郭羡妮擇偶要求特別

文： 樂 林

郭羡妮昨日為無線新劇《絕世好爸》拍攝海報，她透露近日除忙於拍攝《絕》外，還要拍攝古裝劇《帝女花》，忙到連睡覺時間都冇，她說：「最近真係好辛苦，工作壓力好大，尤其拍古裝劇Ｄ對白好難背，冇時間 睡覺，個腦仲一片空白，你話點背？」

談到近日有很多人因壓力太大而自殺，郭羡妮無奈地說：「依家我唔鍾意睇報紙，因為成日有好多唔開心既新聞，自從麻麻過身之後，我覺要更加珍惜身邊人同自己。」她透露現正四出尋找良方以減壓，她說：「平時我都有做按摩，同聽古典音樂，但最近聽朋友介紹耳仔燒蠟，可以令頭部輕鬆Ｄ，我都好想試下！」她笑言絕不會效法他人用飛車發洩減壓，她說：「飛車我好驚架 !反而我會開慢車、絞低窗，令自己輕鬆Ｄ！」
郭羡妮會做按摩及聽音樂減壓。

成報 16/4/02

郭羨妮唔會飛車減壓
 

昨日郭羨妮出現電視城，她表示最近不斷拍劇冇得休息，連睡都冇得睡。所以有朋友介紹她採耳減壓法，她表示自己之前的減壓法是收工後去按摩一小時，或者聽一些古典音樂，畀Ｄ空間自己。

　她表示現在有兩個劇在身，如果成日唔睡就會好傷身。問到她會否以飛車來減壓？她說：「一定唔會，我驚架!就算平時收工我都會慢慢渣車返屋企。」她又勸大家做人應該放鬆Ｄ，因為現在看報章新聞，大多數都是一些自殺的新聞，她坦言看了之後會很不開心。問她出道以來屢傳緋聞，會否覺得唔開心？她說：「以前都會，但依家習慣左唔會啦！（咁係咪百毒不侵？）係呀。」

採訪、攝影：簡力斯

郭羨妮最近連拍兩劇，令壓力愈來愈大