嘉義車站

原定04:03就會到嘉義車站, 但半路中途死嚟壞車, 要喺無冷氣又開唔到窗嘅車箱內等換火車頭, 原來火

車頭係可以換ga!? 我一直以為火車壞咗就成部壞嘅添~!

雖然係咁, 我都係照訓, 但兩個團友就慘d, 訓唔著lor~ 而且都唔係唔好晒嘅, 因為班火車比原定時間遲

咗個幾鐘, 原來誤點過咗1個鐘或以上就可以退票, 一個月內到目的地或者購票嘅車站攞番張車票俾佢哋就會退

番錢. 咁樣我哋每人慳咗NT$460呀~ 亦因為咁, 本來我哋要喺車站坐2個鐘等巴士上阿里山, 而家只係坐半個鐘左

右就得la~!

05:24至到嘉義

仲有半個鐘至有巴士, 四圍影吓相、去退票、去廁所、買定聽日返台北嘅國光客運車票, 唔好晒時間ma~

其實我都好想搭火車上阿里山ga, 但睇到d時間

一出嘉義車站嘅左手邊係國光車站, 而右手邊就係嘉義縣公車站.

其實最好上網睇清楚d班次, 唔使諗住早d去到買定車票, 因為個售票處只會喺開車前15開, 到公車開出前5分鐘左右就會close.

以為d公車個外表靚啫, 上到去裡面都好靚好乾淨, 而且d位仲好舒服添~