮放入‘廣告人生’裏面! 笑! ok?
12:05 21-6-2004


Fancl 燒脂保齡球, 兩枝筷子'霸'住個畫面 ...^^ 阿詠琪妹, 唔好意思, 我明白你做了該牌子代言人, 但個美指係咪... ^^ 咪隻手瘦咗就影隻手, 個波縮咗就 close up 影住, 硬崩崩, 影標本影死屍咩!!!? 講真, 佢隻腳就唔係靚, 同擺兩條樹幹有乜分別? 個姿勢十足跑馬拉松之前做熱身咁, 拉筋? 定還是想博鬼佬導演睇中做出年嘅 James Bond ? ^^, 冇眼...!! 亦都唔好將佢隻腳好似萬里長城咁掃 ! 人哋利加兒個 Extrim 就平靚正, 扺錫, hm hmm !! (雖然冇創意, 是一般穩陣描述式.)
創意度: 分.
省鏡度: 分
00:15 23-9-2003 (06:47 2-10-2003)


Sammi 在 Yahoo 賣的 ... 網上廣告, 大暴走, 邊個 係攝影指導? 個低光打得好... 恐佈!! 不配合大暴走意境!!! Paco 留意吓嗎 !? 話哂曾賓主一場嗎 !?
創意度: 分.
省鏡度: 分
12:50 20-9-2003


Samsung 冷氣機 今次我要講嘅是巴士車身上, 廣告海報的黏貼位置. 有乜理由將 Kelly 嘅胸部或奶頭放在 上層排水口 位置? 離譜 ! 每逢落雨天就 ... ^^ 其實解決辨法向左或右移動六吋就 ok 了 ! 一定是貼海報那九巴阿哥有心玩小趣或搞自我滿足, 那設計的 美指也有責任, 你唔好話我聽你唔知巴士嗰度有嗰o隆 !! (俾我接到三星 呢嗰 project 就好 ^^)
創意度: 分.
省鏡度: 分
08:30 14-9-2003


Rejoice 洗髮水 片中男主角在 salon 門外訪問, 問女士們為甚麼要到髮型屋洗頭嘅意見, ... 那個被邀請洗頭的女仔和男主角應是親兄妹 ! (事隔十年, P&G 同 LB 嘅合約唔知完咗未?)
創意度: 分.
省鏡度: 分
17:35 7-9-2003


SK IISammi 呢一系列嘅廣告 真係越睇越煩!!! 當曰第一條片出街時, 她會有句用重複字組成嘅, 類似 “班班班”嘅口頭禪, 或嗡嗡嗡, 嘟嘟嘟, etc. 起初睇時幾娛樂性, 但 當第二、三、四條片出現時, 那自說自話 扮演兩個角色,和受撰稿佬所迫要在二十秒內 一輪嘴, 成個儍婆咁, 鼻聞聞說“... 又黑又白又黑又白 ...最後變番白, ...包公都話... ”如果唔係嗰廿萬, 佢都唔會... 唉!總知好厭 !!
創意度: 背景布置 6 分.
省鏡度: 鄭秀文 6-7 分
16:25 30-8-2003


Biore 除黑頭鼻貼 只是一般使用前後的, 對比式廣告. 一對男女在火車裡相遇 ...... 我只想 emphasize, 請個位所謂美指, 唔好咁核突, 用實況式來表示, 那些用鼻貼吸出來嘅油脂黑頭. 晚飯時見到 真冇胃口!!!
創意度: 0 分.
省鏡度: 條女 7 分
00:25 29-8-2003


寶寶金水很普通的一般賣唱式廣告. 但小孩的高聲調和用普通話 唱出, 令人留下深刻印象. 但我奇怪此商品在 香港 與 華南地區 相比 的市場佔有率會是... 哈哈 !!? 那些寶寶就非常一般, 媽咪就幾賢淑.
創意度: 0 分.
省鏡度: 寶寶 6 分, 媽咪 8 分
00:02 29-8-2003


雪完美首先個名改得差, 雪藏之後就會美???改名規則, 最怕得出嚟的效果是雙重意義或令人有誤會的可能; 例如施慕露酒, 屎冇腦酒 / 屎冇腦走!!!? 另外女主角李彩樺 講完 雪完美 之後, 立刻 訓落張床, 好似俾人開槍“辦”瓜咗? 冇好好運用鏡頭, 冇乜 close - up, 邊個乜水導演拍架? (剛剛從中午新聞報告見到 一個大約 五十歲 的肥哥哥 在漁類批發市場做的, 被問及海鮮養水問題, ... 他的 名字是 李彩華. : ) 14:27 4-9-2003.)
創意度: 0 分.
省鏡度: 6-7 分
15:33 28-8-2003


大班冰皮月餅選角有問題, 個男人很樣“X”, 左右兩個後生仔女坐喺度戴住對眼鏡, 擺明成 look 木, 毫無表情, 一啲都唔 cool, 有個shot還突然有個女仔出現在嗰兩個男女旁, 和個老母一起問 喺咪大X先.
想拍故事性廣告, 但又不到岸!!! 亁脆 搵幾個散工在旺角擺檔 或 商台門口 大叫廿蚊個大班, 分分鐘郊果更好 !! 背景音樂又唔啱 feel. 這“家人”可能是該牌子皇親... 哂錢買 air time, 換來個吉, 完全冇突出商品特點, 可悲!! 乜鬼人諗出嚟? ( 仲有, 大班嘅 logo 設計得差 ! )
創意度: 0 分.
省鏡度: 0 分
12:23 28-8-2003


爽朗橙薑香口糖 首先講講條女幾似藤原, 有點衰衰冷艷, 另外佢切薑隻手太成熟; 先前個版本是見到佢成個胸口, 左右兩條不對稱嘅肩帶, 可能是另類內衣, 也可能是個喊濕導演和美指嘅“自”我滿足,... 但 那客戶也收貨, 應也是男的!? 另外加插了女子夜回家被變態佬追嘅喘氣呼吸聲, 用森美說出“...估唔到旣驚喜...”可惜一啲驚, 一啲喜,都 ... 冇 !!
創意度: 利用 special effect 將橙和姜 嚟個 fusion, 7 分.
省鏡度: 條女 8 分
11:38 28-8-2003





如果有甚麼廣告看了很不舒服, 可打去 廣管局 傾吓.











想問我乜? 想發表乜?






話俾佢知, 分享呢個網?

請輸入你朋友的電郵地址:





列印

'廣告人生' - 特價書劵












每日一鏡!?

本網站之內容, 未經作者同意, 不可以任何形式、途徑, 作部份或全部之抄襲、複製、轉載 或公開 發表. 如違必究.

雅虎新聞

Thanks for Microsoft lending the midi sample temporarily as this site's background music.

Site Maintenance

Counter