"私"日記
29/8
明天就收樓啦，由唔緊張到好緊張、再到唔緊張．．．好開心今日他請了半日假陪我去律師樓辦理手續。在那兒咁橋撞到旳將會住係我樓下的鄰居。之後我們便行去灣仔搭2x回家，點知大塞車喎．．．最後都要係灣仔下車轉地鐵回家．．．
有人話間屋和大堂好靚、又有人話好唔掂，好多地方有問題．．．真係好睇你好不好彩喎！
感受到您的支持和關心！
氣氛怪怪的．．．．．
28/8
昨天黃昏時阿丘約我去她家訓一晚，咁橋又同屋企人嘈完順理成章把一早的約定變成好像離家出走事件般！唉．．．．不過，經過昨晚的發洩的確悶氣消了不少，也起碼終於有人願意用心去聽我想講的東西，不會再係自己同自己講，原來我不是自閉的！不過
始終很多東西還需要大家去調協，不是一時三刻可以解決到，前世真係同阿媽調亂骨頭的，成日都係咁，又或者大家都係白羊座的關係，總愛堅持己見的！
原來由將軍澳返工都要一小時十分左右。連續三個會議．．．悶悶．．．還要開電腦科，一向開會時都是聆聽者，但變了主持人感覺卻怪怪的！快D請到個TSS啦，咁我先可以透下氣呀！現階段跟本唔夠時間理個網頁，快點請到他就可以救命！
今日好叻女呀！人人開完會雞咁腳走，而我就繼續做，把所有小一新生的學籍冊填妥晒才走，寫到手軟呀！不過．．．勤力自然就有獎勵啦！明明累到傻，放工本來見到99好想上車，但又唔知點解無上；去到銅鑼灣本來可以搭2X或地鐵，但又無行向個個方向，當走到小巴站差點上車了，卻手提響起來，當然是我最想聽到的聲音啦！好野，雖然係短短一會兒的見面，但對我來說已好滿足了，當然希望有更加多的見面時間啦！
我驚又要搞間屋，又要考試，又開學．．．都係送定盒月餅比您們先啦！仲有．．．
又想您明天可以請到假陪我喎，但又明白工作的事好難講喎，順其自然吧！！
27/8
昨晚在床上呆滯、想下、喊下足足三個幾小時，差不多到四點才可以叫做訓著覺．．．真的有想過食粒安眠藥一覺訓天光算了。究竟係因為屋的問題還是考試的問題呢？今日又係一隻呆若木雞的傻瓜咁返工，開始一堆堆的工作殺埋身，自己好想做好一點，這樣才可以避過那些不必要的麻煩，不過麻煩要來都避不過的．．．
英文科會開到痴晒線，超時超到．．齊齊開到呆晒，但下午兩個會卻高速地開完，所以贈送了個零小時給我做野，實在太好了！四點收到丘的訊息．．．結果一去了教協入貨．．．
今晚食飯時都應該算是叫同阿媽鬧了場交，初時明明氣氛都叫ok的，但越講越慶，終於將咁多日累積下來的不滿和屈住的不開心發洩出來。真的好想平心靜氣講出來，但係．．．唉．．．．點解會咁．．這就是能醫不能自醫，成日教人和幫人分析事件和解決問題，自己的卻偏偏不能好好處理。而她的態度和回應更讓我覺得自己真係一個白痴咁．．覺得真的好無助、好孤單、好唔開心．．．．．．不斷為他們想，但他們有否為我想過呢？還是我都是太自我了？又或者我太為他們想了？我叫自己放手讓他們去理好了，但總是放不下．．．．．．好辛苦！或者我真是太不懂在他們面前表達，而他們又不懂得體諒和了解我了．．．唉．．．又係到自己同自己講野．．．痴左！邊個做下好心打暈我吧！
26/8
今朝真係呆下呆下明明都記得九點開會，卻想不起八點出門是剛好九點才可以回到去，仲要鴨橋早上例塞車．．．好彩，我都唔係最遲個個，哈哈哈！
本來今日我的會議是頂天立地，但有同事話要調時間，所以中午之後便全心全意做課室壁報，做到三點幾收到call便快快腳走了．．．走搭巴士時撞到個學生，唉．．一路搭車一路同佢傾計又電到佢講電話的內容，都唔知係佢唔好彩，定係香港教育政策害了他．．．成十五歲人讀小六，在學校他根本找不到知己朋友，科科成績一流，但英文的成績就．．．．他說他唔想讀書，又聽見他約了人今晚打麻雀，又賭波，但自己又幫佢唔到ｄ咩，最多係勸佢．．其實佢係好識想，有責任心，不過．．．．
返到屋企真的好累．．．五點幾時小睡了一會兒，起身吃飯後就聽到每日最想聽的聲音．．．
努力溫習了．．．
或者又係時候返入去青山小住了．．莎拉快ｄ找返個間背山面海的房比我！咁老友預埋你一齊又點話呀！
25/8
今朝六點幾便起了床，想白個靚白白清醒下才返工．．．．唉．．．．又痛又黑女．．個死人熱水爐竟然因為太大雨而淋病了．．．開不到．．．無得白白，於是又躺返上床繼續訓多半個鐘．．．
成朝用了來開校務會議，悶到抽晒筋．．．不斷看住個窗，由天晴變時大雨時細雨、由光變暗．．終於過了兩個半小的悶場．．．
搭車出去時，同個主任傾傾下學校童軍發展的問題後，她突然同我講縮班的問題，她同我分析我的形勢的確很不利，而且學校可能暗中將我的常額位調去代課位．．當場嚇到我的魂魄都唔見了．．代課和常額在出年被縮時的代遇差好遠．．．好在最後老細去了教統局一趟把問題解了．．一年得一年了．．最重要是在天主教區內做事才重要！希望可以比我過渡多這兩年這間學校便會有好多人退休．．．仲有，明天九月可能會轉全日制呢！不過，現在任何事情每天都不斷在改變中，變數之大，無人能預計，特別是上頭的order天天新款！
今晚本來是約了永助的同事吃飯，但大家各有各忙，最後都只是我們四個人出來而已。多謝禮賢的手信呀！
恭喜millen！真戥她開心！！
終於收到律師信，也約了星期六會去簽最後的合約和收樓，然後便是一輪的驗樓工作．．．又真係給我講中．．．基準加搞間屋ｄ野．．．救命！！
都說我的預感好強．．．又給我估中，次次都是這樣．．．．所以最後唔再去找設計公司係明智的決定！不要浪費我的腳力！唉．．．．．點解次次都唔比我講，到我講又無人聽．．．我想點，講了最後都唔係我想要的東西．．咁不如唔好講了．．．
好想知道已前那個有自信、有堅持、做事頭頭事道的我去了哪兒？
或者試前情緒抑鬱症係時候發作了．．．．．．．．>,<
24/8
起身食了少少野便過了旺角，又是去為錶錶夾價．．．終於買了．．但．．．oh
no，夾來夾去仍然是買貴了！是一隻粉紅色的baby G，我好鐘意呀！多謝又可愛又抵鍚的男朋友！雖然我地唔可以日日見住，但見錶如見人，當然都要偶然見下我啦，記住啦！唔好掛住做野，我又唔好掛住成日溫習先得！唔係咁樣我會唔開心架！
搭車回家時，因為淋了少少雨又唔係好舒服，搭車時凍到起晒雞皮呀！下午回家後，看了貓之報恩，其實好似千與千尋咁．．．無咩特別．．．看到最後都沒有沒有點看了．．午睡了一會兒他會走了．．他走後不知不覺一邊肚痛一邊繼續睡．．．成九點幾才不請願起身痛住吃飯．．吃飽又攤返上床繼續痛．．．
23/8
今日一早起身趕回去做小一新年入學家長會，其實都預了唔齊人，但都唔使咁人少呀？一半多點人．．．終於見到一些我的學生，未來一年又是我的播種年，又要好好教他們，都唔知點解個個同事都問我覺得他們精不精靈，不過第一眼的感覺都好重要既．．有個學生眼大大幾靚仔，又可愛，仲好搞笑添，係舊生的細佬，差點給他的問題笑死我們一班老師。
放工後在學校做了一陣野，最開心當然是今年收了不少msg甜到入心啦．．．
晚上和男友落了銅鑼灣行錶行，雖然看到心水，卻是太貴了．．．我唔捨得他使咁多錢呀嗎．．．終於吃到那間"和民"，但覺得不外如是，而且兩個人咁食都幾貴，一句講晒"唔抵"！
記住下次想行伯母政策要快手喎．．．．但小心比我"叉喎"．．hehehe．．
22/8
終於收到明年的教擔．．．．一看嚇傻了．．．雖然有心理準備，但仍是好驚訝，由今年的34節減到得返27節，再看．．．．更嚇人，本來以為只是加入了it核心小組而已，原來無端端比人升了做it的科副panel喎．．．咩世界呀？？唔怪之得有些人會有瘋言瘋語的出現啦，不過都未傳到我耳中．．．都是小道消息來的．．．總之唔理咁多，野又係要做加倍．．．都是這樣！努力！努力！加油！
仲有呀！係人都知我最討厭的科目是數架啦，竟然要教四年級數．．．天呀！
唉．．．．．．放學前比老細捉住講基準ｄ野．．．真想叫救命！
個頭好痛！痛．．．．．．．！
好野！明天又可以見到我的百子櫃！
21/8
今日好累呀！本來下午約好了禮賢吃飯，結果她臨時說放學去看醫生，於是只剩下我和丘丘，莎拉又無打比我，即是她也不會出現啦．．．爭札了好耐，究竟去中央圖書館溫習好？還是跟丘丘去鑽石山荷里落廣場呆滯好呢？還是回家休息好呢？結果，最後還是去了中央圖書館，由太子行去中央實在太累了，去到那兒真的好想睡覺，身心都好累．．．差點真的忍不住回家算了．．但又唔制呀！溫下溫下，開始過了睡魔急召的時段。實在太凍了，雖然有衫也很凍，於是他未打電話來，我便行了去教協出去過下冷河！今日來來回回足足行了差不多有四個地鐵站的路程，現在腳都軟了！
今晚我們繼續睇錶行動！在旺角吃了味千拉麵。
您對我是怎樣我是知道的，當然我對您的心也是一樣啦！
20/8
已經同自己講唔好抱有希望，但好自然就有希望就會有期望，有期望自然就會有失望．．．同時，亦好討厭自己的任性，一點也不識體諒他！
以為早已對期望、希望和失望的事情感到盲目，原來仍然是自己呃自自己。由細到大對每件事情都有期望，希望做得更好，或者變得更好．．或者是被動地等人願意履行他/她的承諾，但原來總會有失望的存在．．．當然也有時會有出心意表的事情，或者我還未學識什麼叫放開，順期自然！
現在連筆也斷默了．．．
http://web.celtironium.com:8080/dialogue/yjeboi/diary
19/8
今朝實在太早起床了，有點頭痛．．．仍然是繼續我的溫書日子，沒什麼好寫！
好、好、好．．．掛住您呀！
http://web.celtironium.com:8080/dialogue/yjeboi/diary
18/8
今日開始溫習基準東西了，都算有個好開始．．．
實在太耐無做facial了，加上之前的失衡搞到塊面生晒粒粒，頭先去比人針清，痛死我啦！！！
今晚又去了一間設計店問價，最煩又唔係我可以完全話事，問完又要回家匯報，又要大人0岩心水，好煩，叫她去看又話我自己看就得，到時唔0岩她的心水又煩．．．．．都唔知她想點！
無端端又見了他幾面喎！不過．．今個星期睇怕都無得再見了．．．又要等到星期六．．唔想見下我輕鬆下嗎？做還做呀嗎．．．>,<
http://web.celtironium.com:8080/dialogue/yjeboi/diary
17/8
成晚比d雷聲和閃電搞到無覺好訓，又嚇人喎，又大聲．．．．救命呀！
好野！終於等到有一日可以全日對住他！最重要是考完一個試好好休息一日，明天才開工，真好！
我們去了將軍澳大半日，先交還東西比丘丘，然後去了看看未來的新居示範單位．．又去了吉之島行街街，最後當然是回家．．．估不到今晚全家咁齊人一齊吃飯喎．．．．．簡直係奇境！當然還有他在一起啦！
今晚我們幫阿JOE的BB改名，好搞笑！仲有唔該晒小羊的幫忙！要留返個COPY，將來派街坊和留返自己用都好，唔使到時又要傷腦筋！有無人要呀？？hahahaha．．．
電腦都算叫做回來了，但好似仲係有點問題喎！！！唉．．睇怕依間屋都係唔係咁適宜裝電腦！
明天又要返學啦！！好苦悶！死啦，條頸都唔知仲有幾耐痛呀！
http://web.celtironium.com:8080/dialogue/yjeboi/diary
16/8
一早起身仍然是繼續溫習．．．．．．．好悶呀！！腦閉塞了！！！
下午他放工來了陪我，然後帶我去考試的試場！好開心呀！今日的考試都叫順順利利，雖然唔係咁夠時間，但都有信心是及格的！個試場凍到我變了一條冰條，又要勁寫個腦勁想．．．考完試只知凍和好肚餓呀！！！！
果然回到家．．．．．是沒有人的，唔理啦，極餓呀！立刻打開係樓下買的排骨飯和燒賣狂食，食食下阿媽就回來，問我做咩未食野就去考試．．．現在全身都好痛，特別係條頸．．．．．．斷了！
http://web.celtironium.com:8080/dialogue/yjeboi/diary
15/8
繼續溫書的日子．．．討厭！！不過，好野！明天就考了．．．
小羊．．．做咩呀！最近好似好灰咁喎．．．
14/8
返完學，本來去約了丘丘去拿書，但她又不舒服要看醫生．．．搞下搞下變成去她家吃飯．．．都說了，我的第三感好準．．．最後，當然是四人一起吃飯．．．又可以見多幾面啦！
13/8
完全是返學日．．．對住部電腦時頭痛到暈．．．再搭了差不多半個鐘電車才由中環去到中央圖書館，本來想小睡片刻但ｄ時間又好騎呢．．．同埋去到圖書館遠離使我頭痛的電痛，又好似無咩事咁．．
ｄ人又話早ｄ放工喎．．．．我都係想您早點收工，早點休息，唔想您挨壞，久不久一日可以早點透下氣呀嗎．．．不過，我都明白工作真係一鑼鑼．．．我想開學後我和您就彼此彼此了．．．到時可以陪您慢慢做．．．hehehe．．仲有，記往帶件溫暖風褸返去公司！
http://web.celtironium.com:8080/dialogue/yjeboi/diary
12/8
昨天個網站突然hang了，讓我突然想起若有朝一日又是這樣．．小則最多失去裡面的資料，但若是很重要重要的東西就大件事，所以現在會繼續用它的功能，但日記兩邊都會有，所以大家放心！！！不過，考試來了啦．．．．所以暫時唔會搞ｄ
linking住，遲下先！
今朝真係唔知醒，去到poly都只是遲了五分鐘，好厲害呀！今日John老師終於回來，原來真是一個大誤會！放學都無咩心機和精神，一早起身，做了兩份paper，又多又深．．做完頭暈眼花，咁就回家啦！
黃昏時，本來不想訓，因為今晚妹妹不會回家吃飯，媽媽一定會更早吃飯，最後仍然訓著了，仲要係大昏迷，七點半時媽媽弄醒我叫我吃飯，極不情願起身呀．．．．仲想訓呀．．．．．當然吃飽飽聽個充電電話又醒ｄ！
今晚看了一單令人好唏噓的新聞！
http://web.celtironium.com:8080/dialogue/yjeboi/diary
11/8
由今日起，我的私日記將會移到下列的網站內：（內裡可以留言、畫圖畫等好多功能架！）
快ｄ來看看！！！！！！！！！
http://web.celtironium.com:8080/dialogue/yjeboi/diary
好唔想起身返學呀!!!都唔知做咩好似散晒咁.......軟到無力!
去到理工時仲早,
但又無地方去, 唯有早點入土課室啦,
原來一早已有同學來了呢, 她們比我還早!! 世界真細小,
竟然係這班裡撞到ming基和高進喎....他們依然是雞啄都唔斷....成班無人講野,
只有佢兩個男仔把聲, 連前面一些女同學也忍不往望他們.....因為大家都唔識。
等呀!等呀!九點九啦,
點解老師還未來呢?不是九點半上課嗎?
同學們開始商量怎樣去找老師.......最後....原來老師失蹤了,
連學校也找不到他, 他回了泰國,
我們說他是不是回去看皇家馬德里,
然後滯留在機場不能回來呀, 結果找了一個miss代他一課,
足足遲了一小時呢！上上下堂又個好型的外國人入來,
然後勁搞笑先同我們勁講起不起, 又說阿john幾好人, 又話他好nice明天我們見到他一定喜歡他,
笑我們全班傻, 其實我們是笑他由office跑過來搞到成身濕晒,
仲要件事濕得好有趣...希望明天可以見到我們的真正老師john啦!
下午丘丘放學來了poly找我吃飯,
然後她便去了慈雲山......
10/8
昨晚訓得幾好，因為有一張很溫暖和好香的床．．．仲開了冷氣，所以特別好訓！
今天我們去了理工找明天上課的課室，然後便去了旺角行，想買返隻錶錶，可是總看不到喜歡的款，結果他暫時借他的錶給我用！
晚上入了馬鞍山做節，一入門口就給阿麻問他不是也來嗎，當然用預定想好的理由回答。原來今晚只有三叔一家和我們一家而已。一入門口就聽到老豆同三個堂細佬玩到顛的聲音。食飯時，差點給老三笑死我，我不准他在吃飯時離開坐位，他驚我要他吃他不喜歡的東西，每次離開時都找個理由好有禮貌咁同我交待才行開，但他始終吃不完碗飯．．隻鬼靈精好識睇我面色，知我唔鐘意就唔郁，又知我想話佢咩．．表
情多多．．老二就扮可憐．．博同情．．好識dum人．．．
頭先無端端收到顛婆陳娟的電話，嘩！一電就比她嚇死．．．
我想是不是我想得太多呢．．．．．太過憂慮呢？其實不是這樣的呢？但為什麼總要給我感覺到好似好有問題的呢？他們卻不是這樣呢！做咩咁傻一個人為他們想，既然他們咁樂觀，我又為何不可呢？
今日他"吱"都唔笑咁，係咪唔開心呢？
9/8
一早起床，又再賴下床．．．最後都是起床做野，一早都做了不少東西，然後等他收工．．．終於算是有少少進步了，都叫食得入口，或者我對自己要求比較高啦！？
好野！今晚終於可以慢慢享受我的白白了，因為男朋友大人幫我整返好個燈掣！唔該晒呀！突然覺得間屋有返個男人係唔同ｄ喎．．．
您說得對！您是我的百子櫃，今天沒有反胃，晚上已經不會再訓得不好，您也看見我吃得很多東西啦，我要把失去的磅數增加返少少咁多！今日見到您的精神也不是很好，好像有少少黑眼圈咁，我也會擔心呀！最近身體唔好，唔好可以食咁多雪糕，唔係就好容易中招，我都好想食架！就快考試都係小心為上！不如您食埋我個份啦！
今晚差點比你個死丘嚇死！你知我最近心血少唔嚇得架嗎！
8/8
一早收到愛心訊息便彈起身，只因今日要值日．．．帶齊筆記回去溫習。成個三越門口都是人，全是準備搭車入香港仔和黃竹坑上班的人，過馬路時看到592從遠處駛近，立刻又要九秒九的速度去追車，車就追到但去到鴨利洲竟然塞車．．．
今日參觀了SIP的圖書館，嘩！很多天文書、黃巴士、幾米．．．仲有本介紹張德培成長歷程的書，還有很多好好好看的書，如果可以．．可以天天躲在圖書館就好了．．．．好想好想看晒所有的書．．．簡直好興奮呀！
今晚皇馬的球賽終於開賽了，未來校長立刻叫我三點半走，唔想我大塞車，實在太好人啦！下午時，我未來校長吃飯又打聽下自己的前途．．．
您有野也要記住記住記住記住．．．同我講．．．唔可以收埋呀！您話過我地要共同去解決問題的！
7/8
昨晚都不是早睡，但起碼終於可以有一晚是完全沒有發夢！不過，九點便自動起了身，好像有點迴光反照的感覺般，又頭暈，但又精神，都不知是訓好，還是起身溫書好．．．結果當然是．．哈哈．．昨晚想吐的感覺今朝仍然存在．．情況一點改善也沒有，一見到野食自然想嘔．．．好在到了下午這情況有所改善，最少把盒飯吃了一半．．
明天晚上補的普通話本來是改在明早，但我又大頭蝦唔記得原來明天要回學校當值，明晚老師又唔得閒，所以改為今日下午補．．．也好．．．反正沒有太多精神對住公大的筆記。
今晚一定要再次鼓起勇氣要好好和屋企人傾傾先得．．．．
好野，買了純蜂蜜啦，喂喂！記得今個星期過來時飲呀，想飲凍定熱呀？
明天要當值，要早點睡！
6/8
昨晚本想早點睡，把亂了的生理時鐘調較回來，可是上床後卻是輾轉反側，換來的反效果就是又左想想、右想想，仲難以入睡，結果還是重新把電視機開了，不斷要自己看電視不可以再想任何東西，果然看完yan
can cook，看到累了一關機果然立刻睡著了。當然又是好夢連連的時間，但已少了．．．起身時已沒有昨天的累．．．
下午約了sara去唱ｋ，要好好發洩，雖然只是短短的三粒鐘，但未夠一半都可以聲沙，無氣！點算！就開學了，無氣又點可以帶鴨仔團呢．．．所以開學前希望有機會再去練練氣就好啦！之後，我們去了旺角一帶看傢俬．．眼花撩亂，又去了宜家，打價真的可以做到合心水，但價錢卻不合心水；宜家的未必係最好，己算是好好，但一定要小心度好呎寸才可以買。
今晚回家若不是為了寫這個日記，便不會看到一個很重要的電郵，傻瓜做咩唔係電話到叫我看呢，差點就不開電腦啦，或者您真的太清楚我，知道我一定會開它．．．^^我知道自己沒有找錯將來的另一半，您的確是我可以寄託下半生的人，為了我們的將來我會繼續努力爭取和努力讀好ｄ書，為我們的將來興奮鬥！我會好好好好記住記住您所說的話！
5/8
昨晚都不知搞咩鬼，廁所突然開不到燈，粗暴少少而已，咁就燒了，我都未發痺氣，佢就係到發痺氣，哼！>.<
搞到我要用電筒白白，但又幾得意喎．．．氣氛都唔錯喎．．．哈哈哈！
今朝morning
call後又聽聽話話訓多一陣，誰不知又係咁發夢，醒後成個人好累，好似從來沒有訓過咁，腳軟軟，一點力也沒有，見到床又想坐下去，一坐又會訓著．．．激死我．．．．起身後去郵局拿掛號信，昨晚突然心血來潮會不會是律師信呢，果然真的和間屋有間，但不是收樓的律師信，而是為間屋買的保險信．．．下午回家和丘丘傾了一陣電話便開始溫習，始終成個人仲好累，都無咩心機溫，又好掛住他喎！最後，忍不住搞下自己個頭幾下，好讓自己清醒下！
sara我咪陪你減肥囉．．．原來這個方法咁有效，不過這個星期明顯係感覺到自己瘦了，特別係條腰囉！都唔知好定唔好呀！？
又會咁橋，識了十幾年的中學同學也是買了將廣喎．．．．．．．做埋鄰居添！她仲要是我中學的打波的最佳拍擋
今晚都幾有成績了．．．單元四也溫了一半有多啦！！唔再加把勁點得，唔係星期六日無得去街街架！唔制呀！！！！！
人地好掛住您呀！！！
4/8
全身好像散了似的，睡多少小時也不夠似的，坐也好，躺在床上也好，總可以訓得著。下午溫一陣又訓著了，最搞笑一邊訓一邊個意識還很清醒地對自己說沒有發夢喎．．．以為訓了好耐，原來只不過小睡了一小時多．．．但已好像訓了一整晚，最後給一個好漫畫式的夢弄醒了，有文有路，但又好騎呢。
今朝去做完物理治療，順便去了西灣河影印，然後係西灣河沿海旁行回家，又不是太晒，但沒有塗防晒還是撐傘好點！看看個海．．．看看好風景心情也好點．．．看到個海．．想下想下．．如果唔小心掉下會點呢，又係到傻下傻下．．．物理治療會暫時停兩個月．．直到下腰部分穩定了才繼續，現在就要靠自己了！
終於吃了我的"甜甜"卡樂ｂ啦！
溫溫下書又滿腦子突然奇想．．．都係唔可以專心溫習．．不過溫完單完二啦，單完三今晚一定要溫一半先得！這個奇想又唔知得唔得到同意呢？^^
您是我動力的來源，您的支持是我努力下去的最、最、最大動力！我要努力！
3/8
昨天又和他回了大澳，今次回去主要是從禮賢部電腦中load返上次的相出來。好開心！我們上了少少山，影了大澳的全景相．．雖然好晒，但起碼有風，而且又有傘子．．．都唔係黑好多呀！夜晚就出了東涌吃大家樂，很大的餐，兩個人吃都吃不完．．
今朝本來想早點起床溫習，但昨晚溫得太投入，搞到一早無晒精神，點知訓到好似昏迷咁．．．鬧鐘九點響但依然沒有反應，直到他打來才起身白白清醒一下．．．下午我溫書時，他看漫畫，累了又午睡下．．不知是不是他的魔力，終於可以無夢訓得好舒服．．即使中途被電話嘈醒也好，仍然可以很快再睡著。他走後仍訓得好好．．實在太累了．．
都唔想再想咁多，但又控唔到，件事一直在腦中盤旋．．．好煩！！！好累了．．．唔想再想．．．如果可以選擇性失憶幾好呢．．．．事實始終要解決．．．都是積極面對吧．．．（又係到自言自語，真無聊！）
您的感受我也照顧到呀！我唔可以和她一樣自私！只因為我在乎您！
1/8
八月了！
一早起床又再訓過，當然有賴私人鬧鐘叫我起來啦！其實，並不是真的要您叫我起床，這只不過是個借口，想一早聽聽您的聲音，然後就如差足電便工作，這樣工作得特別起勁呢！同意嗎？
今朝電車有問題嗎？為什麼成街人在等電車呢？幸運地，當我想想要不要轉換交通工具時便有電車來，但頭兩架都轉了暫停載客，公公婆婆們都在枯燥，好驚呀！！大家滿心期望地等待第三架，後生女當然讓公公婆婆先上車啦，上車後還有位坐已算好運了。十點零去到阿姨家幫她整電腦和教她電腦．．．
中午和他一起吃飯！本來想搭車的，但一連走了三架巴士．．．最後還是差不多行了一個地鐵站．．很好的步行運動，都唔係好熱呀！
吃飽飽便回家準備普通話．．．今日和老師一起試做一張試題．．．然後便開始溫習．．．直到他的電話來．．．
現在又等他今晚的電話啦．．．．繼續溫習先．．．．．．
您對我來說，一天比一天重要，只要大家願意把心靈打開，相信時間是會把我們的關係拉得更近！