犯賤

我愛的人．愛我的人

係icq~成日收到一D message~話有d人唔識珍惜~有人鍾意佢果陣~佢唔理~

去鍾意一個唔鍾意自己既人~但係唔會有結果~人地話佢犯賤~

但係你既然唔鍾意鍾意你果個人~都唔好浪費大家時間.......

我係會為左自己鍾意既人放棄鍾意自己既人架~

　呢個就係愛同被愛既選擇~

曾經睇過一篇文章~係講愛同被愛既~

一面d人就話被愛好d~一面d人就話去愛一個人好d~

呢個理倫就好似~有雞先定有蛋先既理論咁~

你覺得係有雞先~人地冇理由話你唔o岩~因為都冇絕對既答案~

我睇果段文章果陣係度諗~我一定會做被愛果個~

但係~原來到左現實~我係o岩o岩相反~我揀左去愛~......

對住鍾意自己既人~我唔可以話鍾意佢~我同佢一齊既話~

係想當佢水泡~定係o係佢身上搵我一直所想要既被愛呢??....~

我都唔知呀~每當我同佢一齊既時候~好唔知點~呢層佢都睇得出~

今日我睇左一本小說~係張小嫻既<<三月裏的幸福餅>>~

有一段~好正架~雖然同呢個題目唔o岩~

每個女人都希望生命中有一個楊弘念~一個徐文治~

一個無法觸摸的男人~一個腳踏實地~

一個被你傷害~為你受苦~另一個讓你傷心~

一個只適宜作情人~另一個卻可以長相廝守~

一個是火~燃燒生命~一個是水~滋養生命~

女人可以沒有火~卻不可以沒有水~

我係鍾意另一個人~佢係知架......~但係佢點解仲話想同我一齊~佢真係好煩呀~>_<

佢知我做既一切~係唔鍾意佢~點解佢仲係咁~

就好似我對耀仔咁~我以為我唔鍾意佢~但係~原來我唔知~我原來係鍾意佢~連我自己都呃埋~

到左佢生日果日~我已經知得一清二楚喇~

而家~我連佢既電話都唔想聽~佢既人就緊係見唔到仲好~

對佢冇任何既幻想~冇任何既思念可言......~

我唔知自己點解可以做得咁絕~所以~我知就算我自己點被愛~

都唔會得到幸福~我不如去愛~

你又會點揀??~去愛定被愛??~

每個人的一生中都會有一個自己最愛的人和一個最愛自己的人~

要是二者是同一人~而最後大家可以在一起~這是最完美的結局~

要是二者不是同一人~便作出取捨~

這是愛與被愛的抉擇~

<<我愛的人,愛我的人>>-----梁芷珊~