我玩第一隻online game就係網三,去左GS1,我個陣時都唔知有咩野名好改,就改左做"弱者",係網三裏面我第一個幫會就係"輝煌家族",係裏面咩野都唔識,d人又唔講野,又無得傾計,所以之後我出左輝煌,入左武神玩下,個陣時"武神"又係好少人,所以我都唔夠一日又走左,之後聽到我個fd講話有一個幫會叫"銀狐",佢話呢個會有好多都係自己人,所以就入左銀狐,但係銀狐個陣時未連署好,所以我地d人個名前面要加兩個字--銀狐,我入左去之後有好多事發生,最記得以前我係一個城(好似係許昌),我打緊3c,有個x街仔(醫士)行過黎搶打,根住我就殺左佢,之後佢call左一個會員--AXC(二轉),我就想叫人造人(31499)黎講數,未講已經比佢k死(因為我同人造人都係一轉廢柴),我同人造人就不斷死左又返去k個醫士,始終都係唔夠佢地打,咁就開始新天下同銀狐的決戰,AXC係漢中k死銀狐(某中一個會員),我地個會員就即刻call馬,叫曬d人去圍佢,但係個陣時阿光動(銀狐幫主)又無online,618又唔係度,小聰子又唔見,落泊(炎陽堂堂主)又唔知去左邊,阿感(黑血堂堂主)又唔知死撚左去邊,除左呢幾個我地就無勁人(遊戲中),去o的人只係有人造人(31499),三風(狂風(4個字唔記得左),烈風(119272),暴風(119305)),我(6754),小霸王(121538),仲要係全部都係一轉......咁樣唔輸就奇......佢一個人好容易就咁攪掂左我地,呢件事之後仲有好多野發生,但係都唔記得左lu,另一件事,都無咩野特別,只係一個二轉(泰(41568))(五大)比人盜用左ac,佢就係度亂ban人,呢個人真係無聊,但係我地又好耐先改到五大,佢就係咁一直ban人,我地就一直同佢玩(洗佢頻),整到我地銀狐成個會我返五大,其他人就比佢ban曬,仲有其他事,呢個世界上(我係指係遊戲上香港的sever),如果cheap o的話,多數會成日比人k死,有一次,我同暴風,烈風,小霸王係一個城(好似係有好多4c)度練功,點知有兩條仆x(二轉)(聖修羅)過黎k死我地(可能係見銀狐cheap......)我地無辜死左就根本上無得報仇,只係記住佢個id,等遲d有機再報,係咁o的情況下,阿光同其他會員就提出話去GS4(祕密練功),之後經過全部人o的意見,結果讚成去GS4,只係剩返一兩個係GS4
GS4的生涯無咩野特別,我個名變左做"伊東 輝悅",敵(31499)又改左做"迷之敵人",之後佢又改名做"敵",烈風改做"煙仔"一開頭都幾和平,練功的無搶打,r3的無殺人,只係有能力派,物價平左,但係之後有個組織好撚串--天國(見銀狐就殺),佢地其中一個會員--JACK,成日同阿光係全頻度互串,串完又係度隻揪,揪完又串......佢地就係咁,兩個人一online就開始互串,其實GS4都無咩野血腥事件(遊戲中),係度得閒爆下粗,過了數星期後,我二轉左(蠱師),我個名又改左做"忍",有一次我去攻壇,出現左奇蹟,我打聖獸個一下,令到個壇變成係銀狐(只是一日),我就得到了神殿蠱袍,之後敵經過連續幾次的攻壇,又得到了另一樣野--總壇蠱具,佢無條件咁比左我,真係好!!^^,我以前是經常去山寨打寶物(七彩,朱雀),我幸運地又得到了七彩蠱袍,七件野都可以算係好值錢o的野,前兩件的野可能全GS4都無,所以你話幾值錢^^,但係有一日好黑仔,d仆街事就開始發生了,我去山寨死左3次,連續唔見曬3樣野(係一日內).......＞＜.......哥一日我就去r1放完毒(無力,毒殺)比人,又走去r2放毒,再去r3放毒,整到佢地無得練功,可能比埋d NPC k死,放到d人係全頻爆曬粗,我哥日簡直係瘋了,肯定有好多人珍我,但係有好多人都幫我講野(維護我做事--放毒比人),我好多謝係網三識的fd,佢地成日幫我(由其係煙仔........ccc),之後我就發覺係網三已經無野好玩,我就開始無升lv,只係係度同人傾計,之後無月費,"忍"就係網三從此消失,我最後將6754移民到GS7(因為銀狐d人又走去GS7練功)
網三結束後,我又走左去玩龍族兩個月,去達xxx(台灣sever),一聽起台灣sever,就可能會知道如果香港人去玩的話,溝通肯定唔知佢講咩野,仲會肯定自閉練功,但係台灣sever都有好多優點,d台灣仔成日都會幫人(例:無條件比錢,無條件比人能力,如果自己比人殺左可以即刻call馬幫拖),根本上如果玩熟左龍族之後,就唔洗怕裏面o的溝通,根本上佢地講d野就好似我地平時寫的書面語,有時加了一d注音,無其他特別,無溝通的問題,根本上台灣sever都幾好玩,但有一個好嚴重的問題,就係我地都係香港,sever係台灣,如果佢地lag,咁我地咪會仲lag,咁就唔知點玩好,宜家龍族隻game主要是lag的問題,咪知都唔會少左咁多人(香港玩家),但係我都希望佢會有改善,宜家我都無玩幾個星期lu,裏面o的弓箭手同埋賊根本上我同識好多,仲有好多係勁人,以前練功真係好,有好多勁人帶,我都得到好多經驗
宜家我就期待緊金庸的來臨,希望唔好好似網三咁x,但係我發覺中華遊戲網好食錢,有消息講話金庸o的月費係限量出售,之後就要買點數黎玩,咁仲唔係擺明食錢咩!!但係咁樣始終都係一d消息,唔係官方的~~~~ccc,我都相信金庸唔會好似網三咁,大家就密切期待金庸吧!!
25-06-2001
CHR(忍)