泰國之旅的五天事件簿
泰國之旅的五天事件簿
| 3/6/2002
今日我出發去泰國喇.....與教院同學一同六人齊齊去，很久都未搭過飛機喇(幼稚><)。不過點都好，盡情玩吧~去到見到個香港領導---肥仔，就已經絕望了！拿~~~我絕對唔係歧視肥人0架，只不過佢真係唔多理我地...反觀隔離旅行團.....嘩~~~幾靚仔喎....著住套西裝...唔錯...而我地0既領導只係著住件橙色的長袖風褸.....實在實在太唔公平喇....大家都係去泰國0既姐.......哼!!!各位...要小心挑選旅行社哦^^ 去到泰國都五點鐘左右喇...果邊0既導遊介紹完一陣，就走0左去食晚飯喇...第一晚就只食一個好清淡的韓國火鍋，一味食菜、食粉絲，一d都唔飽肚，有點兒失望><人地0黎泰國係要食泰國0野0架嘛，做乜要人食韓國0野喎......韓國火鍋都係香港0既好。 接著就去睇人妖show喇...都可算係老少咸宜，只有一幕是裸露的，我本身都有點兒抗拒，因始終佢地都係人妖嘛~~~但當中有兩三個真係好靚0架....睇極都唔似男人播...其實呢個show最恐怖的都是專揀男人上台一同表演，(特別是坐在旁邊的位置)，果d人妖仲係最醜果隻....我都有點兒作嘔><之前已有兩個男人上台被佢地糟蹋0架喇.....今次終於輪到我地團的其中一個較後生的團友喇....(最衰唔揀cheap精同boogie啦，唔係就有野睇loo)果位靚仔團友被邀上台時，他嚇到花容失色(唔好意思，找唔到更合適的形容詞)，周圍走，走足完場...怕被那些醜人妖捉到，真的很攪笑.....完show才發覺原來cheap精同boogie都十分抗拒的，仲話我地點解行埋d人妖到.....(我想走0既時候，走一圈睇清楚d嘛^^) 之後去0左橫街小巷0既fish shop食宵夜....沿途有美艷的女人勾搭cheap精哦....問他"Where are you"喎....這是cheap boo複述比我地聽的^^(我好想大叫→cheap 精.......你執到~~~)果間fish shop完全無泰國feel的，反而似係外國一樣.....menu係英文，周圍都係鬼佬.....但果d0野食真係好正，雖然果d全都係炸0既食品，但一d都唔油0架....我地食0左 red snapper、fish cake(仲同bonnie慶祝生日添)、onion rings、chips、breaded fish，仲叫了幾枝beer添.....mummy....一d都唔貴呀...."抵" |
| 24/6/2002
早上7:00便morning call了.....7:30便去酒店食中西式的自助早餐，呀~~~對有渴睡症的我而言，真的受不了，不過話時話泰國的酒店真係唔錯，雖然係三星級，但都好乾淨、舒服...訓得好好....之後乘車去毒蛇研究中心及皮革廠，呢d又點0岩我地呢班年青人呀......所以有點悶...><接著就去食lunch喇......今餐lunch都好豐富哦...有8餸一湯0架....果度的設計好似宮廷咁....最特別0既係d waitors踩roller0架....(心想他們打破了多少隻碟呢?)如果比著我，成份人工都賠埋上去啦.... 接著就去老虎仔樂園，有老虎、鱷魚、大象等觀看，自問我真係唔鍾意睇一d動物0既表演，因表演的背後，往往會發現人類更多的醜行，真的不想觀看...為何老虎仔要餓著肚皮，待人餵奶，拍照留念呢?為何會�馱j老虎的口讓人拍照呢?為何大象要被人綁著，給人坐騎呢?很多的為何哦...自問我又可怎樣做呢><期間，我們沒有看甚麼動物表演，只在湖中的小亭上共同喝咖啡，大家傾傾計，熱就係熱d，但感覺好舒服......但你會發覺→"啪""啪"的聲音將會有意無意地從一個人的身上發出，這非boogie莫屬了，他成日都係度拍蚊....原來佢都係易野蚊一族.....不過有佢係度，我地就放心了^^ 終於乘車去芭堤雅喇，去到大約五點鐘左右喇......初到都唔會發覺0架，但到了晚上，你就會發現果度有鮮為人知的一面0架，你真係估都估唔到原來果度0既夜生活好鬼豐富0架，超多紅燈區，你想搵間正經0既食肆都無0架，悲!!! 而我地入住果間sunbeam酒店係有露台0架，我地可以係露台見面...好浪漫0架.....今晚終於去食泰國菜啦，有泰式炒蟹、冬蔭公啦...等等，都唔錯呀...之前都係食d中菜，無0黎新意，今餐就唔同喇^^接著去0左Mike百貨掃貨，掃咩貨？hehe....總之就要兩位男士苦等啦....雖然我不著慣那個牌子，但真係好平，我都忍唔住手買0左三件^^之後買了些明信片及電話卡，那位伯伯好nice呀....比d狗狗電話卡我揀....我都忍唔住同佢講句→"you are really nice"，接著行多陣夜街就返酒店loo....因個肚子不舒服呀>< |
| 25/6/2002
今日一早食完早餐就乘快艇去珊瑚島喇.....尋晚仲同阿媽通電，話唔會玩乜滯水上活動，點知......he~跟大隊嘛....坐快艇時，領導都預先叫我地穿短褲及涼鞋，因要澗一陣水才可乘船，但大家都覺得根本唔係澗水，係游水，浸到去大腿0既.....知道預先著件泳衣先啦....途中連忙叫思建拑實佢對人字拖，而亞雪因太輕，要人扶實，而我....當然沒問題啦....佢地仲話你做乜撈起條褲腳呀...你條褲已夠短啦....係咩?我驚整濕嘛........好喇...終於到船喇.....我地班後生仔女當然係坐船頭喇....但未開船時己有些意外了，由於退潮0既關係，隻船啜實d泥攪到開唔到.....要男士落水推船哦.....突然覺得我地團的男士好man呀.....義不容辭咁落水推，我地係船上大叫1、2、3.....最後當然係成功啦......^^ 我地首先係去一個大浮台到玩降落傘，初時都唔想玩，因都係有d怯，但思建同bonnie都玩咯.....咪玩盡去囉.....d人叫我一陣間起飛時要跑....我話....0下~~~要跑??? 咁激.....攪到我都有d驚......最後輪到我喇.....一0黎唔駛跑.....佢隻船都拉我出去啦......話咁快就飛0左上去loo.....上到去真的好舒服.....好爽呀^^但就覺得天色不太好了.....個天空灰灰的.......不過真的好舒服。終於去到珊瑚島喇.....我地急不及待去換泳衣，同領隊登記玩咩水上活動.....我當時諗...算吧...我都玩0左降落傘喇.....唔玩啦....因我不太擅水性嘛......但到最後，我都係把持不住，被佢地引誘....攪到我咩都玩，首先係水上電單車(我同bonnie同組)，她一路揸一路大叫，亞田~我要忙命狂飆喇......(好似漫畫中的男主角^^)玩0左十幾分鐘，真盡興......接著我地玩香蕉船....有一次拋0左我地落較深水0既地方，由於有著救生衣，係唔係都會浮起，所以一d都唔驚，落水後個個連忙問亞雪係邊，因她真的不擅水性，亞雪浮著說：無事！我會浮起等你地0黎救。唔~~~真夠冷靜.....但最攪笑的就係上番船喇.....因我真係用唔到力....但眼見cheap精同亞雪搏晒命扯我上船，但又唔成功喎，果0下真係好攪笑.....笑到我都無晒力上去.....最後都好醜樣地上到隻船.....但bonnie始終都係上唔到，cheap精唯有落水推bonnie上去，而boogie亦搏命猛咁拉佢上去....花了不少時間，最後都OK了，就係呢個時候，cheap精發現自己唔見0左副眼鏡.....攪到佢0黎緊呢兩三日都要靠思建果副眼鏡頂住....... 玩完一輪水上活動喇....就去游陣水，d沙好幼，cheap精仲話d沙可以做massage添~但d海水真係好咸，游得太耐真的頂不住.....我地還發現水中有好多水母的屍體呢，可想這一帶越來越受污染了，接著係果度食埋個seafood lunch先乘船走....呢餐都ok0既....接著我地六人齊齊買了一件大象衫.....作為一個紀念。 返到芭走雅，噩夢就0黎喇>< 我地接著的活動就係去做泰式的古法按摩，其實我十份抗拒被人捏的，今次仲係第一次被人按摩，真的很怕......點知趣事就係咁發生喇....我地六人被編入一間房，而且每個床位都排得十分近，未做時已覺得很攪笑....訓的排位→│(左起)雪、思建、bonnie、我、boogie、cheap精│，係按摩到發現了很多笑事，原來雪及cheap精好受得按摩的，但我同boogie最不受得，boogie更甚，大家要清楚，我是訓在boogie隔離的，他的表情及動作及笑聲完全影響緊我(本來我都有一段時間可冷靜下來的^^)以下係一些得意的對話.... 呢個時間我同boogie都特別嘈....因捏緊大腿的部位→ boogie：(用手掩著口)哈哈哈~~~唔得喇....哈哈哈..... 我：哎呀! 哎0約! 哎呀! 佢捏我腳趾呀.....boogie....你唔好影響我啦.....我唔想見到你個樣呀(很感動咁流淚中) (從此"哎呀"、"哎0約"就成為0左我0既專利喇).... 思建：你地好攪笑(不過其實思建都受不了，所以叫那個人不要按大腿) bonnie：你地d笑聲呀...冷靜d~~~(其實bonnie最受不到"0拍"手指及腳趾的聲音，佢聽到我d手指聲就打冷陣了。) 雪：哎呀....你地咁嘈，我點訓呀...... cheap 精：zzzzzzzzzz (佢無出聲，只聽到他的鼻鼾聲~~~可想而知...他真的很enjoy.....) 接著...我同boogie繼續狂叫、大笑、流淚，很久也未試過咁感動喇.....最後仲要玩埋d高難道動作→大C形、拱形等等.......很恐怖呀>~~~< 今日已很累了~~~係酒店食完晚飯，睇埋場波就去行夜街loo....但都係行0左陣....我地仲食d地道0野食(但又唔識叫喎.....)原來指手畫腳就得0架喇^^但我都係無胃口，因真的很不舒服，想嘔又嘔唔出，辛苦>< |
| 26/6/2002
哎呀~好痛呀.....一起身就周身骨痛...唉~~~按摩後遺症呀.....我發誓我下次一定唔會貼錢買爛受的>< 話咁快波鞋之神秘失蹤事件就發生喇.....一早有人敲門，問我地駛唔駛搬行李....我同bonnie話唔駛，想閉門時，我發現個服務生果架行李車有款鞋，心想...好似boogie個喎...但又無理由嫁....我地六個人的行李都是自己hand-carry0既....所以都唔為意....落到去酒店食早餐，見到boogie有果款波鞋喎(因boogie很鍾意將鞋掛在背包兩邊...)所以一眼就睇到喇^^所以我就想我地團都有呢款波鞋喇.....好啦....到我地要出發0既時候，事情就發生喇~~~因boogie發現自己的背包的另一邊無0左隻波鞋......哦~~~~終於真相大白喇...原來果隻鞋真係佢0既......結果他拿著隻鞋上上落落，周圍搵他的另一隻鞋.....我地已幫他看看那車行李，但真的看不見.....而我地團又要趕著出發喎.....佢攪到幾狼狽呀...........最後....搬行李的服務生終於在行李堆中找回他那隻鞋......攪到成團係車度等......真的很尷尬.....boogie~~~你想出位，都唔駛咁0架~你得0架啦^^ 接著去0左夢幻樂園，果度十足十好似香港的海洋公園，都唔錯....但我都係唔玩得太激0既機動遊戲，都係玩0左d無咁激0既....我地仲去0左飄雪樂園添.....果度係就係細d，但真係夠凍....而且果個滑雪板都幾好玩....(係佢地0既支持下，我都試玩了一次^^)....跟住boogie、雪、cheap精、思建好似癲0左咁周圍咁玩，傻0左咁~~~而我同bonnie就做了阿媽，幫人拿袋及負責影相。到最後....終於到我地喇....今次就輪到思建做阿媽喇.....今次玩0左個"直衝船"，這個一定要最後玩，因船衝下來時會濕晒身的.......我地當然都唔可以例外啦....大家都有同感就係橫掂都濕0左囉....唔"爭再"濕多次，所以又再玩，果位負責員見無人排隊，又比我地玩多次，所以總共玩0左3次，攪到內外都全濕了:p........但真係好好玩^^一個字→"正".....本想上車拿衫換，但我地已遲了半粒鐘啦....不想再令團友等....咁就唯有係車到換衫啦....(0下~~~)係真0架.....我地係車尾度換，d團友又借遮、又借風褸比我地......左遮右遮.....都最後都好狼狽咁換到衫喇~~~ 今晚我地唔跟大隊，自行去食dinner.....未食飯時行0左陣百貨公司，果度係曼谷市中心，好繁榮0架，十足十香港的銅鑼灣，我地仲買0左d靚靚蠟燭添......跟住去食正宗的泰國菜喇....mummy......果度仲有世界盃(巴西vs土耳其)0既直播添，bonnie同boogie睇波飽啦~~~跟住分頭行0左陣百貨公司，果度原來9：00就close0架喇.....(哼~人地都未行晒><)....集合時見到cheap精一袋二袋，買0左三對波鞋.......我地都異口同聲話：嘩~~~好有錢呀....最得意0既就係boogie喇.....我同bonnie都覺得有款鎖匙扣很靚......(係用個盒裝著的，for lovers0架)我地都一致認為女仔收到，都一定歡喜，所以很輕描淡寫咁同boogie講.....你買比你女朋友，實鍾意0架~~~而boogie又真係唔搏咀喎，很認真咁選擇，買0左一男一女的鎖匙扣比佢女友~~~嘩~~~~boogie果然係一個好男仔，不過在今次旅行中，我都發現0左佢唔少cheap0野0架....不得不講一句cheap boo~~~佢買0左返0黎我地仲串佢....你個鎖匙扣駛唔駛用咁大個紙袋呀(咁又的確係大0左d0既....^^)接著我地係starback買0左咖啡飲，果度真係好平......平香港好多呀.....亞雪同思建當然唔會放過啦^^~~~今晚可算係最後一晚活動，因明天一早便乘早機返香港loo.....今晚無活動....因今次輪到思建水土不服喇.....晚上我同bonnie鬥執0野.....死"窒"難"窒".....終於執到揹一袋，背一袋，抽一袋喇~~~ |
| 27/6/2002
今日一訓醒覺得好精神呀，雖然仲有d腰酸背痛....但比前兩日都來得舒服~~~食過早餐我地就速速上車搭飛機走了....途中遇上塞車，攪到好趕呀.... 再見了~~~泰國!!! 下午兩點幾就返到香港了~~~ |
| 亞田的旅行後感→
今次旅行我很滿意呀....最唔好的就係自己受唔到果邊d水啦....攪到水土不服>< 宜家我用一至兩句說話來形容佢地啦~~~(排名不分先後) boogie→原來都係cheap人一個，我睇錯你喇><cheap boo~~~ bonnie→原來好喜歡洗衫，唔鍾意d衫一陣味，當酒店係自己屋企咁....係露台晒衫褲，最抵死0既係d衫未乾透，又要換酒店。 cheap精→今次加佢分啦....因佢仲負責過領隊....逢有咩要拿，要派的，佢都會搶先一步，攪掂晒我地0既0野....好負責任哦~~~我地五個人次次都唔駛郁0架。 sze kin→去旅行依然有果重習慣，就係"去唔到"，小朋友記住唔好學思建姐姐呀....因咁樣唔健康0架^^ 亞雪→冷靜時好冷靜，玩機動遊戲玩到癲咁滯，唔識游水都照下水，心口一個"勇"字。 而我???，遲d由佢地講番我啦^^ |
| 思建的留言→
泰國之行,如阿田所說,充滿著許多搞笑的事,好開心,十分難忘啊!!!^o^ |
| Bonnie的留言→
HEHE...舊的留言以去,新的留言補上^^ |