莊子

簡介

　　膠囊集團既千金,係龍珠雷達既製造者。生得好靚,但發嬲果陣會變到好暴燥同可怕。最討厭成日同自己打主意既龜仙人。

　　初搵龍珠－－十六歲果陣為左搵白馬王子而去搜集龍珠。旅途中為左請悟空保護而帶佢離開深山。第一次既旅程完結後認識左阿樂。之後就一直製造機械同修理龍珠雷達黎幫助悟空,因此成為悟空佢地唔可以缺少既同伴。

　　撒亞人篇－－撒亞人進攻時並沒有甚麼幫忙,但之後準備左一切去娜美星既交通同裝備。同無限同悟飯去左娜美星後因為菲利軍團既關係而長期"呢埋",但都成功地將菲利兩個手下收拾。之後為左搵悟飯們而撞到變左青蛙既傑克,後黎比佢地交換左身體,好彩因為悟飯而還原(電視劇情)。

　　娜美星篇－－娜美星被破壞後逃到悟空既太空船,其後番番地球。曾因水霧變成魔族,後因超神水還原。悟空回來後因和阿樂吵架而跟他分手,隨後仲意外地同撒亞人王子比達生杜拉格斯。

　　人造人篇－－同人造人同斯路戰時製造左戰衣,停止人造人既遙遠控制同修理好１６號。七年後幫悟飯製造撒亞幪面超人既服裝。布歐攻擊天界果陣被變成朱古力痕左,後黎因龍珠復活。之後十年中生左布拉。係另一個未來中經過長年累月既地獄生活後造左一架時光機,令杜拉格斯可以番過去改寫歷史。

　　黑星龍篇－－悟空離開後就一直係度設計一個新型既太空船,杜拉格斯走後就代佢主理膠囊集團。Ｂａｂｙ係地球產卵果陣變成佢既部下,仲出動左果一年內一直建造既巨型太空船黎將地球上既人移到舒夫智星。

　　BABY,七星龍篇－－到達後係首都既控制塔幫Ｂａｂｙ進行研究並且製造裝置令佢變成大猩猩,當Ｂａｂｙ被悟空打傷後就令佢復原。因超神水還原後就負責指揮地球人移民既大行動。之後多年就一直對比達進行研究,再係悟空戰四星龍既期間替比達想出變成超級撒亞人4既方法,然後比達到達戰一星龍既現場後幫佢變成超級撒亞人4。

龜仙人/程龍

　　程龍－－係龜仙人為左參加天下第一武術大會面化裝成既人物。係第廿一屆中為左令悟空唔再變大猩猩而毀左月亮,後黎仲取得冠軍。係第廿二屆知道悟空同無限唔會自大後就冇再用呢個身份。第廿二屆武術大會中仲以忠言喚醒天津飯,令佢走上光明既正途。

　　大魔王篇－－大魔王復活後願意用性命出魔封波黎封住佢﹐可惜最後打唔中而就咁死左。隨後因龍珠而復活。雖然後黎武功都追唔到悟空等人,但仲保留了一副宗師既尊嚴∼。

　　龍珠Ｚ－－天下第一武術大會後退休，其後係戰場上只出現過一次。不過性格仲一樣好色。當發生事故時通常負責主理後援既工作，例如通訊，搜集龍珠同討論戰策等。曾被水霧變成魔族。布歐攻擊天界時被變成朱古力食左﹐後黎因龍珠復活。

　　ＧＴ－－係中都遊玩果陣遇見剛變小既悟空,令阿包同悟空之間既誤會解除。曾經被Ｂａｂｙ既卵控制,後黎因超神水還原。

無限

　　武術大會－－第廿一同廿二屆武術大會中登上左四強既陣容。曾經同悟空戰鬥紅帶軍。第廿二屆武術大會完結後被丹巴林殺害,後來因龍珠復活。經過三年苦鍊後係第廿三屆武術大會成為八強之一。

　　撒亞人/娜美星篇－－地球被撒亞人威脅時修鍊左一段日子，後黎亦成為果一戰既少數生還者之一。大戰後本黎想殺比達同為同伴報仇，但最後都答應悟空既要求而放左佢一命。之後同悟飯同莊子去娜美星搵龍珠，因為咁被大長老提昇戰鬥力。後黎都幫悟空悟飯打皇牌精英軍團同菲利﹐不過後黎被菲利炸碎，過左一百三十天先因為龍珠而復活。

　　悟空離開既一年中認識左瑪倫同加里二世，但係之後因誤會而同佢分手。

　　人造人/布歐篇－－人造人大戰時因為被１８號吻而鍾意左佢，所以破壞左可以停止人造人既遙遠控制器，同埋係神龍面前都許左拆１７號同１８號體內炸彈既願望。不久後終於達成左多年以來結婚既願望，同１８號結為夫妻，而且仲生左女兒馬倫同長出頭髮。悟空番番黎果日都幫手戰巴菲迪。後尾比布歐變成朱古力食左，因龍珠復活。

　　BABY/超17號篇－－係地球安靜地生活多年後因為被Ｂａｂｙ產卵而打算帶家人同大家移民到舒夫智星,卻因為布歐而無法去,後黎因超神水還原。當地獄軍攻擊地球果陣打算帶家人逃走,但中途遇見到搗亂既人造人17號。17號想招攬18號果陣叫醒左佢並企圖令佢脫離地獄17號既控制,卻被17號殺死。後黎因龍珠而復活。

阿樂

　　武術大會篇－－第二次搵龍珠之旅完結左就同龜仙人學武。曾參加三屆武術大會,不過每次都成為八強之一後就輸左。

　　撒亞人/娜美星篇－－第廿三屆武術大會後加入左棒球隊，係撒亞人進攻既時期都同大家修鍊。不過開始同培植人戰時不慎中左其中一隻既自爆而死。之後同其他人到界王星修鍊。打敗皇牌精英軍團下地獄後因龍珠復活。曾經因水霧而變成魔族，後黎得到超神水復原。係菲利父子進攻既風波後同莊子大吵一場而她分手，自己另識女友。

　　布歐篇－－布歐攻擊天界果陣被變成朱古力食左，之後因龍珠復活，係ＧＴ篇同天津飯都冇出現過LU。

天津飯

　　武術大會篇－－因為鶴仙人唔滿意龜仙派搶盡風頭而參加第廿二屆武術大會。原先同師父一樣卑鄙無恥，打算將來同師叔一樣做世界第一殺手,仲係比武中張阿樂打到重傷。不過後來被龜仙人指點後決定離開師父,仲係果場武術大會中得到冠軍。

　　大魔王篇－－隨後同龜仙人對付大魔王﹐都係悟空同大魔王既決鬥中幫手。係第廿三屆武術大會中有精彩既表現。係當時最強既地球人。

　　撒亞人/娜美星篇－－係撒亞人攻擊既時期曾大幅修鍊，但打鬥果陣比立巴一拳打斷右手，最後因餃子自爆而用盡氣力出氣功炮死左。之後上左界王星修鍊，而且仲將皇牌精英軍團打落地獄。過左一段日子後因娜美星龍珠復活。

　　人造人篇－－為左同人造人戰鬥而不斷修鍊。雖然實力同撒亞人比仲係微不足道，但１７號被斯路吸收後冒生命危險黎保護１８號同１６號。

　　布歐篇－－斯路遊戲後同餃子一起隱居七年。成功避開布歐既光線後再度出現救撒旦同天迪。死係地球爆炸後因龍珠復活。同阿樂一樣係GT篇冇出現過。

餃子

　　武術大會篇－－第廿二屆武術大會同無限比武時用左超能力張對手封住，但因為答無限既算術問題要數手指，結果露出破綻而落敗。

　　大魔王篇－－同天津飯離開鶴仙派，同龜仙人對付大魔王。不幸地係向神龍許消滅大魔王既願前被殺，後黎因龍珠復活。

　　撒亞人/娜美星篇－－撒亞人攻擊時期同大家修鍊，但係戰鬥力一直都冇進步。當天津飯比打斷手果陣奮勇地撲向立巴自爆，可惜仲係無法打傷他。死後上左界王星修鍊同打皇牌精英軍團落地獄，後黎因龍珠復活。

　　人造人篇－－雖然為左對付人造人而同天津飯修鍊，但因力量太廢而一直留係前線後。

　　布歐篇－－斯路遊戲完結後跟天津飯隱居，而且都逃過左布歐既光線，但最後都死係地球爆炸中。之後因為龍珠復活。

歐布

　　黑星龍篇－－同悟空離開武術大會再修鍊左五年後同佢係天界打左最後既一場先離開，然後為左下一年同佢比武而不斷修鍊。Ｂａｂｙ係地球人產卵果陣因為被魔童警告而同家人躲起黎,後黎為左解開悟空消失之謎而悄悄上舒夫智星﹐並且從悟飯手中救走阿包。

　　Baby篇－－知道悟空被Ｂａｂｙ殺死後氣得向佢攻擊,不過最後都被佢打倒。但快要死係殲悔死亡彈時被布歐救左,而且仲同佢重新合而為一。之後就再次向Ｂａｂｙ挑戰,令佢陷入苦戰,可惜同佢比氣功果陣變化光線被推番自己,結果自己反而變成朱古力被佢食左。

　　Baby篇－－但當大猩猩Ｂａｂｙ要阻止悟空吸收其餘四人既能量復活時係佢既體內還原並開始令佢發生異變直至被佢吐出黎果陣。係武術大會同撒旦比武果陣本想打敗佢,但聽左布歐既話後就停手讓撒旦取勝。地獄軍攻擊地球果陣出手對付,後黎都幫手戰超１７號。悟空被一星龍打倒後出黎拖延一星龍。

彌次郎

　　撒亞人篇－－雖然戰撒亞人前受過特訓，但遲遲冇出戰。不過係危急既時候將大猩猩比達既尾巴切斷，而且仲阻止左佢殺悟飯。之後大部份時間都係花梨塔住，只是偶然出外送仙豆，因為咁逃過了水霧。

　　布歐篇－－布歐攻擊地球時被殺死，後黎因龍珠復活。

芝芝

　　大魔王篇－－第廿三屆天下武術大會中仲同悟空再會。武術大會結束仲同佢結婚。電視既劇情仲同佢解救火焰山。

　　撒亞人篇－－自從結婚後就擁有一股令男性無法抗拒既氣勢。生左悟飯後就一直希望佢會做學者而逼佢讀書。因為悟空經常外出同死去而長期一個人過日子。每次知到家人出事就會暈低。而且關心兒子多過關心丈夫，因為咁打走比達後會為搵悟飯而唔理會重傷既悟空。

　　娜美星篇－－悟飯去左娜美星後企圖坐太空船去支援佢，不過最後都冇出發。曾因水霧而變成魔族，而且仲向愛子攻擊。平日好唔鍾意悟空變成好似不良少年既超級撒亞人。

　　布歐篇－－斯路遊戲後生左悟天，仲教佢武功。布歐上天界等待同悟天格斯戰時因惱恨佢殺死悟飯而向布歐攻擊，結果被佢變成蛋再踩碎。後黎因龍珠復活。

　　黑星龍∼七星龍篇－－悟飯成年後便長期擔心悟天既將來,特別係佢拍拖既一方面。對於悟空變細既事覺得好難接受。Ｂａｂｙ上悟天身果陣曾用壓倒性既威嚴令佢屈服,不過被Ｂａｂｙ產卵後對悟空同阿包好冷落,仲唔准佢地食飯。因超神水還原後就唔再咁介意悟空變細。悟空戰一星龍時都去左觀戰。

撒旦

　　人造人篇－－天下第一武術大會同布歐危機果陣逞強。不過多次大難不死，可以講係全宇宙最大命既人。斯路遊戲中唔單止保住性命，仲被認為係拯救世界既大英雄。係悟空佢地出席既武術大會仍可以保住冠軍既名。不過都有立過功。斯路遊戲中幫１６號令悟飯變成超級撒亞人２。

　　布歐篇－－布歐襲擊地球果陣都有幫手，用秘密武器對付佢，結果同布歐做左好朋友。如果冇左d壞人出黎搗亂既話就一早真真正正地拯救左地球。逃過地球人滅亡既地球爆炸後係界王神界同原本既布歐對抗,而且仲幫悟空完成元氣彈。番地球後繼續享受賺番黎既世界冠軍之位。

　　ｂａｂｙ篇－－係和平既地球做左多年既冠軍後係撒旦城出現搵撒亞人既怪人果陣出現，不過最後要悟天幫手解圍。悟天被Ｂａｂｙ上身後就叫悟飯黎幫手。Ｂａｂｙ係地球上產卵時躲係布歐既體內避難，等到係搵悟空既途中先出黎打一D被操縱既人群。悟空係戰悟飯同悟天果陣將整件事既真相告訴佢,不過差D被Ｂａｂｙ殺死。

　　ｂａｂｙ∼七星龍篇－－係舒夫智星上時一直同阿包同悟空佢地既後面,等大戰結束後就以世界冠軍既身份叫地球上既人上舒夫智星避難。第三十屆武術大會時本來想退休並讓阿包成為繼承人,但最終都打消呢個念頭。地獄軍攻擊地球時雖然都想逃走,不過最後仲係同大家一齊出黎作戰。悟空戰一星龍果陣都去左觀戰。

比迪麗/撒亞幪面超人2號

　　布歐篇－－係高中時遇見悟飯，而且識破左撒亞幪面超人既真面目，於是迫佢傳授舞空術同參加天下第一武術大會﹐結果認識撒旦平日所說既「掩眼法」既真相同各個強者，而且開始鍾意悟飯，於是為左佢而剪短頭髮。係武術大會後幫助大家搵龍珠。布歐攻擊天界果陣雖然以撒旦女兒既身份黎令佢延遲戰鬥，但係最後都被變成朱古力食左。後黎因龍珠復活。係之後既十年中同悟飯結婚，而且生左女兒呀包。

　　撒亞幪面超人2號－－比迪麗為左學悟飯般捉賊救人而扮既化身。基本上同撒亞幪面超人一樣。

　　baby∼七星龍篇－－由於對女兒既管教好嚴,所以係阿包既眼中往往係一個嚴母。經常因為阿包任性地離開而發嬲。被Ｂａｂｙ產卵後係舒夫智星上曾經幫悟飯對付阿包,後黎因超神水還原。悟空戰一星龍果陣都去左觀戰。

烏龍

　　初搵龍珠－－平時係敵人面前冇乜野幫手。不過其他人被畢拉夫困住左果陣同神龍許左個女裝內褲既願望就制止畢拉夫許征服世界既願望。後來居住係膠囊集團。

　　後來－－曾被水霧變成魔族，後黎因超神水復原。布歐攻擊天界時被變成朱古力食左，因龍珠復活。

　　初搵龍珠－－第一次搜集龍珠之旅完結後同阿樂搬去膠囊集團住。搵占星婆婆問最後龍珠位置時幫手打敗蝙蝠人。

　　後來－－曾被水霧變成魔族，後黎因超神水復原。布歐攻擊天界時被變成朱古力食左，因龍珠復活。

牛魔王

　　獨生女結婚後獨自一個人生活，因為咁成日去探望悟空佢地。好多時候同悟空一樣阻擾悟飯讀書。

　　悟飯外出戰鬥時成日係芝芝身邊防止佢暈倒受傷(笑~)，不過都因為咁而經常係佢發狂時挨打。布歐上天界時被變成朱古力食左，後黎因龍珠復活。

蘭枝

　　武術大會篇－－悟空一行被藍將軍捉住佢地而佢就張悟空解放,因為咁全體先冇被炸彈炸碎。係武術大會中都用自己既槍械幫莊子佢地搵好坐位。係第廿二屆武術大會後鍾意左天津飯。

　　武術大會後左得到天津飯既愛而離開龜屋，一直跟住他。不過到左最後都係得不到佢既心，之後就好似唔見左。

馬倫

係地球安靜地生活多年後被Ｂａｂｙ產卵,後黎因超神水還原。仲同父母逃離地獄軍時差D被１７號殺死。

海龜

皮亞

布里夫博士

　　雖然平日冇乜大作為，但幫左莊子改造天神既太空船，後黎都成為悟空搵番佢小時候既太空船再改造成可以比悟空他修鍊既工具。悟空走後造左另一艘太空船，不過等左很耐先可以令佢開動。

　　係比達既要求下幫比佢造左一個高重力修鍊室。１６號被破壞後都幫莊子修理好他。西都被布歐毀滅時喪生，後黎因龍珠復活。

莊子既媽媽

　　因為咁將比達嚇到逃番宇宙。好鍾意外孫杜拉格斯。西都被布歐毀滅時喪生，後黎因龍珠復活。