新Monday: 關心妍唔做小雪影子
(這是21/6/2002出版的)
內容
關心妍出道以來, 好多人都將佢和同門師姐小雪比較, 而正當小雪既人氣急跌之際, 阿Jade就乘住個勢成為公司力捧對象. 不過, 似乎佢就唔想走返小雪既偶像派舊路, 點都話要自己既音樂天份, 做一個百分百實力新人, 誓要擺脫"翻版小雪"既外號.
外國做煮飯婆
"十零歲個陣就同哥哥去左外國讀書, 媽咪同爸爸並冇跟埋我地一齊去, 佢地留番係香港工作, 搞到我同哥哥係個邊要相依為命, 所以咩家務都要自己搞掂哂. 個陣時我放學返屋企, 就要煮飯, 其他家頭細務就留番俾我哥哥做. 不過係個邊讀讀下大學就決定返香港做歌手, 媽咪本來唔係咁鍾意, 希望我讀完個大學先算. 後尾我一意孤行之下, 媽咪都冇哂我符啦! 不過我都好多謝媽咪而家咁支持我."
我有既係天分
"細細個我已經好鍾意唱歌, 成日都參加好多歌唱比賽, 都得過唔少獎架! 我既表演慾都可以話俾一般人強, 尤其是拎起Sexphone個陣, 唔使花好多時間去練, 都可以好快吹到一首歌出黎, 我諗呢的係上天俾我既音樂天分啦! 不過最開心係我有一把靚聲, 其實我真係唔想白白徒左佢囉, 我一定好好善用, 所以我選左呢條路, 以唱歌為我既職業, 其實我而家真係好enjoy呢種生活, 成日可以唱歌真係好開心."
圖片