"私"日記
27/10
很多事情不是在你掌握中，但時間仍然是這樣地過，你一日生存就必須遵守遊戲的規則去行，否則只有出局的可能性．．既然是這樣不如好好地等候宣判。
不過，幾無奈、幾不開心也好，也希望不要影響到我身邊最重要的人。
26/10
幾日沒有寫日記了，實在太累了．．．
終於睇了堂，自己就唔係咁滿意，希望下次好點．．．．．
好耐都沒有去過沙灘了，今日去了清水灣二灘。從屋企出發搭小巴好快便去到，又唔係好多人，太陽又唔晒，幾溫暖，吹著海風，看著藍天白雲，也有人陪著，實在太好了．．．．
今晚又裝返有線電視，好搞笑，裝完竟然看到好多台，但偏偏看不到無視和亞視，一向搞笑的譚宅當然又有奇招啦！就係本來的電視看有線，另一部本來放係妺妹房的電視，暫時放係廳另一角看無視和亞視．．．痴線，哈哈哈！
星期二又要睇堂啦！！今次要努力！
21/10
昨天開始又恢復補習的生涯，一年級都唔算難教，大致上都不錯，係硬頸d。
都預了，只要連星期日都要返工見住班學生，沒有好好休息就會好累，幾日都復完唔到，昨天和今天都成日想訓咁，連上堂都好累．．．但只要想些開心事就會醒一陣咁．．．
希望明天放工可以見到男朋友啦．．．．．
19/10
昨天班四年級的嘩鬼不知做什麼咁乖，教得幾順利呀！希望以後係咁就好了！
連續兩日超勞累．．勁眼訓。昨天雖然見到男朋友，但累得很累成日想訓，眼都有點快要蓋上的感覺。
今朝又要一早起身，趕回去帶隊出去活動。學生們去玩，而我就去呆滯，好在遇到wendy和死人頭阿kit，一齊去飲了杯東西。差點給學生激死，帶他們出去見識和玩，竟然有人同我講因為唔想排隊玩，轉而係大堂玩捉迷藏，天呀！都唔知好笑，定嬲，他們仲好開心好認真咁同我講，最後只忍不住話佢地兩句算了。見到他們這樣咁容易滿足和開心，都幾羨慕！
下午送完學生回校，男朋友來接放工。他來接放工我已好開心，不想他太勞累，他竟然給了我一個驚喜呀！咁大個人第一次收到一束花呀！！死啦，今晚或者都會甜絲絲笑住來訓了，仲有呀！第一次去了影卡，紀念我們的第一次．．．實在太累了，黃昏他走後忍不住上床小睡了兩小時，直到媽媽和爸爸去會所做完gym回來才叫醒我吃飯。
1610
一早返工上培訓班，眼訓到暈陀陀，個魂魄都唔知遊左去邊，個外籍英語老師叫了我幾次我都呆滯中，好在都知佢問咩和教緊邊．．．竟然提早十一點零就下課，太好了！又可以去改功課啦！
今日有個同事無返，去代了一課，之後最衰要上電腦，間電腦室凍到飛起，搞到我個肚超痛．．．連之後的英文堂都要叫班學生做工作紙和叫他們做改正，好在一年級都乖乖地唔會成機拿我命，放學後最慘係仲要挨埋輔導，這才拿我的命呀，但今日真好彩，豪哥真表面呀！聽聽話話喎．．．
放工時當然要見一見我的百子櫃啦！點解ｄ地鐵開得咁快架，話咁快又到將軍澳啦！又要等明天了．．．．．噢！
明天比今天仲要早起床呀！鳴、鳴．．．
15/10
今朝一早起身，但又唔知做咩好，咪慢慢執下野，煮下早餐，又織下織了成年都未完的頸巾，咁又十點。之後去北角等埋男朋友一齊順路搭幾個站，雖然小聚片刻，但都好開心啦，當然放學又是一齊收工回家啦！這些日子不知可以維持幾耐啦，若干年後便可以變成一起回家唔知又會係點呢？
今日工作上都沒有什麼特別。不過晚上和媽媽講起ｄ學生才發覺原來我有咁多問題學生在手．．個個都有他們的故事，有些仲好可憐．．．有時覺得幫不到他們都幾心酸呀！
係呀！有個學生英文測驗一百分呀！開心死我！（都唔明，點解老師往往比學生還要緊張呢！唉．．）
14/10
今日唔使等樓下地盤嘈便起床了，最後都半夢半醒訓到八點幾，但又有人用緊洗手間，很久都未試過一早起床竟是看報紙先．．然後白個靚白和洗頭才返工。
今日第一次測驗，對住班一年級都唔知好嬲定好笑，唉．．．抄又唔識抄，用中文差不多把答案講到呼之欲出都唔識喎．．．天呀！！！如果明天對他們說譚老師在改他們的測驗卷要把一個大盆放在旁邊，以備不時之需時，我估他們一定以為我是要隨時解決生理需要而已，其實它是用來接住嘔出來的血，哈哈哈．．．今日對足這班小魔怪足足五堂時間，我想我也變了小魔怪了．．．
最近有些同事好忙地織冷頸巾，因為我地參加了送暖行動。今日放學去北角配冷，但．．．我又唔捨得捐這舊冷出去，實在太有紀念價值，所以配回它把它織成一條頸巾啦，但又不知要何年何月才完成呢！
今日的相聚時間好似好短咁．．．仲好似怪怪咁．．．
13/10
即使今日幾多開心的東西都好，也不能代替今晚的不開心，不過今日也不是什麼特別開心，只是本來輕鬆平凡的一日就是這樣結束！
您說得對，我不應該多事，不應該說．．．．．總之是我不對！千錯萬錯都是我的不應該，但您也不應這樣責備我．．那一刻有多難受，多不開心你知道嗎？但您又知道我們整斷說話的內容或他們之間的對話內容，甚至是我說話時的意思．．．我是一個不喜歡解釋的人，我怕再多的解釋只會變成別人以為的辯解，所以請願自己不開心算了．．
12/10
幾日沒有寫日記，一來是累，二來是lazy！昨天終天又完成一件任務，就是買了全屋所有燈，都唔算貴呀！
今日又一早就起床了，但卻走去媽媽房又訓過，仲一邊係到睇世界男士選舉，勁搞鬼。下午男朋友來了，一起看大隻佬．．初時還以為是笑片，原來不是呀！之後和媽媽妹妹去尚德買家庭用品，再和男友兩個行去坑口吉之島買野，但最後都無買到個張梳化椅．．因為要再等有九五折．．．都好可以慳十幾元喎．．今晚我地都係家吃飯喎．．．今日好似無咩二人時間咁0既?
9/10
其實今日可以放工前改起埋堆數學簿，但現在對班學生的功課 簡直望而生畏，他們的功課實在太出色了．．．結果還是留待明天吧！好累．．．極速改了幾樣功課．．．還是放過自己一碼。
放工去了看燈．．．．．．．．去看又比人話，唔去看又話唔參予．．．以前兩個老細都成日講：人生最失敗係咩，咪就係"唔參予"囉．．．但好似參予都唔見得係好事喎．．．所以老細幾把炮都好，她們講的東西都不要盡信呀！
哈哈！sara講得好貼切，放學罰學生留堂好似係開p，完全覺得呀！今日九件輔導，加六件罰留堂，完全係死亡狀態，仲要玩野神經失常又有、九唔搭八又有、總之咩款式都有．．．都係我輔導個七個左右乖乖地做數，現在真係好想問點解教統局樣樣都管，但又唔管下學校點解唔裝窗花呢？我就知，因為我地ｄ學生係唔會選擇跳樓的，因為要選擇跳樓的跟本唔係佢地呀嗎！辛辛苦苦趕走班煩人後，又輪到發現一個係教員室比同事罰緊企，當然唔好浪費，又係追債好時間！佢地欠我ｄ債搞到我膊頭好重呀！日日死追難追都追唔完！又唔自律，家長又唔理喎．．．．咁生來做咩呢？貪過癮嗎？
8/10
結果今日無來睇堂，又要等了．．
好累、好累．．每日的調劑就係和他一起啦！本來想帶東西回來改，但最後還是放棄了．．．．．我想再拿回來做，一定會痴線，還是給自己鬆一口氣吧！
慘啦！今日得罪了其中一位麻煩同事．．．睇怕都要比人話一輪．．．．．．唉！係女人堆工作，就係是非一鑼鑼．．．真命苦，最清靜下，簡簡單單都唔得！
今日無端端九唔搭八收到封紅色炸彈，竟然係同事娶新抱喎，咁都得呀！個個有份，永不落空．．去又好無聊，唔去又好唔抵咁．．．最後我地成班小花決定齊齊出席，當食返餐好的！順便也可以看看人地會點搞也好．．將來或者有用呢！不妨參考下．．．
7/10
終於可以上網，又可以寫返日記。搬屋的確是不個絕對不好玩的遊戲，吵架係無可避免的事情。好多事情都唔係我可以戈話事，但又和自己有關，只會覺得好無奈．．．除了無奈外，還可以怎樣呢？雖然唔想再玩這個遊，但又唔得喎！
最近見到身邊的朋友都各自有著自己的煩惱都幾慘．．但都希望大家能順順利利把它們解決啦！畢竟個個煩的事情到最後的結果都應會係開心的東西，但現階段又真係幾煩！
自從兩年前看過中學同學結婚，到去年sara，再到現在阿丘．．原來結婚真的不易．．．都係吸收下經驗先．．．好在我們還有時間去想去看去計劃。這一刻我的確很愛您、需要您，但同時也想我們的感情基礎再深一些，認識大家再多點，再讓我處事再成熟一點．．總之只要將來順順利利、簡簡單單，現在的辛苦都是值得的，先苦後甜才是我的作風呀！
要記返低先．．．我們去了看煙花啦、他放了半日假陪我啦、我地最近放工都一起搭地鐵啦、開始有叫做有點計劃下將來的人生啦、得閒開始唔係咁聽話啦、開始學習要將心入面個句講出來啦、原來都咁多野架！OH.............!嘩，原來我地見了咁多次架．．．．真係快呀！哎呀！明天大大大良要好早開會添呀！！！加油！！
就快給學生激死了！！！！！！！！！！！！！！！！！！！！！！！！！我想打人呀！但都有開心的東西架!今日無意中發現了我個一年級學生個書包上有個地方可以放一張大約A5的紙喎，上面畫了圖畫，然後係左上角寫了MISS
TAM MISS TAM，而右面寫了．．．我愛你呀！天呀！看完後當場極度驚訝，又感動又搞笑．．．如果個個學生有佢一半咁可愛就好了，唔使可愛激少我兩野，生少兩粒豆豆已好好了；另外，小息排隊時阿小可愛班長仔竟然係訓導主任勁嬲要找人開刀時談天，唉！結果．．．一個一年級咁比人罰上台仲要睇住同學仔排隊上課室唔要佢．．．好慘呀！喊了出來，她回到班房時仲眼紅紅．．．心痛死譚老師啦，又係衰架，鬼叫佢傾計咩，唯有安慰佢幾句又訓話佢幾句啦！搞到我都想喊埋一份添呀！唔捨得咁可愛的小妹妹喊架嗎！仲有呀，班四年級做ｄ數做到都唔知係咩，點改呀！