今日係1/16~
真係好耐好耐都冇寫日記喇~呢排有好多野唔同左~
就緊係冇留係屋企寫日記啦~
成日都想寫架喇~但係成日都唔得閒^^~
呢排我學緊踩板呀~但係我又冇乜平衡力~所以好驚呀~
仲有呀~呢排又開始夾band~我地諗住夾天空~
係呀~因為我想買塊板~而家我就要慳番D錢~
一個月要有1000蚊~叫阿O幫我~
我而家有90蚊係佢度喇^^~
一個星期我有250蚊~我要買板板同板鞋~但係自己乜都未識~
Gap西~水賢~同阿O~已經識跳喇~我仲係行緊>-<~
唔知點解我踩唔到直線~唉~
係喎~講左D咁近期既野~講下我生日~
我生日果日係我過左咁耐既生日以黎~最開心既~
我唔會唔記得....一定~
好喇~係1/11既早上~我已經聽到唔少人同我講"生日快樂"~
仲收到曉雯~家麗~April既Birthday
Kiss!!~
之後到lunch~我應承左同YoYo佢地食Lunch啦~
點知阿O又叫我去~之後大姨媽又叫我去佢地果度喎~
但係我約左YoYo先~所以就同佢一齊~
上到去~佢地竟然用個"講大話蛋糕"(雪芳蛋糕)做Birthday
Cake~
插左兩技candle~之後唱生日歌~
我許左個願呀~我要我鍾意既人鍾意我~!!!
之後呢到左放學~我番屋企換衫~再出尖咀~
佢地去左新港打左陣機~
大姨媽黎左~但係佢好似唔鍾意佢地打機咁~
過左一陣走左喇~.....
之後我同阿O佢地去左玩具反斗城~睇板板~
開頭佢地諗住買塊畀我既~但係話果D太cheap~
如果係買既話就買好d~之後就去左哈迪斯食野~
果間就係浩民係暑假做果間喇~我去都第一時間望下D雞~
諗起浩民既"頭皮雞"~我就起雞皮~所以冇食~
去完之後我地係海旁行~
有戲飛派~我地成班走去睇啦~<<黑鷹十五小時>>呀~
好似好正咁~好可惜~兩日後都冇機會去~去到海旁~我地去睇人踩板~
真係好勁呀~>.<~我都想呀~之後我地定立左將來既夢想/理想!!!~
好開心呀~之後阿貓同阿慈又出左去喎~
咁我地就過左旺角搵佢地啦~
阿慈佢送左隻bear bear鎖匙扣同埋一個mini
disco既射燈畀我~
飲完野~我地就未食野~諗住去食野啦~行左一陣~
阿O話"如果今日有個生日蛋糕就好喇"
跟住過左一陣~我地個個都唔記得頭先果句野~
連阿O都唔記得果陣~
阿慈話"我想去買D野呀!!"
"買咩呀??"我問佢~
"你唔好用D咁既眼光望住我呀~我唔會再買野畀你架喇~送左畀你啦"阿慈話~
"我都冇話我要.....我陪你去買丫"我同佢講~
"唔駛喇~好快架咋~"阿慈想走果陣~阿貓同佢講"我陪你啦!!"~
"唔駛"咁就走左~
我地係糖水鋪等佢~o岩o岩到左十二點~
係抬面有人放低左個蛋糕~我又唔知邊個~心諗"乜糖水鋪D人知我生日咩~??"
我即刻望下後面~原來係阿慈~
我地個個都好突然~我估唔到阿慈會咁做架!!!~
我望住佢~喊左出黎~阿O佢話呢D先至係friend~
阿慈都喊左出黎~.......真係好感動呀果晚~
我諗番起同阿慈一齊係石籬既日子~我地兩個都脫離左呢個生活圈子~
各有各的精彩~但係我地既友誼係唔會變架^^~
算啦~我唔講喇~遲D見啦~bye bye~