阿*Ming*長州之旅
2002年5月24日我同0左幾個好好朋友一齊去0左長州camp,好開心0架~
0個日我地0個0個好開心,因為12點幾我地就0係中環搭船向長州進發,入去原來一個鐘都唔駛,我地入到去仲未有得拎房,因為我地2點先有得拎,之前打算去好出名0既"張記"魚蛋粉食野,不過去到~哇,好似好好舊禁bor!好似唔係好乾淨禁bor~所以我地到最後都係去0左人人都愛0既"麥當奴"食野,哈哈...不過行去0個時好多野吸引0左我地,有好多野買呀~0的手鏈好平0架~又靚呀~
左上~YEAH~開船喇~一上船0的野又四周圍 放喇,不過都要影返張相留念呀~
左下~你睇!Toni同Winki一見到0的平野就失曬儀態喇,比我偷影唔知道~
右圖~阿Ming難得到長州,梗係要影返張相留念一下~不過因太早起身,神情比較呆滯~
同場加影~原來著拖鞋都會整到腳爭0架~哈哈.
食完野之後我地就去拎屋喇,好緊張呀~我地今次租0左東堤,雖然人人都話好猛,不過我地都無有怕,哈哈..我地拎0左鎖匙之後就開始睇住張地圖搵屋喇~點知道搵來搵去都搵唔到,行0左成20分鐘先搵到呀!熱到出曬汗,搵到之後,我第一個感覺係好白,因為佢0的色座座都係白色gar!有0的心害,呢一殺那,我地又發現0左一個問題,我地拎錯0左鎖匙,我地租12H 0架ma!佢比0左12F 我地,我地又要出返去拎返條0岩0既,又出0左一身汗喇~幾經辛苦,我拎都可以去開門喇~入到去.即刻鬆曬,唔駛拎住0的重野.之後我地就出去租單車踩,好耐都無踩過~唔知道仲識唔識~哈..哈..我地踩0左去西堤0個一邊,踩住架單車0個時覺得自己好似好'大自然',哈哈...之後踩到差唔多,我地就去0左買野準備夜晚燒野食,我地去0左街市買野之後順便去0左碼頭側邊0個度買褲,好靚0架!又抵!之後我地就踩返屋企,放低0左0的野之後換埋條褲,哈,好好笑呀!之後我地去0左沙灘玩0左一陣,影0左幾張相之後就踩單車出去接埋入緊黎0既朋友仔~
之後我地買曬野就返0左屋企,整好0的野之後我地就開始燒野食~好好味!哈...之後我地燒到成11點幾,出0左去行0左一陣,見到原來長州0的人都好鍾意飲夜荼,好夜都好多人,行到去碼頭,哇..哇..好多野食呀!有糖水,腸粉,生菜魚肉,碗仔翅,串燒喇,仲有好好抵0既煎釀三寶,仲要係2蚊3件呀~哈..好抵呀!不過我地個肚食唔落喇,不過最後之食0左生菜魚肉同碗仔翅,好味道呀~之後夜晚仲玩啤牌玩到五點幾,之後第二日我個個都好累,一上船就訓到好似死豬禁呀~
上圖~會令人不安~>__<
