今日係2/8~
今日終於都update晒D網網喇~日記啦~相啦~
D friend果d資料都update左喇~
尋日我病左呀~前晚同阿慈出左黎之後~
點幾番到屋企~兩點幾訓啦~三點幾就嘔呀~
好辛苦架~之後五點幾又嘔一次~六點幾左嘔~
跟住媽媽叫我唔好番學~之後八點幾再嘔~
唉~十二點幾仲嘔緊~嘔到得番D黃膽水~
好苦呀~又唔知咩事喎~
都冇睇醫生呀~我不嬲都唔鍾意睇既~
今日我又早退~因為係學校畀D先生激到就黎死呀~
我等左十三張半個幾鐘~佢先理我~我不過係著左對波鞋番黎咋嘛~
唔通對鞋爛晒都仲著咩??
咁咪走囉~今日係最後一日番學喇(假期前)~
都咁攪既~真係仆街!!!~
尋日同阿O傾左好耐電話~佢好想練好D鼓~做到最TOP~
我都要呀~佢話我應該要彈到好似李雲迪咁勁喎~
我要得既就實得~但係有冇恆心呢~又係另一個問題喇~
我媽媽又做多份工呀~朝早六點幾就要番工喇~
佢做左三份工喇~佢好辛苦架~所以我要讀好d書~
彈好d琴~唔想媽媽咁辛苦~
以後都要自己一個番學喇~
以前媽媽日日都送我番學架~
我要學獨立喇~
我好鍾意我改畀大姨媽果隻<<最愛演唱會>>~
我花左好多心機架~!!!~
聽日我應該去剪髮~買衫~同埋買個新既書包~
有500蚊呀~heeh~
頭先耀仔又叫我同番佢一齊~
但係我拒絕左~因為我唔想再同佢散~
有時會覺得......同佢一齊既記憶係取代唔到架~
個結局都出左~又點解要再一齊改變歷史呢??
我仲有鍾意佢~
佢同我講~我同番佢一齊既話~唔會再同我散~
但係~我有我愛既人喇~無謂再做D冇價值既決定丫~係咪??
我同佢已成過去式~再執著都冇用~
呢份感情~等時間帶走佢啦~
保留我同佢一齊過既記憶就足夠喇~
咁諗o岩唔o岩呀??
呢期星妹又愛上<<艷遇>>呢首歌呀~
sammi架~聽過未呀??~